Hirimyas 27:15 - Hanunuu

¹⁵ Inda ti pagsabihun Panginuun, ‘Balaw niku sinugu tunda pag manga purupita. Magbagaw sida kapudilan sa ngaran niku. Nakan nu mamasnu kamu sa kanda, palayasun niku kamu ag rurisun hanggan tunda pag manga purupita.’ ”

Hirimyas 27:15 Iomraidhean Croise

2 Krunika 25:16

Habang magbagaw ti purupita, sinmagut ti hari, “Hayga pagpaanyuan nimu aku? Binwat aw kawu niku tagapaanyu? Paghim-ung kawu, dahil nu unman, ipamatay niku kawu.” Nakan naghim-ung ti purupita makalawuy niya sabihun: “Pihu rurisun kawu Diyus dahil sinamba nimu ti manga diyus-diyusan ag unman kawu namatingi sa kangku.”

Hirimyas 14:14

Sinmagut ti Panginuun, “Tunda pag manga purupita maghula kapudilan sa ngaran niku. Balaw niku sida sinugu ag balaw aku ti magbagaw sa kanda. Balaw ginan sa kangku kanda pagsabihun pag manga pangakakitun sa kanyu; unman may pulus ag pinathaw lang kanda pag ihula.

Hirimyas 20:6

Hanggan kawu, Pasur, ag kanmu buu magtal-anakan ay bihagun ag daran-un sa Babilunya. Ati kawu pag mamatay ag ilbung, hanggan ti tanan nimu manga kakilala hinulaan nimu kapudilan.”

Hirimyas 23:15

“Nakan ngani, aku, ti Panginuun Makamaskihan, magkumun tungkul sa inda pag manga purupita: Pakaunun niku sida mapait pag karan-unun ag painmun niku sida irinmun may hilu dahil sa kanda naglantap ti kadautan sa buu daga.”

Hirimyas 23:21

Balaw niku sinugu tunda pag manga purupita, dapat ay naglakaw diman sida. Unman aku may sinabi sa kanda, dapat ay magtultul diman sida.

Hirimyas 23:25

“Nadnugan niku ti manga pagsabihun manga purupita magbagaw kapudilan sa ngaran niku. Pagsabihun nida pinakan-an kunu niku sida tultulanun sa panab-anan tagin-up.

Hirimyas 27:10

Kapudilan ti pagsabihun nida sa kanyu. Ag nu maniwala kamu sa kanda paighitun niku kamu sa kanyu daga. Palayasun ag rurisun niku kamu.

Hirimyas 29:8

Magkun waya ti Panginuun Makamaskihan, ti Diyus Israil, “Danga kamu magpadaya sa kanyu manga purupita ngatay sa manga kaibahan niyu manughula. Danga kamu magpasnu sa kanda manga tagin-up.

Hirimyas 29:9

Dahil magbagaw sida kapudilan sa ngaran niku. Balaw niku sida sinugu.

Hirimyas 38:22

Ti tanan babayi natayak sa balay nimu darahun manga takinan hari Babilunya. Bag-u sumabi sa kanmu inda pag manga babayi, ‘Dinaya duy kawu nimu manga suud pag kakilala. Taynguna matalnudan yi sa lutuk kanmu manga lulud, tinayakan yi nida kawu.’

Matiyu 15:14

Pabay-ani niyu sida, buta pag manga manug-abat sida. Nu ti buta umabat sa kay kaparihu buta, minsan sida malagpak sa abwat.”

Matiyu 24:24

Dahil may pumabalhinguun aban kuntay siya yi ngani ti Pinili Diyus Manugribri pag Hari. May lumuwang manga pudilun pag purupita. Pumakakit sida manga makadululaw pag tanda hanggan manga lilingutan pag manga buwat hampay nu mahimu lang, patalangun nida hanggan ti manga pinili Diyus.

Ipinakakit 19:20

Nabihag ti hayup malangas, nabihag diman waydi ti pudilun pag purupita imaw ti manugbuwat makadululaw pag tanda sa atubangan hayup malangas. Tunda ngani pag manga tanda makadululaw ti ginamit niya pandaya sa manga tawu nakatanggap marka hayup malangas, sa manga magsamba sa kay tawu-tawu. Ti hayup malangas ag ti pudilun pag purupita iyinmut buhi tag sa maglabdab danaw apuy asupri.