Hirimyas 25:30 - Hanunuu

³⁰ “Hirimyas, sabihun nimu sa kanda ti tanan pagsabihun niku, ag sabihun waya nimu, ‘Manringgit ti Panginuun ginan sa langit; mangurarug kay busis ginan sa banal niya pag ulian. Manringgit siya mabaskug sa manga pinili niya. Manringgit diman siya sa tanan mag-uli sa kalibutan ga tawu magringgit habang magpigis siya ubas.

Hirimyas 25:30 Iomraidhean Croise

2 Samwil 15:25

Pagka natapus, magkun si Dabid sa kan Saduk, “Ulian ti Kaban Diyus sa Hirusalim. Nu magbaya sa kangku ti Panginuun, pabalikun niya aku sa Hirusalim ag makitan di maan niku inda hanggan kay nagkabugtangan pag rugar.

1 Hari 9:3

Magkun ti Panginuun sa kanya, “Nasaydan niku kanmu darangin hanggan paghagadun sa kangku. Inda pag Balay Diyus kanmu ipinatindug pinili niku bilang rugar nu naan pag dayawun aku hanggan aban. Bantayan niku inda ag pirmi alagaan.

2 Krunika 30:27

Pagkatapus, nagtindug ti manga manughandug ag ti manga Libita ag pinapaladan nida ti manga tawu. Ag pinatingihan inda Diyus sa langit, sa kay banal pag-ulian.

Kanta 11:4

Ti Panginuun ati sa kay banal pag Balay; ati sa langit sa kay tukawan hari. Pagbantayan niya ag pag-usisaun ti tanan tawu.

Kanta 132:14

“Imaw inda ti kang ulian tugka aban; sitay aku mangulian dahil hinangad niku inda.

Kanta 46:6

Magkagulu ti manga nasyun; magkatandug ti manga kaharian. Sa ringgit Diyus ga matunas sa kadalaan ti manga tawu sa kalibutan.

Kanta 78:65

Bag-u ga nimata ti Panginuun; parihu siya sa usa ka mabisug pag tawu sinaladan pag irimnun makalangu.

Isayas 16:9

Nakan maglumi aku parihu sa manga taga Hasir, dahil sa ubasan Sibma. Paglumian niku ti Hisbun hanggan ti Ilali dahil udyi madnugan ti manga masulung nida pag huruyawan dahil sa abunda pag-ani.

Isayas 33:3

Magpalagiw ti manga tawu sa magranranug nimu busis. Nu kawu magtindug hampay mamarusa, magpamululagan ti manga nasyun.

Isayas 42:13

Gumira ti Panginuun ga usa ka sundalu alistu yi gid lumaban. Manringgit siya bilang pasandam girahan yi, ag manalu siya sa kay manga kalaban.

Hirimyas 17:12

Panginuun, kanmu Balay duy ti marinu tukawan hari ginan waya kaybi.

Hirimyas 25:38

Ti Panginuun ga liyun magluwas sa lukib hampay manligaw kay turukbun. Bumaliw mapung-aw kanyu daga dahil sa paggira kalaban, hanggan dahil sa masyadu pangagalit Panginuun.

Hirimyas 48:33

Unman yi may masaydan kasulungan ag kabayaan sa manga tanman hanggan ag sa manga ubasan sa daga Muab. Unman yi magbulus ti pin-gis ubas sa manga pirigsan. Udyi may manga manugpigis ubas maghuyaw sa baya. May manga maghuyaw ngani, dapat ay bukun yi huyaw sa baya.

Husyas 11:10

“Sumunud kamu sa kangku sa udas man-ngurub aku, ti Panginuun, ga liyun. Pihu gid man-ngurub aku, ag mandaldali kamu muli ginan sa isalpan.

Husyas 5:14

Dahil girahun niku ti Israil hanggan ti Huda ga liyun maggus-ab sa kay bulay. Aku gid ngap ti rumuris sa kanda. Darahun niku sida sa iba nasyun, ag unman may manribri sa kanda.

Huwil 3:16

Man-ngurub ga liyun ti Panginuun ginan sa Siun; mangurarug kay busis ginan sa Hirusalim. Nakan matandug ti daga hanggan ti langit. Dapat ti Panginuun ti mapag-un pag darangpan manga Israilita, kay nasakupan.

Amus 1:2

Magkun si Amus, “Mag-ngurub ti Panginuun ginan sa Siun; kay busis magkurarug ginan sa Hirusalim. Dahil siyun nagkaralayung ti manga paraharaban manga manug-alaga karanidu hanggan ti manga halaman sa katayungtungan Bantud Karmilu.”

Amus 3:8

Si unu lugud ti balaw magkadala nu mag-ngurub yi ti liyun? Si unu lugud ti unman makatultul bagaw Panginuun Diyus nu ti Panginuun Diyus yi ti magbagaw sa kanya?

Sakaryas 2:13

Dag-ingay kamu tanan pag manga tawu sa atubangan Panginuun, dahil rumas-ug siya ginan sa kay banal pag ulian.

Diyuturunumiyu 26:15

Bantayi nimu kami ginan sa kanmu banal pag ulian sa langit, ag papaladan nimu kanmu nasakupan manga Israilita hanggan ti marinu ag abunda pag daga kanmu ipinakaun sa kanmi angay sa kanmu itinaratu sa kanmi manga ginurang.’

Ipinakakit 19:15

Nagluwang ginan sa kay bibig ti baladaw matarum, imaw ti pandaug niya sa manga nasyun tawu. Humari siya sa kanda may bitbit pamakul baul. Siya ngap ti tumata sa manga ubas sa basad pirigsan, imaw ngani ti mahigpit pag galit Diyus Makamaskihan sa tanan.