Hirimyas 25:29 - Hanunuu

²⁹ Pag-umpisahan yi niku pagpadarahan kaparusahan ti Hirusalim, ti pinili niku pag banwa hampay sa kadayawan niku. Taynguna kanyu aw isip balaw niku kamu parusahan? Parusahan gid niku kamu! Dahil palabanun niku ti tanan nasyun sa buu kalibutan. Aku, ti Panginuun, ti magsabi inda.’

Hirimyas 25:29 Iomraidhean Croise

1 Hari 8:43

patingihi sida asan sa kanmu ulian sa langit. Ag buwata una hintay ti hagadun nida, hampay ti tanan manga tawu sa kalibutan makakilala ag gumalang sa kanmu parihu sa kanmu nasakupan manga Israilita, ag hampay maalaman nida paggalangun kawu sa ipinatindug niku pag Balay Diyus.

Kabagawan 11:21

Pihu gid parusahan ti manga daut pag tawu, dapat ti manga matadlung unman.

Kabagawan 11:31

Nu ti manga matadlung sa kalibutan magtanggap kapalit sa kanda manga pagbuwatun, lalu yi gid balusan ti manga daut pag tawu hanggan ti manga makasalanan.

Kabagawan 17:5

Ti magpuya sa manga pugri magpahimudil sa Diyus naglalang sa kanda. Parusahan ti tawu magbaya sa daut nangyari sa iba.

Isayas 10:12

Dapat inda ti sinabi Panginuun mangyari nu tapus yi niya buwatun ti laban sa Bantud Siun ag sa Hirusalim: “Parusahan niku ti hari Asirya dahil sa kay magpadayaw ag magpayabang.

Hirimyas 13:13

Sabihun nimu sa kanda kuntay inda ti ibug niku sabihun: ‘Parusahan niku ti tanan nasakupan sa inda pag daga, parihu ga linangu niku sida intus. Parusahan niku ti manga hari kay linahi ni Dabid, ti manga manughandug, manga purupita, hanggan ti tanan nasakupan Hirusalim.

Hirimyas 19:3

Sumabi kawu, ‘Manga hari sa Huda ag nasakupan Hirusalim, patingihi niyu ti tultulanun Panginuun Makamaskihan, ti Diyus Israil. Inda ti pagsabihun niya: Mamadara aku kadamhakan sa inda pag rugar, una si unu ti makadnug inda dalaun gid.

Hirimyas 30:11

Kaibahan niyu aku ag iribri niku kamu. Lubus gid niku wayakun ti manga nasyun kinalatan niku sa kanyu dapat balaw niku inda buwatun sa kanyu. Dapat balaw waydi inda kay ibug sabihun balaw niku kamu parusahan. Parig-anan niku kamu sa kang-ud. Aku, ti Panginuun, ti magsabi inda.”

Hirimyas 46:28

Nakan danga kamu magkadala, kamu pag manga linahi manugsirbi niku si Hakub, dahil kaibahan niyu aku. Wasakun yi niku lubus ti manga nasyun pinanwayakan niku sa kanyu, dapat ay balaw niku kamu tabuhun wasakun lubus. Parusahan niku kamu angay lang dapat sa kanyu. Balaw mahimu nu unman niku kamu parusahan. Aku, ti Panginuun, ti magsabi inda.”

Hirimyas 49:12

Magkun waya ti Panginuun, “Nu ti manga unman may kasalanan nag-agwanta, kamu waya aw? Pihu yi parusahan kamu.

Isikil 14:17

“Ngatay nangus, padaran-an niku gira inda pag nasyun hampay panmatyun kay manga nasakupan hanggan manga hayup.

Isikil 14:21

“Sa ungud, aku, ti Panginuun Diyus, magkun kaawaawa ti Hirusalim nu ipadara yi niku inda pag upat ka mabuyat pag parusa: manga girahan, lun-us, maisug pag manga hayup, ag manga sakit — manmatay sa kay manga nasakupan hanggan manga hayup.

Isikil 38:21

Aku, ti Panginuun Diyus, magkun: Ipamatay niku kawu Gug, ati sa kang manga bantud, ag kanmu manga sundalu manmaratyan.

Isikil 9:6

Panmatya niyu ti manga gurangun, ti manga kalay-awan lalaki ag manga babayi, ti manga ina, ag ti manga anak, dapat danga paglabuta ti may manga marka. Pag-umpisa kamu sa kang Balay.” Nakan inuna nida pinanmatay ti manga paggurangunun ati sa atubangan Balay Diyus.

Ubadyas 1:16

Nakan ngani nu kabitay pinakurian kang manga nasakupan sa kang banal pag bantud, parusahan diman parargu ti tanan pag nasyun. Masyadu gid pag parusa ti ipakaun niku sa kanda tugka sa matabu sida tanan.

Sakaryas 13:7

Magkun ti Panginuun Makamaskihan “Alistuhan ti baladaw! Matya kang manug-alaga manga karanidu, kang kaawat. Matya siya hampay mamululagan kay manga karanidu, kang pugri pag manga nasakupan ag parusahan niku sida.

Lukas 23:31

Dahil nu inda kanda pagbuwatun sa puun kayu buhi unman aw mas lalu makuri ti mangyari sa manga nalayung?”

1 Pidru 4:17

Taynguna yi ti kaudasan hampay pihuun ti manga tawu nu daut nu mayad ag inda umumpisa ginan sa manga pinili Diyus. Ginan ngani sa kanta inda pag umumpisa. Kabitay wadi ti mangyari sa katapusan aban sa manga unman magpaniwala sa Mayad pag Barita Diyus?