Hirimyas 25:3 - Hanunuu

³ Sa sulud 23 ka timpu ginan sa ika-13 pag timpu kay maghari sa Huda ni Husyas kay anak ni Hari Amun tugka taynguna, ti Panginuun maghampang sa kangku. Ag parargu waydi pagsabihun niku sa kanyu ti pag-ipasabi niya, dapat unman kamu namatingi.

Hirimyas 25:3 Iomraidhean Croise

Gimpuunan 22:3

Nakan igu sa sunud pag sirang, surip waya gid si Abraham nantaris-ak manga kayu pamagba sa handug, bag-u ikinarga niya inda sa kay asnu. Linmakaw siya kaibahan si Isaak hanggan kay duwa ka suruguun lalaki atabug sa rugar sinabi Diyus sa kanya.

1 Hari 22:3

Magkun si Akab sa kay manga may kangaranan, “Alam niyu kanta ti Ramut Gilyad. Dapat hayga unman kita magbuwat paraan hampay mabawi nita inda sa hari Aram?”

2 Hari 17:13

Pagpasandaman pirmi Panginuun ti Israil ag Huda sa panab-anan manga purupita ag manughula: “Pagpatlikud yi kamu sa kanyu daut pag manga ugali. Tupada niyu kang manga sugu hanggan ti manga surundanun sa tanan Kasuguan ti pag-ipatupad niku sa kanyu manga ginurang, ag ipinakaun niku sa kanyu sa panab-anan niku manga manugsirbi pag manga purupita.”

2 Krunika 24:19

Nagpadara ti Panginuun manga purupita sa manga tawu hampay pabalikun sida sa kanya. Ag una pag pasandaman sida manga purupita, unman diman sida magpatingi.

2 Krunika 34:1

Si Husyas walu ka timpu kay idad pagka naghari siya. Sa Hirusalim siya nangulian, ag naghari siya sa sulud 31 ka timpu.

2 Krunika 34:3

Pagka ikawalu pag timpu sa kay maghari niya, habang anak waya siya, nag-umpisa siya nagdangup sa Diyus niya ginurang si Dabid. Ag ati katpung 12 ka timpu kay maghari, linumpiyu niya ti Huda ag Hirusalim sa panab-anan pagdaut manga simbahan sa abwat pag manga rugar, manga tulduk tanda diyusa si Asira, manga diyus-diyusan ag manga larawan.

2 Krunika 34:8

Katpung ika-18 pag timpu kay maghari ni Husyas, igu naipalumpiyu niya ti daga hanggan ti Balay Diyus, nagpasya siya ipahiwat ti Balay Diyus Panginuun, ti Diyus niya. Ipiniyar niya inda pag buruwatun sa kay manugsurat, sa kan Sapan kay anak ni Asalya, hanggan sa gubirnadur Huda si Maasiyas, ag sa manug-asikasu manga kasuratan sa kaharian si Huwa kay anak ni Huwahas.

2 Krunika 36:15

Pirmi magpakihampang sa kanda ti Panginuun, ti Diyus nida manga ginurang, sa panab-anan niya manga purupita, dahil magkaawa siya sa kanda hanggan sa kay Balay.

Kanta 81:13

Nu magpatingi lang mana kamu ag magsunud sa kang manga kagustuhan,

Pag-ighit 8:20

Magkun ti Panginuun sa kan Muysis, “Pagbangun kawu kaaga aldaw, alagdun nimu ti hari Ihiptu habang atag siya sa sapa. Sabihun nimu sa kanya inda kang pagsabihun, ‘Paighita nimu ti nasakupan niku hampay makasamba sida sa kangku.

Isayas 55:2

Hayga niyu paggastusun kanyu kuwarta sa manga bagay bukun magkakaun? Hayga niyu pagtabuhun kanyu upa sa manga bagay bukun makapabusug sa kanyu? Pagpatingi kamu sa kangku ag makakaun kamu manga masarap pag karan-unun, ungud mabsug kamu.

Hirimyas 1:2

Ipinakaun Panginuun sa kan Hirimyas kay tultulanun katpung ika-13 pag timpu sa kay maghari ni Usyas sa Huda. Inda si Usyas kay anak ni Amun.

Hirimyas 11:7

Sa udas ipinalwas niku kanyu manga ginurang sa daga Ihiptu taynguna tugka pag sirang, paulit-ulit niku sida pagbilinan kuntay kailangan nida aku sundun.

Hirimyas 19:15

“Pagpatingi kamu, dahil inda ti pagsabihun Panginuun Makamaskihan, ti Diyus Israil: Ipadara niku sa inda pag banwa hanggan sa manga baryu sa kay kalibut ti pagsabihun niku pag parusa dahil maganit kanda ulu ag dayu sida mamatingi sa manga pagsabihun niku.”

Hirimyas 22:21

Pinakan-an niku kamu pasandam kaybi sa mayad waya kanyu kahamtangan, dapat unman kamu namatingi. Ungud katunda ti ugali niyu ginan kaybi sa anak waya kamu; unman gid kamu magsunud sa kangku.

Hirimyas 25:4

Una parargu waya mamadara tag sa kanyu ti Panginuun kay manga manugsirbi purupita, unman diman niyu pagbatiun ag balaw kamu magpatingi.

Hirimyas 26:5

ag nu dayu kamu magpatingi sa pagsabihun manga manugsirbi niku pag purupita ti pirmi niku pagsuguun tag sa kanyu dapat unman niyu pagpatingihan,

Hirimyas 29:19

Dahil balaw nida pinatingihan kang manga bagaw ti pirmi niku pagsabihun sa kanda sa panab-anan niku manga manugsirbi pag manga purupita. Ag hanggan kamu pag manga binihag balaw diman naniwala.” Aku, ti Panginuun, ti magsabi inda.

Hirimyas 32:33

Nagpakarayu sida sa kangku una pirmi niku sida pagtudluan. Dayu sida mamatingi ag dayu sida magpatudlu.

Hirimyas 35:14

Si Hunadab kay anak ni Rikab nagsugu sa kay manga linahi kuntay balaw sida manginum intus, ag sinunud nida inda. Taynguna tugka, balaw sida mag-inum intus dahil pagsundun nida ti sugu nida ginurang ni Hunadab. Dapat kamu unman magsunud sa kangku, una pira yi ka bisis aku magsabi sa kanyu

Hirimyas 35:15

sa panab-anan manga manugsirbi niku purupita. Pagsabihun nida sa kanyu, ‘Patlikudi yi niyu kanyu manga daut ugali, bag-uhun yi niyu kanyu magpangabuhi, ag danga yi kamu magsamba sa manga diyus-diyusan, hampay parargu kamu mangulian sa iinayaw niku pag daga sa kanyu ag sa kanyu manga ginurang.’ Dapat unman kamu nagpasnu ngatay nagsunud sa kangku.

Hirimyas 36:1

Katpung ikap-at pag timpu kay maghari ni Hihuyakim kay anak ni Hari Husyas sa Huda, magkun ti Panginuun sa kan Hirimyas,

Hirimyas 36:2

“Pagbuul kawu masuratan ag isurat nimu ti tanan niku sabihun sa kanmu tungkul sa Israil, Huda ag sa tanan nasyun. Isurat nimu ti tanan sabihun niku, ginan sa un-an kawu niku hampangun sa udas ni Hari Husyas tugka taynguna.

Hirimyas 44:4

Pirmi niku pagsuguun ti manga manugsirbi niku manga purupita hampay pakan-an sida pasandam kuntay danga nida pag buwata tida pag manga bagay mayagting sa kangku ag pagkadat-an niku,

Hirimyas 7:13

Habang pagbuwatun niyu ti daut pag manga bagay, paulit-ulit niku kamu pinaandaman, dapat unman kamu namatingi. Pagtawagan niku kamu, dapat ay unman kamu magsagut.

Hirimyas 7:25

Ginan sa pag-ighit manga ginurang niyu sa Ihiptu taynguna tugka, parargu aku magpadara sa kanyu manga manugsirbi pag manga purupita niku.

Isikil 33:4

Una si unu ti makadnug budyung dapat unman nagpansin inda, bag-u namatay siya pagka ginira sida, siya ti may saragtun sa kay kamatayan.

Sakaryas 1:4

Danga niyu paghuwada ti binwat niyu manga ginurang. Sinugu niku kaybi ti manga purupita hampay sabihan sida patlikudi yi nida kanda manga daut pagbuwatun, dapat unman sida naniwala. Unman gid sida nagsunud sa kangku.

Markus 1:35

Nagbangun si Hisus abasad waya ti yabi, nagluwas siya sa balay, nag-atag sa rugar pangawakawaan tawu hampay magdarangin.

Huwan 8:2

Pagka surip, nagbalik maan siya sa Balay Diyus bag-u nagpakarani sa kanya ti kayamuan tawu. Nakan tinmukaw si Hisus bag-u nanudlu siya sa kanda.

Huwan 8:47

Nu ti tawu anak yi Diyus, tanggapun niya kay manga bagaw Diyus. Nakan unman pagtanggapun niyu kang pag-itudlu, dahil unman kamu manga anak Diyus.”

2 Timutiyu 4:2

Ti kang patigayun sa kanmu duy itudlu nimu ti Bagaw Diyus, una sa hintay pag udas. Danga magpasnu sa manga tawu nu salan, tamyawa. Parig-una nimu ti nalub-anan manga tawu. Pagmaalumanay kawu pirmi, danga gid pag-apasi sa tudlu.