Hirimyas 25:7 - Hanunuu

⁷ Dapat unman kamu namatingi sa Panginuun. Lalu waya niyu siya ginalit sa panab-anan manga binuwat niyu diyus-diyusan. Nakan kamu diman ti nagdara parusa sa kanyu sadili.

Hirimyas 25:7 Iomraidhean Croise

2 Hari 17:17

Isinagda nida kanda manga anak sa apuy; nagpaingana sida sa manga manugpintu hanggan sa manga pandaniwan, ag ipinahintulut nida kanda sadili sa pagbuwat daut sa magbantay Panginuun, ag ikinagalit inda Panginuun.

2 Hari 21:15

Mangyari inda sa kanda dahil daut kanda binuwat sa kang magbantay ag paggalitun nida aku, ginan waya sa pagpalwas sa kanda manga ginurang sa Ihiptu hanggan taynguna.”

2 Krunika 24:19

Nagpadara ti Panginuun manga purupita sa manga tawu hampay pabalikun sida sa kanya. Ag una pag pasandaman sida manga purupita, unman diman sida magpatingi.

Nihimyas 9:26

“Dapat madi katida, naglabag sida ag naglaban sa kanmu. Pinatlikudan nida kanmu Kasuguan, minatay nida kanmu manga purupita nagbutung sa kanda sa pagbalik-nalub-anan sa kanmu. Masyadu gid kanda paglapastangan sa kanmu!

Kabagawan 8:36

Dapat ti tawu unman maghanap sa kangku, pag-ipadamhak lang niya kay sadili. Ti manga magkagalit sa kangku magkaibug sa kamatayan.”

Hirimyas 19:15

“Pagpatingi kamu, dahil inda ti pagsabihun Panginuun Makamaskihan, ti Diyus Israil: Ipadara niku sa inda pag banwa hanggan sa manga baryu sa kay kalibut ti pagsabihun niku pag parusa dahil maganit kanda ulu ag dayu sida mamatingi sa manga pagsabihun niku.”

Hirimyas 22:21

Pinakan-an niku kamu pasandam kaybi sa mayad waya kanyu kahamtangan, dapat unman kamu namatingi. Ungud katunda ti ugali niyu ginan kaybi sa anak waya kamu; unman gid kamu magsunud sa kangku.

Hirimyas 25:8

Nakan inda ti pagsabihun Panginuun Makamaskihan, “Dahil unman kamu namatingi sa kang manga pagsabihun,

Hirimyas 29:19

Dahil balaw nida pinatingihan kang manga bagaw ti pirmi niku pagsabihun sa kanda sa panab-anan niku manga manugsirbi pag manga purupita. Ag hanggan kamu pag manga binihag balaw diman naniwala.” Aku, ti Panginuun, ti magsabi inda.

Hirimyas 44:7

“Nakan aku, ti Panginuun Diyus Makamaskihan, ti Diyus Israil magpaingana, ‘Hayga niyu pagdautun kanyu sadili? Gustu aw niyu maruris ti manga tawu sa Huda — ti manga lalaki, ti babayi, ti anak hanggan manga lapsag?

Hirimyas 44:8

Hayga niyu aku pag pagpagalitun sa pagbuwat niyu manga diyus-diyusan? Magsunug waya kamu manga kamangyan para siyun atay sa Ihiptu nu naan kamu taynguna pag mag-uli. Ipagpadamhak niyu kanyu sadili ag pagbuwatun niyu mayagting ag makakaray-a sa tanan pag nasyun sa kalibutan.

Sakaryas 1:4

Danga niyu paghuwada ti binwat niyu manga ginurang. Sinugu niku kaybi ti manga purupita hampay sabihan sida patlikudi yi nida kanda manga daut pagbuwatun, dapat unman sida naniwala. Unman gid sida nagsunud sa kangku.

Diyuturunumiyu 32:21

Pinaimun nida aku sa bukun tutuu pag diyus, ag ginalit nida aku sa kanda unman may pulus pag manga diyus-diyusan. Nakan paimunun waydi niku sida sa iba pag manga tawu. Galitun niku sida sa panab-anan pagpapalad sa luku-luku pag nasyun.