Hirimyas 27:7 - Hanunuu

⁷ Ti tanan nasyun sumirbi sa kanya, sa kay anak, hanggan sa kay laki tugka sa marangga ti kaharian Babilunya. Bag-u ti Babilunya maan ti sumirbi sa mayamu pag nasyun hanggan sa manga makapangyarihan pag hari.

Hirimyas 27:7 Iomraidhean Croise

Kanta 37:13

Dapat pagkasarin-an lang Panginuun ti manga daut, dahil alam niya arani yi ti kaudasan pagsintinsiya.

Isayas 13:1

Inda ti pagsabihun tungkul sa Babilunya, ti ipinaburayhaw Panginuun sa kan Isayas kay anak ni Amus:

Isayas 21:9

Taynguna, bantayi niyu! May magras-ug manga kalisa guyud-guyud duwa ka kabayu.” Ag magkun waya ti manugbantay, “Nawayak yi ti Babilunya! Ti tanan niya manga histuda diyus-diyusan nag-iridugsak sa daga ag nagkarawayak tanan.”

Hirimyas 34:1

Ginira ni Hari Nabukudunusur taga Babilunya ti Hirusalim ag ti manga banwa sa kay sangput. Kaibahan niya nan-gira ti tanan niya manga sundalu hanggan ti manga sundalu ginan sa manga kaharian kay magkasakupan. Sa tida pag udas, magkun sa kan Hirimyas ti Panginuun Makamaskihan, ti Diyus Israil, “Pag-ati kawu sa kan Hari Sidikyas sa Huda, sabihun nimu kuntay aku, ti Panginuun magkumun, ‘Ipakaun niku sa hari Babilunya inda pag banwa bag-u irubun niya inda.’

Hirimyas 44:30

Ipakaun niku si Hari Hupra, ti hari Ihiptu sa manga kalaban niya gustu mumatay sa kanya parihu sa binuwat niku sa kan Sidikyas sa Huda sa kalaban niya si Hari Nabukudunusur sa Babilunya ti may gustu diman mumatay sa kanya. Aku, ti Panginuun, ti magsabi inda.’ ”

Hirimyas 46:13

Inda ti sinabi Panginuun sa kan Purupita Hirimyas tungkul sa paggira ni Hari Nabukudunusur sa Babilunya sa Ihiptu:

Hirimyas 52:31

Katpung ika-37 pag timpu kay pagkabihag ni Hari Hihuyakin taga Huda, naghari sa Babilunya si Ibil Mirudak. Pinalpasan niya si Hihuyakin pagka sa ika-25 pag sirang sa ika-12 pag bulan sa tida diman pag timpu.

Isikil 30:24

Pabaskugun niku ti manga takyay hari Babilunya bag-u ipahiyaput niku sa kanya kang baladaw. Dapat bariun niku ti manga takyay hari Ihiptu, bag-u man-arunghung gid siya sa kay biyag ag ga mamatay yi sa atubangan hari Babilunya.

Danyil 2:37

Mahal Hari, kawu ti pinakaabwat sa tanan pag hari. Binwat kawu hari nita Diyus sa langit, ag pinakan-an niya kawu kapangyarihan hanggan kabisugan, ag kadayawan.

Danyil 4:22

balaw may iba nu unman kawu, Mahal Hari. Nagbaliw makapangyarihan kawu tugka sa inmaput sa langit kanmu kapangyarihan, ag kanmu paghari inmaput una naan baliwa pag suuk kalibutan.”

Habakuk 2:7

Dapat kadaka lang kamu balusan manga binihag niyu pag nasyun, ag kamu waydi ti takigan sa dala bag-u sida waydi ti umagaw kanyu manga kasiyunan.

Habakuk 2:8

Dahil mayamu pag manga nasyun kanyu inagawan manga kasiyunan, kamu waydi ti agawan manga tawu nasawad sa inda pag manga nasyun. Mangyari inda sa kanyu dahil sa pagmatay niyu sa manga tawu ag dinaut niyu kanda manga daga hanggan manga banwa.

Ipinakakit 14:8

Nagdasun sa kanya ti ikadwa pag anghil magkun, “Nawasak yi, nawasak yi ti makapangyarihan pag banwa Babilunya. Pinakan-an niya maisug pag intus ti tanan nasyun tawu, pinilit pinalangu niya sida sa panguragin niya.”

Ipinakakit 16:19

Natlu ti daka pag banwa. Natumpag yi ti manga banwa tanan nasyun. Udyi nakaribri sa sintinsiya Diyus ti bantug pag banwa Babilunya, pinainman intus, kay kahulugan kay mahigpit ngani pag galit Diyus.