Hirimyas 26:11 - Hanunuu

¹¹ Magkun ti manga manughandug ag manga purupita sa manga may kangaranan hanggan sa tanan tawu siyun, “Kailangan sintinsiyahan kamatayan inda pag tawu dahil nagbagaw siya laban sa inda pag banwa. Nadnugan diman niyu kay pagsabihun!”

Hirimyas 26:11 Iomraidhean Croise

Hirimyas 18:23

Dapat alam duy nimu Panginuun ti tanan nida gayak manmatay sa kangku. Nakan danga duy nimu sida pagpatawada sa manga kasalanan ag kadautan nida. Pabay-ani sida matalu nida manga kalaban habang mabantayan lang kawu. Ipasamit nimu sa kanda kanmu pangagalit.”

Hirimyas 26:16

Magkun ti manga may kangaranan hanggan ti manga tawu sa manga manughandug ag manga purupita, “Balaw kailangan sintinsiyahan sa kamatayan inda pag tawu dahil nagbagaw siya sa kanta sa ngaran Panginuun nita Diyus.”

Hirimyas 38:4

Nakan magkun ti manga may kangaranan tabug sa hari, “Kailangan matyun inda pag tawu. Pagpalumuyun lang niya ti nalub-anan manga sundalu nasawad, hanggan ti manga nasakupan dahil sa manga pagsabihun niya sa kanda. Balaw siya maghingbut kaayadan para sa manga tawu nu unman kadamhakan ngap nida.”

Matiyu 26:66

Kabitay lugud kanyu magkilala?” Sinmagut sida, “Kailangan siya mamatay.”

Huwan 18:30

Sinmagut sida magkun, “Nu abi inda pag tawu unman nagbuwat daut, balaw mana daran-un nimi sitay tag sa kanmu.”

Huwan 19:7

Sinmagut ti manga Hudiyu magkun, “May Kasuguan kami ag angay sa tunda pag Kasuguan kailangan siya matyun dahil inaku niya siya kunu ti Anak Diyus.”

Binwat 22:22

Siti tugka namatingi gid ti manga tawu sa kan Pablu pagsabihun. Dapat ay pagka sinabi niya siya sinugu Panginuun tabug sa manga balaw Hudiyu, nanriringgitan ti kayamuan tawu magkun, “Matya yi gid duy siya. Udyi kailangan siya mabuhi waya.”

Diyuturunumiyu 18:20

Ag kailangan matyun una si unu pag purupita ti mamagaw sa panab-anan niku ngaran balaw niku pagsuguun ngatay mamagaw siya sa ngaran iba pag manga diyus.’

Talaghusay 6:30

Nakan sinabihan nida si Huas, “Palwasan kanmu anak sitaay! Dahil matyun nimi siya, dahil dinaut niya ti harandugan ni Baal ag pinanpulud ti tulduk ni Asira sa kay tupad.”