Hirimyas 27:11 - Hanunuu

¹¹ Dapat ti pumasakup ag sumirbi pag manga nasyun sa hari Babilunya pumirmaminti sa sadili nida banwa. Siyun sida pag mangulian, bungkagun nida kanda sadili daga. Aku, ti Panginuun, ti magsabi inda.’ ”

Hirimyas 27:11 Iomraidhean Croise

Hirimyas 21:9

Una si unu ti pumirmaminti buhi sa inda pag banwa mamatay sa girahan, lun-us, ngatay sa sakit. Dapat ti manga umampu sa manga taga Babilunya magsangput sa banwa niyu ay mabuhi. Hu, maribri di kay buhi ti umampu.

Hirimyas 27:12

Inda diman ti pagsabihun niku sa kan Hari Sidikyas sa Huda. Magkun aku, “Pagpasakup kamu sa hari Babilunya. Pagsirbi kamu sa kanya hanggan sa kay nasakupan niya hampay mabuhi kamu.

Hirimyas 27:8

“ ‘Dapat nu may nasyun ngatay kaharian dayu mansirbi ngatay pumasakup sa kan Hari Nabukudunusur sa Babilunya, aku ti pumarusa sa nasyun ngatay sa ati pag kaharian sa panab-anan girahan, lun-us, ag sakit tugka sa mipasakup niku sida sa kan Nabukudunusur. Aku, ti Panginuun, ti magsabi inda.

Hirimyas 38:2

una si unu ti patayak sitay sa banwa mamatay sa girahan, lun-us hanggan sakit. Dapat una si unu ti sumuku sa manga taga Babilunya balaw mamatay. Makaribri siya ag mabuhi di.

Isikil 28:25

Magkun waya gid ti Panginuun Diyus, “Tipunun yi niku ti nasakupan Israil ginan sa manga nasyun nu naan pag nawayak sida. Sa panab-anan niku buwatun sa kanda, maipakakit niku kang kabanalan sa manga nasyun. Mangulian ti manga Israilita sa kanda sadili daga, ti daga ipinakaun niku sa kang suruguun si Hakub.