Hirimyas 27:6 - Hanunuu

⁶ Nakan taynguna, ipakaun niku kanyu manga nasyun sa kang manugsirbi sa kan Hari Nabukudunusur sa Babilunya. Una hanggan ti manga maraisug pag hayup ipasakup niku sa kanya.

Hirimyas 27:6 Iomraidhean Croise

2 Hari 25:28

Mayad siya sa kan Hihuyakin ag kinilala niya siya subra man sa iba manga hari binihag diman ati sa Babilunya.

2 Krunika 36:23

Inda ti tultulanun ni Hari Sayrus sa Pirsiya: “Ipinakaun sa kangku Panginuun, ti Diyus sa langit, ti tanan pag kaharian sitay sa kalibutan, ag piniyaran niya aku sa pag patindug sa Balay Diyus para sa kanya ati sa Hirusalim sa sakup Huda. Kamu tanan pag nasakupan Diyus, pagbalik yi kamu sa kanyu daga. Ag mana ibahan kamu Panginuun.”

Isayas 44:28

Magkun aku kan Sayrus, “Kawu ti manugbantay niku manga nasakupan ag buwatun nimu ti tanan niku gustu. Pagsugu kawu kuntay patindugan maan ti Hirusalim hanggan ti Balay Diyus.”

Hirimyas 21:7

Ag kawu Sidikyas, hari sa Huda, kanmu manga takinan, hanggan ti manga nasakupan nasawad balaw namatay sa sarut, sa girahan, ngatay sa lun-us ipakaun niku sa kan Hari Nabukudunusur sa Babilunya ag sa kanyu iba manga kalaban. Bag-u panmatyun niya kamu unman may pangaawa. Aku, ti Panginuun, ti magsabi inda.’

Hirimyas 22:25

Ipakaun niku kawu sa manga magkaibug mumatay sa kanmu, ti pagkadalaan nimu. Ipakaun niku kawu sa kan Hari Nabukudunusur sa Babilunya hanggan sa kay manga sundalu.

Hirimyas 24:1

May ipinakakit ti Panginuun sa kangku pagkalawuy bihagun ni Nabukudunusur hari Babilunya si Hihuyakin hari Huda, anak ni Hihuyakim. Si Hihuyakin dinara atag sa Babilunya hanggan ti manga takinan niya, ag ti manga anad pag manugpanday hanggan manugtarabahu sa Huda. Sa kang pangakakitun nakitan niku ti duwa ka alat igus ati sa atubangan Balay Diyus Panginuun.

Hirimyas 25:9

ipagira niku kamu sa manga sundalu ginan sa kanaway pagpangunahan niku manugsirbi ni Hari Nabukudunusur sa Babilunya. Girahun niya inda pag daga ag ti manga nasakupan inda, hanggan ti tanan nasyun sa kay sangput. Rurisun niku kamu lubus, madiklahan gid ti manga tawu sa malakawan niyu, puyaan kamu iba dahil lubus kamu rangga hanggan aban.

Hirimyas 28:14

Aku, ti Panginuun Makamaskihan, ti Diyus Israil magsabi: Ipapas-an niku ti singkaw baul sa tanan nasyun, hampay manirbi sida sa kan Hari Nabukudunusur sa Babilunya. Hanggan ti manga maraisug pag hayup ipasakup niku sa pagdumara niya.”

Hirimyas 43:10

Bag-u sabihun nimu sa kanda kuntay aku, ti Panginuun Makamaskihan, ti Diyus Israil magsabi, ‘Suguun niku kang manugsirbi si Hari Nabukudunusur sa Babilunya ag ipatukaw niku kay kaharian ag turda panhari sa inda pag tungud batu, ti ilinubung niku sa daga sa karaw-an dalan.

Hirimyas 49:30

“Manga taga Hasur, pagdali-dali kamu ag pagpalagiw! Aku, ti Panginuun, ti magsabi pagpatagu yi kamu sa manga lukib. Naggayak daut laban sa kanyu si Hari Nabukudunusur sa Babilunya.

Isikil 29:12

Buwatun niku ti Ihiptu pinakamapung-aw sa tanan pag nasyun. Sa sulud 40 ka timpu, kay manga banwa bumaliw pinakamaruku sa tanan pag banwa. Bag-u ikalat niku ti manga taga Ihiptu sa tuhay-tuhay pag manga nasyun.”

Isikil 30:24

Pabaskugun niku ti manga takyay hari Babilunya bag-u ipahiyaput niku sa kanya kang baladaw. Dapat bariun niku ti manga takyay hari Ihiptu, bag-u man-arunghung gid siya sa kay biyag ag ga mamatay yi sa atubangan hari Babilunya.

Danyil 4:12

Marinu kay manga labung ag mayamu kay manga burak kang-ud pakaunun ti tanan. Magpahamuy ti manga hayup sa kanya ag magpugad ti manga manuk sa kay manga sanga. Siyun pag magbuul karan-unun ti tanan manga linalang.’

Danyil 4:22

balaw may iba nu unman kawu, Mahal Hari. Nagbaliw makapangyarihan kawu tugka sa inmaput sa langit kanmu kapangyarihan, ag kanmu paghari inmaput una naan baliwa pag suuk kalibutan.”