Hirimyas 27:5 - Hanunuu

⁵ Sa panab-anan niku kamaskihan linalang niku ti kalibutan, ti manga tawu hanggan ti manga hayup. Aku ti may karampatan nu si unu kang piyaran inda.

Hirimyas 27:5 Iomraidhean Croise

Gimpuunan 1:25

Linalang Diyus inda tanan ag nakabaya siya sa kay nakitan.

Gimpuunan 9:6

Una si unu ti manmatay sa kay kaparihu kailangan matyun diman siya niya kaparihu. Dahil ti tawu binwat Diyus ga kay histuda.

Isra 1:2

“Inda kay pagsabihun ni Hari Sayrus taga Pirsiya: “Ipinakaun sa kangku Panginuun, Diyus kalangitan, ti tanan pag kaharian sitay sa kalibutan, ag ikinatiwala niya sa kangku ti pagpatindug Balay Diyus para sa kanya ati sa Hirusalim sakup Huda.

Nihimyas 9:22

“Pinapanalu nimu sida sa laban sa manga kaharian, manga nasyun, hanggan sa manga daga sa kanda palibut. Sinakup nida ti daga Hisbun pagdumarahan ni Hari Sihun hanggan ti daga Basan pagdumarahan ni Hari Ug.

Kanta 102:25

Sa kabag-u linalang nimu ti kalibutan ag ti langit.

Kanta 96:5

dahil ti tanan diyus iba manga nasyun unman may pulus, ti Panginuun imaw ti naglalang kalangitan.

Pag-ighit 20:11

Dahil sa sulud unum ka sirang, linalang niku ti langit, ti daga, ag ti dagat, hanggan ti tanan-tanan asan, dapat nagpahari aku sa ikapitu pag sirang. Nakan pinapaladan niku ti Sirang Pamahari ag binwat niku inda mahalaga pag sirang para sa kangku.

Pag-ighit 6:6

Nakan kumumun kawu sa manga Israilita: ‘Aku ti Panginuun. Palpasan niku kamu sa pagkapanawuhun sa Ihiptu. Sa panab-anan kamaskihan niku, mabuyat pag parusa ti ipakaun niku sa manga Ihipsiyu, ag kamu kang iribri.

Isayas 42:5

Inda ti pagsabihun Diyus, ti Panginuun naglalang langit ga kay linadlad inda ga rutay. Linalang niya ti kalibutan hanggan ti tanan asan. Siya diman ti magpakaun buhi sa manga tawu ag sa tanan linalang magkabuhi sa kalibutan.

Isayas 44:24

Inda ti pagsabihun Panginuun kanyu Manugribri ti naglalang sa kanyu: Aku ti Panginuun ti naglalang tanan bagay. Aku lang usa ti nagladlad sa langit ag aku diman ti naglalang sa kalibutan.

Isayas 45:12

Aku ti nagbuwat kalibutan hanggan ti tanan magpangulian siyun. Kang manga kamang ti nagbuklad sa langit, aku ti nagsugu sa init, sa bulan hanggan sa manga pamgasan kuntay pagluwang.

Isayas 48:13

Aku ti nagpauli paratukawan kalibutan hanggan aku diman ti nagbuklad kalangitan. Nu magsugu aku sa kanda, pagsundun nida.

Isayas 51:13

Aku aw magkalimtan yi niyu? Aku ti naglalang sa kanyu? Aku ti nagladlad sa langit hanggan ti nagpauli paratukawan kalibutan. Hayga magkabuhi kamu magkadala sa isug manga mag-api ag magkaibug rumuris sa kanyu? Kanda isug balaw makadaut sa kanyu.

Hirimyas 27:4

Sabihun nimu sa kanda inda pag tultulanun para sa kanda manga hari: ‘Inda ti pagsabihun Panginuun Makamaskihan, ti Diyus Israil:

Hirimyas 32:17

“Panginuun Diyus, linalang nimu ti langit ag ti daga sa panab-anan nimu kamaskihan. Unman may una hintay pag bagay ti unman nimu mabwat.

Hirimyas 51:15

Linalang Diyus ti langit ag ti kalibutan sa panab-anan kamaskihan ag kadunungan niya.

Danyil 2:38

Ipinasakup niya sa kanmu ti manga tawu, manga hayup, manga manuk, una naan katpung sida. Kawu kay ibug sabihun tunda pag ulu gintu diyus-diyusan.

Danyil 4:14

Nagringgit siya, ‘Pukana niyu ti kayu ag pamulda kay manga sanga. Bul-a kay manga labung ag yamtan kay manga burak. Bugawa diman niyu ti manga hayup magpahamuy sa kay sirung hanggan ti manga manuk magpugad sa kay manga sanga.

Danyil 4:17

Imaw inda ti parusa ipinasandam anghil hampay maalaman tanan ti Kaabwat-abwatan pag Diyus imaw ti may kamaskihan sa kaharian manga tawu. Ag mahimu niya sida ipasakup una sa kantapu nu gustu niya, una waya sa pinakapugri pag tawu.

Danyil 4:22

balaw may iba nu unman kawu, Mahal Hari. Nagbaliw makapangyarihan kawu tugka sa inmaput sa langit kanmu kapangyarihan, ag kanmu paghari inmaput una naan baliwa pag suuk kalibutan.”

Danyil 4:25

Palayasun kawu pakarayu sa manga tawu ag mangulian kawu kaibahan manga hayup sa talun. Manharab kawu ilamnun parihu sa baka ag mabasa pirmi kawu tun-ug. Pagkalawuy pitu ka timpu, kilalan-un nimu ti Kaabwat-abwatan pag Diyus imaw ti may kamaskihan sa kaharian manga tawu ag mahimu niya sida ipasirung una sa kantapu nu gustu niya.

Danyil 5:18

“Mahal Hari, kanmu ama si Nabukudunusur pinakan-an Kaabwat-abwatan Diyus usa ka kaharian. Nagmakapangyarihan siya ag kinilala manga tawu.

Binwat 14:15

magkun, “Danga duy buwatun niyu tunda. Kami manga tawu lang waydi parihu ga kanyu. Pag-itudlu nimi sa kanyu ti Mayad pag Barita tungkul sa kan Hisus hampay ipatlikud nimi kamu sa tunda pag manga buwat unman may kabuluhan ag hampay tudluan nimi kamu magsamba sa Diyus buhi. Siya ti naglalang sa langit, daga, dagat hanggan sa tanan-tanan bagay.

Binwat 17:24

Diyus ti naglalang sa daga hanggan sa tanan-tanan bagay sa babaw daga. Siya yi tig hari sa langit una sa daga, nakan unman siya nangulian sa manga balay simbahan binwat tawu kamang.

Binwat 17:26

Kay linalang Diyus ti usa ka tawu hampay siya ti kinalahian tanan nasyun tawu nangulian sa babaw daga. Pagka udwaya linalang Diyus ti tawu, daan inisip Diyus ti kada tawu kay kaudasan niya buhi hanggan kay ulian pag daga.

Diyuturunumiyu 2:19

Nu makaras-ug yi kamu sa manga Amunita, pag manga linahi ni Lut, danga niyu sida pagguluha ngatay pagdugmaa, dahil inayaw yi niku sa kanda ati pag daga, ag balaw niku kamu ayawan una lang diit pag bahagi nida daga.’

Diyuturunumiyu 2:21

Subra mayamu sida ag marabaskug, bag-u arabwat parihu sa manga lahi ni Anak. Dapat ay ipinadamhak sida Panginuun sa manga Amunita. Pinaighit sida manga Amunita bag-u inulianan kanda daga.

Diyuturunumiyu 2:7

Alalahana niyu nu kabitay niku kamu pinapaladan sa tanan-tanan pag binwat niyu. Aku, ti Panginuun niyu Diyus, ti nagbantay sa kanyu maglakaw sa maluang pag pangawakawaan sa sulud upatpulu ka timpu. Inibahan niku kamu, bag-u balaw kamu kinurang sa kanyu kailangan pag manga bagay.’

Diyuturunumiyu 2:9

magkun sa kangku ti Panginuun, ‘Danga niyu pagguluha ngatay pagdugmaa ti manga Muabita kay manga linahi ni Lut, dahil ipinakaun yi niku sa kanda ti Ar hampay ulianan nida, ag balaw niku kamu ayawan una lang diit pag bahagi nida daga.’ ”

Diyuturunumiyu 32:8

Pagka pinakan-an Kaabwat-abwatan pag Diyus daga ti manga nasyun bag-u pagka tinunga-tunga niya ti manga nasakupan, pinaulian niya sida tab-anan angay sa kayamuun manga anghil Diyus.

Diyuturunumiyu 4:17

hayup maglakaw ngatay maglayang,

Diyuturunumiyu 4:25

“Aban, nu manganak kamu ag magka-umput, bag-u nangulianan dugay sa ati pag daga, danga niyu pag yagtingi kanyu sadili sa panab-anan pagbuwat manga diyus-diyusan una hintay kay histuda. Daut inda sa magbantay Panginuun niyu Diyus ag makapaisug gid inda sa kanya.

Diyuturunumiyu 4:32

“Isipun niyu ti manga nangyari ginan sa sirang binuwat Diyus ti tawu sa kalibutan tugka taynguna. Bag-u usisaa niyu ti buu kalibutan nu may makitan kamu makadululaw pag bagay parihu sa kanyu nalakawan.

Diyuturunumiyu 4:35

Ipinakakit sa kanyu tunda pag manga bagay hampay masalman niyu ti Panginuun imaw ti Diyus, ag udyi may iba waya.

Diyuturunumiyu 5:16

“ ‘Paggalang kamu sa kanyu ama ag ina, angay sa kang pag-isugu sa kanyu, hampay mabuhi kamu dugay ag hampay mayad kanyu kahamtangan sa pag-ipakaun niku pag daga sa kanyu.

Diyuturunumiyu 9:29

“ ‘Dapat kanmu sida pag nasakupan. Sida ti magkaapu nimu pag manga nasakupan, ti ipinaluwas nimu sa Ihiptu sa panab-anan nimu masyadu pag kamaskihan.’ ”

Kulusas 1:16

Dahil ti tanan-tanan bagay una sa langit una sa babaw daga, ti manga mag-akitan hanggan ti unman mag-akitan, linalang Diyus sa panab-anan ni Kiristu, para diman sa kan Kiristu ti tanan tunda. Una ti manga anghil abwat kay katungkulan, ti manga magpamahala, ti manga naminunu, ti may manga kamaskihan sa langit hanggan sa babaw daga, kay diman linalang Diyus sa panab-anan ni Kiristu hampay ipasakup niya sa kan Kiristu.

Hibriyu 1:2

Pagka kainda arani yi ti katapusan kalibutan, kay Anak ngap ti nagpadakit sa kay manga binagaw Diyus sa kanta. Ti Anak ti pinili pag manugkarubut sa tanan manga bagay, dahil ginan lang sa kanya pag binwat Diyus ti kalibutan.

Ipinakakit 4:11

“Panginuun, kawu kanmi Diyus, kawu ti dapat makatanggap kadayawan, paggalang hanggan kamaskihan. Dahil kawu ti naglalang sa tanan manga bagay, ag angay diman sa kanmu kagustuhan linalang nimu sida.”