Hirimyas 27:4 - Hanunuu

⁴ Sabihun nimu sa kanda inda pag tultulanun para sa kanda manga hari: ‘Inda ti pagsabihun Panginuun Makamaskihan, ti Diyus Israil:

Hirimyas 27:4 Iomraidhean Croise

Pag-ighit 5:1

Nag-atag sida ni Muysis ni Aarun sa hari Ihiptu ag magkun, “Inda ti pagsabihun Panginuun, ti Diyus Israil: ‘Pasnui nimu umighit kang manga nasakupan hampay tupadun nida kanda pista ati sa pangawakawaan para sa kangku.’ ”

Hirimyas 10:10

Dapat ti Panginuun imaw ti tutuu pag Diyus. Siya ti buhi pag Diyus ag Hari unman may katapusan. Nu magkagalit siya magkatandug ti kalibutan, unman may nasyun makapadugay sa masyadu gid pag galit niya.

Hirimyas 10:16

Dapat kay Diyus ni Hakub balaw parihu sa kanda. Siya ti nagbuwat tanan pag manga bagay, hanggan Israil, kay sadili pag nasakupan. Panginuun Makamaskihan kay ngaran.

Hirimyas 25:27

Bag-u magkun sa kangku ti Panginuun, “Sabihun nimu sa inda pag manga nasyun kuntay aku, ti Panginuun Makamaskihan, ti Diyus Israil, magsabi: ‘Sigi, pag-inum kamu sa ungut pangagalit niku tugka sa malangu, mansuka, ag maplid kamu, ag udyi makabangun dahil padarahan niku kamu girahan.’

Hirimyas 27:3

Bag-u sabihun nimu inda sa manga hari sa Idum, Muab, Amun, Tiru ag Sidun sa panab-anan manga sinugu nida sa Hirusalim hampay pumasampak kan Hari Sidikyas sa Huda.

Hirimyas 27:5

Sa panab-anan niku kamaskihan linalang niku ti kalibutan, ti manga tawu hanggan ti manga hayup. Aku ti may karampatan nu si unu kang piyaran inda.

Hirimyas 28:14

Aku, ti Panginuun Makamaskihan, ti Diyus Israil magsabi: Ipapas-an niku ti singkaw baul sa tanan nasyun, hampay manirbi sida sa kan Hari Nabukudunusur sa Babilunya. Hanggan ti manga maraisug pag hayup ipasakup niku sa pagdumara niya.”

Hirimyas 51:19

Dapat ti Diyus ni Hakub balaw parihu sa manga katida. Siya ti naglalang sa tanan bagay hanggan yi ti Israil, ti manga tawu kay pinili niya — Panginuun Makamaskihan kay ngaran niya.