Hirimyas 26:19 - Hanunuu

¹⁹ Minatay aw siya ni Isikyas aw ngatay una si unu ati sa Huda? Unman! Bagkus ngap, nadala si Isikyas sa Panginuun ag nagpakarani siya sa kanya. Nakan balaw ipinatarus Panginuun ti pagsabihun niya pag kadamhakan laban sa kanda. Nakan nu matyun niyu si Hirimyas, kamu diman waydi ti pumarusa sa kanyu sadili.”

Hirimyas 26:19 Iomraidhean Croise

2 Samwil 24:16

Pagka matyun yi mana anghil ti manga nasakupan Hirusalim, naawa ti Panginuun sa manga tawu. Nakan magkun siya sa anghil magparusa sa manga tawu, “Kang-ud yi! Danga yi sida pagparusahi.” Sa tunda pag udas, matindugan ti anghil Panginuun sa may giriukan ni Arauna, usa ka Hibusiyu.

2 Krunika 32:20

Nandarangin sida sa Diyus sa langit ni Hari Isikyas ag ni Purupita Isayas kay anak ni Amus.

2 Krunika 34:21

“Pagpaingana kamu sa Panginuun para sa kangku ag para sa manga nasawad nasakupan Israil ag Huda tungkul sa nakasurat sa nakitan pag ribru. Masyadu gid ti pangagalit Panginuun sa kanta dahil unman nagsunud kanta manga ginurang sa binagaw Panginuun nakasurat sa inda pag ribru.”

Pag-ighit 32:14

Nakan balaw yi ipinatarus Panginuun kay gayak rurisun kay manga nasakupan.

Isayas 26:21

Dahil rumas-ug yi siya ginan sa kay ulian hampay parusahan ti manga tawu sa kalibutan dahil sa kanda kasalanan. Ipalwang daga ti manga tawu minatay, ag balaw yi niya itagu waya.

Isayas 37:1

Pagka nasaydan ni Hari Isikyas ti barita, ginitas niya kay rutay, nanrutay siya saku hampay ipakakit kay karukuan, ag nag-ati siya sa Balay Diyus Panginuun hampay mandarangin.

Isayas 37:4

Ipinadara hari Asirya kay kumandir manga sundalu hampay puyaan ti Diyus buhi. Barang abi nadnugan Panginuun nimu Diyus ti sinabi kumandir ag parusahan siya sa kay sinabi. Nakan idarangin nimu ti manga nasawad sa kanta.”

Hirimyas 26:15

Dapat tandai niyu inda: nu matyun niyu aku, may saragtun kamu hanggan ti nasakupan sa inda pag banwa dahil sa pagmatay niyu sa tawu unman may kasalanan. Dahil tutuu aku ungud sinugu Panginuun hampay sabihun sa kanyu ti tanan nadnugan niyu taynguna.”

Hirimyas 26:3

Barang abi mamatingi sida sa kanmu ag pumatlikud sa daut nida ugali. Nu kanda buwatun inda, balaw yi niku iparargu kang gayak kadamhakan sa kanda dahil sa kanda daut pag manga buwat.

Hirimyas 44:7

“Nakan aku, ti Panginuun Diyus Makamaskihan, ti Diyus Israil magpaingana, ‘Hayga niyu pagdautun kanyu sadili? Gustu aw niyu maruris ti manga tawu sa Huda — ti manga lalaki, ti babayi, ti anak hanggan manga lapsag?

Amus 7:3

Nakan nagbag-u ti kaisipan Panginuun ag magkun siya, “Kanmu nakitan balaw yi mangyari.”

Habakuk 2:10

Dahil sa kanyu pagmatay sa mayamu pag manga tawu, kamu matyun diman hanggan kanyu manga balay wayakun.

Sakaryas 7:2

Nangyari inda matapus maipadara manga nasakupan Bitil si Sarisir hanggan si Rigim Milik, kaibahan kanda manga tawuhan, hampay hagadun sa manga manughandug sa Balay Diyus ag sa manga purupita sa pagpaingana sa Panginuun nu kailangan waya sida manhimanglaw ag balaw manhandum karan-unun sa ikalima pag bulan hampay alalahanun ti pagkagba Balay Diyus, parihu sa pagbuwatun nida sa dugay yi pag manga timpu.

Bilang 16:38

sa inda pag sukadan ginan sa manga tawu nagkaramatay dahil sa kanda manga kasalanan. Bag-u ipapilpig ti manga sukadan tugka sa man-nipis ag ihaklup sa harandugan dahil ihinandug inda sa Panginuun ag banal inda. Inda pag panhaklup sa harandugan usa ka paandam sa manga Israilita.”

Matiyu 23:35

Nakan ngani mitama gid sa kanyu ti kaparusahan sa nagmatay sa manga matadlung pag manga tawu sa bilug kalibutan ginan waya sa nanmatay sa kan Abil hanggan sa nanmatay sa kan Sakaryas ti anak ni Barakyas, kanyu minatay sa tab-anan Balay Diyus ag surunugan hayup handug sa Diyus.

Binwat 5:39

Nu bay inda ginan sa Diyus, dayi ngap niyu maampara, barang ngap kamu laban yi sa Diyus.” Nagpasnu ti manga Pinunu sa kan Gamalyil sinabi.

Ipinakakit 16:6

Pinalanas nida ti dugu manga tawu napasakup sa kanmu hanggan ti dugu manga purupita. Taynguna pinakan-an nimu sida dugu kanda yi irinmun. Tida ti angay yi gid ngani sa kanda binwat kasalanan.”