Hirimyas 25:17 - Hanunuu

¹⁷ Nakan bin-ul niku ti ungut sa kamang Panginuun ag pinainum niku ti tanan nasyun nu naan aku pag isinugu niya.

Hirimyas 25:17 Iomraidhean Croise

Hirimyas 1:10

Taynguna pag sirang pakan-an niku kawu kapangyarihan magbagaw sa manga nasyun hanggan sa manga kaharian. Sabihun nimu sa kanda kuntay ti iba sa kanda midamhak gid, ti iba bumangun di ag tumindug uman.”

Hirimyas 25:28

“Dapat nu dayu sida manginum, sabihun nimu sa kanda kuntay aku, ti Panginuun Makamaskihan ti magsabi, ‘Kailangan pag-inum kamu!

Hirimyas 25:9

ipagira niku kamu sa manga sundalu ginan sa kanaway pagpangunahan niku manugsirbi ni Hari Nabukudunusur sa Babilunya. Girahun niya inda pag daga ag ti manga nasakupan inda, hanggan ti tanan nasyun sa kay sangput. Rurisun niku kamu lubus, madiklahan gid ti manga tawu sa malakawan niyu, puyaan kamu iba dahil lubus kamu rangga hanggan aban.

Hirimyas 27:3

Bag-u sabihun nimu inda sa manga hari sa Idum, Muab, Amun, Tiru ag Sidun sa panab-anan manga sinugu nida sa Hirusalim hampay pumasampak kan Hari Sidikyas sa Huda.

Isikil 29:2

“Anak tawu, pagpasrangu kawu sa Ihiptu, bag-u pagbagaw kawu laban sa hari Ihiptu hanggan sa buu niya nasakupan.

Isikil 3:2

Nakan nan-nganga aku, ag ipinakaun niya sa kangku ti maluhutan pag kasuratan.

Isikil 43:3

Inda kang nakitan pag pangakakitun parihu diman sa tunda pag pangakakitun nakitan niku katpung ipinadamhak Diyus ti banwa Hirusalim, ag parihu diman sa nakitan niku pag pangakakitun ati sa saruy Sapa Kibar. Pagka nakitan niku inda, napayuk-ub aku sa daga.

Habakuk 2:16

Taynguna kamu maan ti ipakay-a sa halip dayawun, dahil parusahan gid kamu Panginuun. Parihu lang sa painmun niya kamu irinmun makalangu hampay nu langu yi makitan uba-uba ag mangay-a gid kamu.