Hirimyas 26:9 - Hanunuu

⁹ Hayga kanmu pagsabihun sa ngaran Panginuun kuntay inda pag Balay Diyus dautun parihu sa Silu, ag inda pag banwa bumaliw mapung-aw udyi may mangulian?” Nakan dinakup nida si Hirimyas sa Balay Diyus Panginuun.

Hirimyas 26:9 Iomraidhean Croise

2 Krunika 25:16

Habang magbagaw ti purupita, sinmagut ti hari, “Hayga pagpaanyuan nimu aku? Binwat aw kawu niku tagapaanyu? Paghim-ung kawu, dahil nu unman, ipamatay niku kawu.” Nakan naghim-ung ti purupita makalawuy niya sabihun: “Pihu rurisun kawu Diyus dahil sinamba nimu ti manga diyus-diyusan ag unman kawu namatingi sa kangku.”

Isayas 29:21

hanggan ti tanan manga magbangdan balaw may tutuu sa kaparihu, ti manga marapudil hampay lang papaniwalaun nida ti manga manughusay, hanggan ti pudilun pag kastigus hampay balaw mapakan-an katadlungan ti manga unman may kasalanan.

Hirimyas 32:3

Pinirisu siya ati ni Hari Sidikyas dahil sa kay ipinaburayhaw. Dahil pagsabihun ni Hirimyas: “Inda ti pagsabihun Panginuun: Ipakaun niku inda pag banwa sa hari Babilunya ag sakupun niya.

Hirimyas 33:10

Magkun waya ti Panginuun, “Pagsabihun niyu kuntay mapung-aw ag unman may manga tawu ag manga hayup ti Huda ag Hirusalim. Dapat rumas-ug ti sirang madnugan maan sa inda pag manga rugar ti manga kabayaan ag kasulunggan.

Hirimyas 36:29

Bag-u sabihun nimu sa hari kuntay inda ti pagsabihun niku, ‘Inirub nimu ti malulunan pag kasuratan dahil pagsabihun ati kuntay wayakun hari Babilunya inda pag daga, ag matyun kay manga tawu hanggan manga hayup.

Hirimyas 9:11

Dahil magsabi ti Panginuun, “Wasakun niku ti Hirusalim, bumaliw inda ulian manga talun idu. Buwatun niku ga pangawakawaan ti manga banwa Huda tugka sa unman yi may mangulian siyun.”

Karukuan 4:13

Dapat nangyari inda dahil sa manga kasalanan nida manga purupita ag manga manughandug, nagmatay sa matadlung pag manga tawu.

Amus 5:10

Kamu pag manga taga Israil, pag-ikagalit niyu ti magsintinsiya tama hanggan sa magtultul tutuu sa hurusayan.

Mikas 2:6

Kainda, pagpatigayunun waya niyu kami. Magkumun kamu, “Danga yi kami pagpatigayuna tungkul sa tunda pag kadamhakan niyu pagsabihun, dahil balaw gid kami mangay-a.

Matiyu 21:23

Pagka sinmaka si Hisus sa Balay Diyus, nagpakarani sa kanya ti manga pangulu manughandug hanggan ti manga paggurangunun manga Hudiyu sa kay katpung magtudlu. Sinabi nida sa kanya magkun, “Naan ginan kanmu karampatan nakan kanmu pagbuwatun inda pag manga bagay? Hintay ti nagpakaun karampatan sa kanmu?”

Matiyu 27:20

Ti kayamuan tawu waydi pagpakaudyukan manga pangulu manughandug hanggan manga paggurangunun manga Hudiyu hampay pamuhunun sa kan Pilatu si Barabas ti ipalpas ag si Hisus ti ipamatay.

Markus 15:11

Dapat pagpakaudyukan manga pangulu manughandug ti kayamuan tawu hampay kanda pamuhunun sa kan Pilatu si Barabas ngap ti palpasan.

Huwan 8:20

Inda tanan kay sinabi ni Hisus sa kay magtudlu sa manga tawu sa Balay Diyus sa arani kaban sukadan ambagan. Ag unman may nagdakup sa kanya dahil udwaya rinmas-ug kay taning pag udas.

Huwan 8:59

Nagpunpun ti manga Hudiyu manga batu hampay kanda ibintuk sa kan Hisus. Dapat napatagu si Hisus bag-u nagluwas siya sa Balay Diyus.

Binwat 13:50

Dapat ay nag-udyuk ti manga Hudiyu sa manga mayaman pag babayi manga niabay sa surundanun Hudiyu hanggan sa manga lalaki may kangaranan sa banwa hampay unu-unuhun nida sida ni Pablu ni Birnabi. Bag-u tinulak ngani sida siyun ginan pag manga rugar.

Binwat 21:30

Nagulu yi gid ti tawu banwa. Namalalagiwan minsan ti tanan tawu tag sa kan Pablu bag-u kanda dinusmugan, kanda kinarudkud atag sa luwas Balay Diyus, susun yi kanda tinalakpan ti manga sabian.

Binwat 22:22

Siti tugka namatingi gid ti manga tawu sa kan Pablu pagsabihun. Dapat ay pagka sinabi niya siya sinugu Panginuun tabug sa manga balaw Hudiyu, nanriringgitan ti kayamuan tawu magkun, “Matya yi gid duy siya. Udyi kailangan siya mabuhi waya.”

Binwat 3:11

Paghiyaptan waya lalaki sida ni Pidru ni Huwan, ti tanan manga tawu ungud naglingut masyadu. Nakan minsan namalalagiwan sida nagpakarani sa kanda ni Pidru ati sa pagkumnun Parat-ungan ni Sulumun.

Binwat 5:12

Pinakan-an Panginuun kapangyarihan ti manga apustul hampay magbuwat sida mayamu pag makadululaw ag lilingutan pag manga tanda sa atubangan manga tawu. Pirmi magtiripun ati sa Parat-ungan ni Sulumun ti tanan manga nagsarig sa kan Hisus.

Binwat 5:28

“Hinigpitan yi nimi kamu magkun danga yi gid kamu magtudlu tungkul sa kamaskihan ni Hisus. Dapat malu, hintay ngap kanyu binwat? Sa buu banwa Hirusalim tanan-tanan tawu nakadnug yi gid kanyu tudlu. Gustu waya niyu kami pakan-an saragtun tungkul sa kamatayan siyun pag tawu.”

Binwat 6:14

Nadnugan gid nimi kay magsabi magkun, tunda pag tawu si Hisus taga Nasarit tulagun niya aban ti Balay Diyus ag ilsan niya ti manga ugali kanta minana ginan sa kan Muysis.”

Huswi 18:1

Pagka natapus masakup manga Israilita tunda pag daga, naniripnan sida tanan sa Silu, bag-u namatindug Turda Taragbuan.