Hirimyas 25:6 - Hanunuu

⁶ Danga kamu magsamba ag magsirbi sa manga diyus-diyusan, ag danga aku paggalita sa panab-anan diyus-diyusan binuwat lang niyu, hampay balaw kamu kang parusahan.”

Hirimyas 25:6 Iomraidhean Croise

1 Hari 14:22

Nagbuwat kadautan ti manga nasakupan Huda sa magbantay Panginuun, ag mas subra waya ti galit Panginuun sa kanda kaysa kanda manga ginurang, dahil subra gid kanda manga kasalanan.

2 Hari 17:35

Pagka nagbuwat ti Panginuun kasunduan sa manga taga Israil, nagsugu siya sa kanda: “Danga kamu magsamba ngatay magsirbi sa manga diyus-diyusan, ngatay maghandug sa kanda.

Pag-ighit 20:23

Nakan danga kamu magbuwat diyus-diyusan pilak ngatay gintu hampay sambahun kaibahan pagsamba sa kangku.

Pag-ighit 20:3

“Danga kamu magsamba sa tuhay pag diyus purya sa kangku.

Hirimyas 32:30

“Aku, ti Panginuun, ti magsabi ginan di waya kabag-u, unman yi may binuwat ti manga taga Israil hanggan ti taga Huda nu unman lunsay kadautan. Ginalit nida aku sa panab-anan nida manga buwat.

Hirimyas 35:15

sa panab-anan manga manugsirbi niku purupita. Pagsabihun nida sa kanyu, ‘Patlikudi yi niyu kanyu manga daut ugali, bag-uhun yi niyu kanyu magpangabuhi, ag danga yi kamu magsamba sa manga diyus-diyusan, hampay parargu kamu mangulian sa iinayaw niku pag daga sa kanyu ag sa kanyu manga ginurang.’ Dapat unman kamu nagpasnu ngatay nagsunud sa kangku.

Hirimyas 44:7

“Nakan aku, ti Panginuun Diyus Makamaskihan, ti Diyus Israil magpaingana, ‘Hayga niyu pagdautun kanyu sadili? Gustu aw niyu maruris ti manga tawu sa Huda — ti manga lalaki, ti babayi, ti anak hanggan manga lapsag?

Hirimyas 44:8

Hayga niyu aku pag pagpagalitun sa pagbuwat niyu manga diyus-diyusan? Magsunug waya kamu manga kamangyan para siyun atay sa Ihiptu nu naan kamu taynguna pag mag-uli. Ipagpadamhak niyu kanyu sadili ag pagbuwatun niyu mayagting ag makakaray-a sa tanan pag nasyun sa kalibutan.

Hirimyas 7:6

ag danga yi niyu pag-apiha ti manga day-uhan, manga ilu, manga buranday babayi mag-uli asan sa kanyu daga. Danga niyu pagpihua ti manga unman may kasalanan, ag danga kamu magsamba sa iba pag manga diyus imaw ti mamadamhak sa kanyu.

Hirimyas 7:9

Kamu mananakaw, manugmatay, magpanguragin, magkastigus sa kapudilan, magtuub kamangyan sa kan Baal, bag-u magsamba sa iba manga diyus balaw niyu magkakilala.

Husyas 1:7

Dapat kaawaan niku ti nasakupan Huda. Aku, ti Panginuun nida Diyus, ti rumibri sa kanda sa panab-anan niku kamaskihan, balaw sa panab-anan labanan: pamana, baladaw, manga kabayu ngatay manga manugkabayu.”

Diyuturunumiyu 13:2

ag nangyari kay sinabi, bag-u sumabi siya, ‘Sumunud kita sumamba sa iba pag manga diyus’ (ti manga balaw niyu kilala pag diyus),

Diyuturunumiyu 28:14

Nakan danga niyu paglabaga ti una hintay sa kang pag-isugu sa kanyu taynguna pag sirang, ag danga kamu magsunud sa iba pag manga diyus hanggan magsirbi sa kanda.

Diyuturunumiyu 6:14

Danga kamu magsunud sa tuhay pag diyus, ti diyus manga tawu sa kanyu kalibut;

Diyuturunumiyu 8:19

“Dapat pagpaandaman niku kamu taynguna, nu kalimtan niyu ti Panginuun niyu Diyus ag mansunud kamu sa iba pag manga diyus, hanggan mansamba ag sumirbi sa kanda, pihu gid maruris kamu.

Huswi 24:20

Nu dayuun niyu ti Panginuun ag sumirbi kamu sa tuhay pag manga diyus, mangisug siya sa kanyu ag parusahan niya kamu. Ipadamhak niya kamu una kaybi sa kabag-u mayad siya sa kanyu.”