Hirimyas 27:12 - Hanunuu

¹² Inda diman ti pagsabihun niku sa kan Hari Sidikyas sa Huda. Magkun aku, “Pagpasakup kamu sa hari Babilunya. Pagsirbi kamu sa kanya hanggan sa kay nasakupan niya hampay mabuhi kamu.

Hirimyas 27:12 Iomraidhean Croise

Kabagawan 1:33

Dapat ti magpatingi sa kangku mabuhi may kahusayan. Balaw siya maunu ag unman siya may kadalaan.”

Hirimyas 17:4

Madura sa kanyu kang ipinakaun pag daga. Buwatun niku kamu suruguun niyu manga kalaban ati sa balaw niyu alam pag rugar, dahil ginalit niyu aku parihu sa maglabdaban apuy balaw magkapsa hanggan aban.”

Hirimyas 21:9

Una si unu ti pumirmaminti buhi sa inda pag banwa mamatay sa girahan, lun-us, ngatay sa sakit. Dapat ti manga umampu sa manga taga Babilunya magsangput sa banwa niyu ay mabuhi. Hu, maribri di kay buhi ti umampu.

Hirimyas 27:8

“ ‘Dapat nu may nasyun ngatay kaharian dayu mansirbi ngatay pumasakup sa kan Hari Nabukudunusur sa Babilunya, aku ti pumarusa sa nasyun ngatay sa ati pag kaharian sa panab-anan girahan, lun-us, ag sakit tugka sa mipasakup niku sida sa kan Nabukudunusur. Aku, ti Panginuun, ti magsabi inda.

Hirimyas 28:1

Katpung ati diman pag timpu, sa ikalima pag bulan sa ikap-at pag timpu kay maghari ni Sidikyas sa Huda, may pagsabihun sa kangku si Purupita Hananiyas kay anak ni Asur taga Gibyun ati sa Balay Diyus Panginuun, sa atubangan manga manughandug ag manga tawu siyun. Magkun siya,

Hirimyas 28:2

“Inda ti pagsabihun Panginuun Makamaskihan, ti Diyus Israil, ‘Bul-un yi niku ti kapangyarihan hari Babilunya.

Hirimyas 38:17

Magkun si Hirimyas sa kan Sidikyas, “Inda ti pagsabihun Panginuun Diyus Makamaskihan, ti Diyus Israil, ‘Nu umampu duy kawu sa manga takinan hari Babilunya, maribri duy kanmu buhi ag balaw nida irubun inda pag banwa. Kawu duy hanggan kanmu magtal-anakan mabuhi di.

Hirimyas 42:11

Danga yi kamu magkadala sa hari Babilunya dahil kaibahan niyu aku, iribri niku kamu sa manga kamang niya.