Hirimyas 25:9 - Hanunuu

⁹ ipagira niku kamu sa manga sundalu ginan sa kanaway pagpangunahan niku manugsirbi ni Hari Nabukudunusur sa Babilunya. Girahun niya inda pag daga ag ti manga nasakupan inda, hanggan ti tanan nasyun sa kay sangput. Rurisun niku kamu lubus, madiklahan gid ti manga tawu sa malakawan niyu, puyaan kamu iba dahil lubus kamu rangga hanggan aban.

Hirimyas 25:9 Iomraidhean Croise

2 Hari 24:2

Ipinadara Panginuun ti manga taga Babilunya, taga Aram, taga Muab, ag taga Amun agud girahun ti Huda, angay sa sinabi Panginuun sa panab-anan niya manga manugsirbi pag manga purupita.

2 Krunika 29:8

Nakan nagalit ti Panginuun sa Huda ag Hirusalim. Ag dahil sa kay parusa sa kanta, pagkayagtingan, pagpuyaan, ag pagdiitun kita manga tawu parihu sa kanyu mag-akitan taynguna.

2 Krunika 36:21

Nakan natupad ti sinabi Panginuun sa panab-anan ni Purupita Hirimyas bumaliw mapung-aw ti daga ag makapahari inda sa sulud pitumpulu ka timpu.

Kabagawan 21:1

Ti kaisipan hari parihu sa danum sa sapa pag-amparahun Panginuun kay magbulus. Pag-amparahun niya angay sa kay kagustuhan.

Isayas 10:5

Magkun ti Panginuun, “Kaawaawa ti manga taga Asirya. Sida kang gamitun pamakul hampay parusahan kang manga pagkadat-an.

Isayas 13:3

Sinugu yi niku kang manga itinigana pag manga sundalu imaw ti pumarusa sa pagkagalitan niku pag manga tawu. Inda pag manga sundalu magbaya ag magsarig buwatun niku inda pag parusa.

Isayas 39:7

Ti iba sa kanmu sunud pag manga linahi, bihagun ag buwatun manga suruguun sa balay hari Babilunya.”

Isayas 44:28

Magkun aku kan Sayrus, “Kawu ti manugbantay niku manga nasakupan ag buwatun nimu ti tanan niku gustu. Pagsugu kawu kuntay patindugan maan ti Hirusalim hanggan ti Balay Diyus.”

Hirimyas 1:14

Magkun ti Panginuun, “Tama, dahil may rumas-ug dilikadu ginan sa kanaway sa tanan nasakupan sa inda pag daga.

Hirimyas 1:15

Ipadara niku ti manga sundalu manga kaharian ginan sa kanaway hampay girahun ti Hirusalim. Ipauli nida manga hari kanda manga tukawan sa manga sabian Hirusalim. Dautun nida ti alad batu sa sangput hanggan ti iba waya pag manga banwa sa Huda.

Hirimyas 10:22

Patingihi niyu ti matnug pag iringayan manga sundalu magras-ug ginan sa kanaway! Wasakun nida ti manga banwa Huda ag ulianan wadi inda manga talun idu.”

Hirimyas 12:14

Magkun waya ti Panginuun, “Inda ti buwatun niku sa tanan daut pag nasyun sa sangput Israil ti nagdaut daga ipinakaun niku sa kang nasakupan: Palayasun niku sida sa kanda daga parihu sa pagpalayas niku sa manga taga Huda sa inda ginan pag daga.

Hirimyas 18:16

Bumaliw mapanglaw kanda daga ag puyaan hanggan aban. Ti tanan maglawuy mangil-ilung ag manhikrab.

Hirimyas 2:15

Kay manga kalaban ga manga liyun mag-ngurub sa kanya. Dinaut nida kay daga, inirub kay manga banwa ag balaw yi inda pag-ulian.

Hirimyas 20:4

Dahil inda ti pagsabihun Panginuun: Kadalaan nimu kanmu kahamtangan hanggan ti kahamtangan nimu manga kakilala. Makitan nimu sida matyun nida manga kalaban sa girahan. Ipakaun niku ti buu Huda sa hari Babilunya. Kay iba nasakupan matyun, ag ti iba waydi bihagun.

Hirimyas 24:9

Buwatun niku sida mayagting sa tanan nasyun sa buu kalibutan. Puyaan ag saadan sida sa tanan nasyun nu naan pag wayakun niku sida.

Hirimyas 25:8

Nakan inda ti pagsabihun Panginuun Makamaskihan, “Dahil unman kamu namatingi sa kang manga pagsabihun,

Hirimyas 29:18

Ungud, lagsun sida girahan, lun-us ag sakit, bag-u kayagtingan sida tanan kaharian. Tabugun niku sida una lang naan-naan pag nasyun, bag-u saadan, kayagtingan, sida manga tawu ati.

Hirimyas 35:11

Dapat pagka naggira si Hari Nabukudunusur sa Babilunya sa inda pag nasyun, nadala kami sa manga sundalu Babilunya hanggan Aram, nakan nagpasya kami malagiw ag umatag sa Hirusalim. Inda kay dahilan nakan nangulian kami atay sa Hirusalim.”

Hirimyas 36:2

“Pagbuul kawu masuratan ag isurat nimu ti tanan niku sabihun sa kanmu tungkul sa Israil, Huda ag sa tanan nasyun. Isurat nimu ti tanan sabihun niku, ginan sa un-an kawu niku hampangun sa udas ni Hari Husyas tugka taynguna.

Hirimyas 36:29

Bag-u sabihun nimu sa hari kuntay inda ti pagsabihun niku, ‘Inirub nimu ti malulunan pag kasuratan dahil pagsabihun ati kuntay wayakun hari Babilunya inda pag daga, ag matyun kay manga tawu hanggan manga hayup.

Hirimyas 4:7

Ti manugwayak kuntay gumira sa manga nasyun ga liyun linmuwang gin sa kay pagpatag-an. Ginminan yi siya sa kay rugar hampay wayakun kanyu daga. Magkaradaut ti manga banwa niyu tugka sa balaw yi inda maulianan.

Hirimyas 40:2

Pagka nakitan ni Nibusaradan si Hirimyas, magkun siya sa kanya, “Ti Panginuun kanmu Diyus magsabi wayakun niya ti Hirusalim.

Hirimyas 43:10

Bag-u sabihun nimu sa kanda kuntay aku, ti Panginuun Makamaskihan, ti Diyus Israil magsabi, ‘Suguun niku kang manugsirbi si Hari Nabukudunusur sa Babilunya ag ipatukaw niku kay kaharian ag turda panhari sa inda pag tungud batu, ti ilinubung niku sa daga sa karaw-an dalan.

Hirimyas 46:20

Ti Ihiptu ga dumaraga baka, dapat may sarut ginan sa kanaway gumira sa kanya.

Hirimyas 49:19

Kadaka niku girahun ti Idum ga liyun ginan sa katalunan Sapa Hurdan atag sa pasturan may mayamu karanidu. Manpalalagiwan sida, ag pamahalaun niku sa Idum ti tawu pinili niku. Si unu ti maiparihu sa kangku? Si unu ti pumanghas kuntay kalabanun sa aku? Si unu pag takinan ti manlaban sa kangku?

Hirimyas 6:1

“Manga lahi ni Binhamin, pagpalagiw kamu ag pag patagu! Pag-ighit kamu ginan sa Hirusalim! Patunugun niyu ti budyung sa Tikuwa ag paamanan niyu ti Bit Hakirim, dahil rumas-ug yi ti kadamhakan ginan sa kanaway.

Hirimyas 8:16

Ti ham-us kabayu manga kalaban mag-adnugan ginan sa Dan. Sa harihi di waya kabayu nida, pagtakigan yi ti buu daga. Rinmas-ug sida hampay wayakun inda pag daga hanggan ti tanan atay — ti manga banwa ag ti tanan manga mag-uli sitay.’ ”

Isikil 12:20

Ipadamhak kanda manga banwa ag bumaliw mapung-aw inda. Bag-u maalaman nida aku ti Panginuun.”

Isikil 16:40

Ipagira nida kawu sa kaban manga tawu bumintuk sa kanmu ag manpulud-pulud sa kanmu bilug sa panab-anan baladaw.

Isikil 21:11

Inasa niku kang baladaw ag pinakinis, ag alistu yi inda gamitun sa pagpanmatay.

Isikil 26:7

Magkun waya ti Panginuun Diyus, “Manga taga Tiru, ipagira niku sa kanyu si Hari Nibukadnisar taga Babilunya, hari manga hari. Man-gira siya ginan sa amihanan kaibahan kay mayamu pag sundalu, manga kalisa, manga kabayu, ag manga manugkabayu.

Danyil 5:18

“Mahal Hari, kanmu ama si Nabukudunusur pinakan-an Kaabwat-abwatan Diyus usa ka kaharian. Nagmakapangyarihan siya ag kinilala manga tawu.

Habakuk 1:12

Magkun si Habakuk, “Panginuun, kawu ti Diyus ginan sa kabag-u. Kawu kang banal pag Diyus ag unman kawu may kamatayan. Panginuun, palalan-iban pag batu, pinili nimu ti manga taga Babilunya hampay pumarusa sa kanmi.

Habakuk 1:17

Nakan Panginuun, iparargu yi lang aw lugud nida kanda unman may pangaawa magbihag ag magruris sa manga nasyun?”

Diyuturunumiyu 28:37

Kadat-an kamu, puyaan, ag apihun manga mag-uli sa manga nasyun nu naan kamu pag binihag.