Hirimyas 26:18 - Hanunuu

¹⁸ “Katpung si Isikyas ti hari sa Huda, nagbagaw si Mikas taga Murisit tungkul sa pag-ipasabi Panginuun sa tanan taga Huda. Magkun siya, ‘Magkun ti Panginuun Makamaskihan wayakun niya ti Siun, ti banwa Hirusalim. Inda miparihu sa inaradu pag tanman, tap-ukan manga nagkaragba daraka balay ag bumaliw katalunan ti bantud nagpatindugan Balay Diyus.’

Hirimyas 26:18 Iomraidhean Croise

2 Hari 19:25

Tutuu pinandaut nimu ti inaladan batu pag manga banwa. Dapat unman aw lugud nimu alam dugay yi niku inda itinagka? Dugay niku inda ginayak mangyari, taynguna pagtupadun yi niku inda.

2 Krunika 32:26

Pagkatapus, nag-ampu si Isikyas sa kay pagpadayaw, ag katida diman ti nasakupan Hirusalim. Nakan unman pinadayun Panginuun kay pangagalit sa kanda habang magkabuhi waya si Isikyas.

Nihimyas 4:2

Sa atubangan niya manga kaibahan hanggan manga sundalu Samarya, magkun siya, “Unu lugud ti pagbuwatun manga kaawaawa pag manga Hudiyu? Mag-isip aw lugud sida sa sulud usa lang ka sirang maipatindug maan nida ti manga alad batu Hirusalim ag makahandug maan sida? Kanda aw hantup, magamit waya nida ti manga nasunug ag narunut pag manga alad batu!”

Kanta 79:1

Diyus, ginira manga taga iba nasyun ti magkaapu nimu pag daga. Inuringan nida kanmu banal pag Balay Diyus ag winayak ti Hirusalim.

Hirimyas 17:3

Nakan ipab-ul niku sa manga kalaban niyu kanyu manga kayamanan ag kasiyunan, hanggan manga simbahan niyu sa arabwat pag manga rugar, dahil sa binwat kasalanan niyu buu nasyun.

Hirimyas 51:37

Wasakun niku inda pag nasyun! Bumaliw karasarin-an ag makasurumpa inda pag nasyun, ag unman yi may mangulian sitay nu unman manga talun idu.

Hirimyas 9:11

Dahil magsabi ti Panginuun, “Wasakun niku ti Hirusalim, bumaliw inda ulian manga talun idu. Buwatun niku ga pangawakawaan ti manga banwa Huda tugka sa unman yi may mangulian siyun.”

Mikas 1:1

Inda ti bagaw Panginuun tungkul sa Samarya hanggan sa Hirusalim. Itinultul niya inda sa kan Mikas taga Murisit katpung hari sa Huda sida ni Hutam, ni Akas ag ni Isikyas. Magkun si Mikas,

Mikas 3:12

Nakan dahil sa kanyu dautun ti Siun, ti banwa Hirusalim. Bumaliw parihu sa inaradu tanman, ag bumaliw tumpuk manga nagkarapugdak batu. Ag bumaliw kapuruan ti bantud nabungsudan Balay Diyus.”

Mikas 4:1

Sa manga uryan aban pag sirang, ti bantud nabungsudan Balay Diyus Panginuun bumaliw pinakamahalaga gid sa tanan pag bantud. Manlinuwang ataytag ti manga tawu ginan sa tuhay-tuhay pag nasyun.

Sakaryas 8:3

Mamalik aku sa Siun, ti banwa Hirusalim, ag mangulian aku siyun. Nakan ingarnan ti Hirusalim Masurundun pag Daka Banwa ag kang bantud ingarnan Banal pag Bantud.