Hirimyas 25:34 - Hanunuu

³⁴ Kamu pag manga takinan, paglumi kamu ka bisug, palilid kamu sa daga dahil sa karukuan. Dahil rinmas-ug yi ti sirang matyun kamu parihu sa mag-iyaw karanidu. Marunut kamu ga mahalaga pag anglit nabasag.

Hirimyas 25:34 Iomraidhean Croise

2 Krunika 36:10

Sa pag-umpisa timpu, binihag ni Hari Nabukudunusur si Hihuyakin sa Babilunya. Pinanbuul niya ti manga mahalaga pag kasiyunan sa Balay Diyus Panginuun, ag binwat niya hari sa Huda ag Hirusalim kay bapa ni Hihuyakin si Sidikyas.

Kanta 2:9

Panguluhan nimu sida, ag balaw gid may makaampara sa kanmu magpangulu. Bumaliw lang sida ga anglit kanmu runutun.’ ”

Isayas 10:12

Dapat inda ti sinabi Panginuun mangyari nu tapus yi niya buwatun ti laban sa Bantud Siun ag sa Hirusalim: “Parusahan niku ti hari Asirya dahil sa kay magpadayaw ag magpayabang.

Isayas 2:16

Ilimus niya ti tanan barku Tarsis hanggan ti mararinu pag sarakyan sa dagat.

Isayas 30:14

Magkararunut kamu ga anglit, dahil sa mabisug pag nidugsak ud may nasawad una lang bugtangan baga aw ngatay misaruk sa danum.”

Isayas 33:1

Kaawaawa kamu pag manga manugwayak udwaya nakalakaw pagkawayak. Kaawaawa kamu pag manga madaya, udwaya nakalakaw dinaya. Nu tapus yi kanyu magpanwayak hanggan magpandaya, kamu waydi ti wayakun ag dayaun.

Isayas 34:6

Ti baladaw Panginuun mapnu dugu ag taba, ga ginamit pan-iyaw manga handug kambing hanggan karanidu. Dahil matyun Panginuun ti manga taga Busra bilang handug. Mayamu kay matyun sa iba pag manga banwa Idum.

Isayas 34:7

Matyun diman ga manga tudu baka kanda manga makapangyarihan pag nasakupan. Kanda manga daga mapnu dugu ag taba.

Hirimyas 18:22

Pabay-ani nimu sida manhuyaw sa kadalaan nu ipagira nimu sa manga kalaban kanda manga balay. Dahil nagkutkut sida kali hampay malagpak aku ati, ag nagpauli sida dit-ag hampay mablay aku.

Hirimyas 22:28

Hihuyakin, kawu ga gipak anglit udyi magkakinabangan. Nakan iyamut niku kamu hanggan kanmu manga anak sa nasyun balaw niyu alam.”

Hirimyas 23:1

Magkun ti Panginuun, ti Diyus sa Israil, “Kaawaawa kamu pag manga takinan manga nasakupan niku! Kamu mana ti mangalaga sa kang manga nasakupan parihu sa manug-alaga karanidu, dapat pinabay-anan lang niyu sida mamatay ag mawayak. Nakan dahil sa pinanwayak niyu kang manga nasakupan ag balaw niyu inalagaan, parusahan niku kamu. Hu, parusahan ngani niku kamu dahil sa binwat niyu kadautan.

Hirimyas 25:12

“Dapat pagkalawuy 70 ka timpu, parusahan diman niku ti hari Babilunya hanggan ti manga nasakupan niya dahil sa manga kasalanan nida. Ag buwatun diman niku maruku kanda nasyun hanggan aban.

Hirimyas 25:23

ti Didan, ti Tima, ti Bus, ti manga ati sa ararayu pag rugar,

Hirimyas 25:36

Madnugan kanyu lulumian hanggan arunghung, dahil rinuris Panginuun kanyu manga nasakupan.

Hirimyas 27:7

Ti tanan nasyun sumirbi sa kanya, sa kay anak, hanggan sa kay laki tugka sa marangga ti kaharian Babilunya. Bag-u ti Babilunya maan ti sumirbi sa mayamu pag nasyun hanggan sa manga makapangyarihan pag hari.

Hirimyas 3:19

Aku gid ngapu ti magsabi, ‘Magbaya gid aku kuntay baliwun kamu manga anak niku ag pakan-an marinu pag daga kuntay pinakamarinu pag pamana sa buu kalibutan.’ Ag ti hantup niku ingarnan niyu aku ‘Amang’ ag balaw yi kamu pablag sa kangku.

Hirimyas 48:26

“Languhun niyu ti Muab dahil naglaban siya sa kangku. Milubi siya sa kay sadili suka ag bumaliw karasarin-an.

Hirimyas 48:38

Maglulumian ti manga tawu sa kanda manga balay hanggan sa manga buruybuyahan, dahil winayak niku ti Muab ga tapayan binasag ag unman yi may maglabut.

Hirimyas 50:27

Matya niyu ti tanan nida manga sundalu parihu sa turiti baka. Matya niyu sida tanan. Kaawaawa sida dahil rinmas-ug yi ti udas kailangan sida parusahan.

Hirimyas 6:26

Manga kasimanwa, pagsulung kamu rutay panhimanglaw, ag pagpalilid sa dapug hampay ipakakit kanyu karukuan. Paglumi kamu ga namatay kanyu bugtung anak lalaki. Dahil kadaka kita girahun kalaban.

Karukuan 4:21

Sigi, pagbaya kamu ag pagmasulung, kamu pag manga nasakupan Idum mag-uli sa daga Us. Dapat ipainum diman sa kanyu ti ungut parusa Panginuun, bag-u malangu kamu ag maubahan.

Isikil 34:20

“Nakan aku, ti Panginuun Diyus, magkun sa kanyu, aku mismu ti manpasaman sa matabul pag manga karanidu sa maniwang manga karanidu.

Danyil 11:8

Darahun niya pabalik sa Ihiptu ti manga diyus-diyusan nida hanggan ti mahalaga pag kasiyunan buwat sa gintu ag pilak. Sa sulud pira ka timpu, unman yi siya man-gira sa hari Sirya.

Husyas 8:8

Ti Israil ga kinaun iba nasyun. Taynguna magpaamut yi siya sa kanda, parihu siya sa gamit unman may pakinabang.

Amus 5:11

Pag-ihid-ihidun niyu ti manga pugri ag pagpilitun pumakaun sa kanyu kanda patubas. Nakan unman kamu makaulian sa ipinatindug niyu pag manga balay buwat sa batu, ag unman kamu makainum intus ginan sa itinanum niyu pag manga ubas.

Sakaryas 10:3

Magkun ti Panginuun, “Magkagalit gid aku sa manga takinan niku nasakupan. Parusahan gid niku sida. Dahil alalahanun di niku kang manga karanidu, ti manga nasakupan Huda. Buwatun niku sida parihu sa manga kabayu sa girahan marapanalu.

Sakaryas 11:3

Maglumi ti manga manug-alaga karanidu dahil nagkaradaut kanda malangba pag manga paraharaban. Mag-ngurub ti manga liyun dahil nadaut ti katalunan Hurdan kanda pag-ulian.

Santiyagu 5:5

Magpadayaw-dayaw kamu dahil kang-ud yi udyi may kurang kanyu kasiyunan sitay sa babaw daga. Nagtabul kamu parihu ga manga hayup iriyawun.