Hirimyas 25:15 - Hanunuu

¹⁵ Magkun sa kangku ti Panginuun, ti Diyus Israil, “Bul-a nimu sa kang kamang ti ungut punu pangagalit niku, ipainum nimu sa tanan nasyun nu naan tag kawu pag-ipadara niku.

Hirimyas 25:15 Iomraidhean Croise

Hub 21:20

ag makitan nida mismu ti kanda kadamhakan. Pabay-ani niyu masamitan nida ti pangagalit Makamaskihan Diyus.

Kanta 11:6

Pauranan niya maglabdaban baga hanggan asupri ti manga daut; bag-u matanggap nida ginan sa kanya ti mainit pag durus pumali sa kanda.

Kanta 60:3

Pagpakurianan gid nimu masyadu kami kanmu nasakupan. Magdampiray kami; ga linangu nimu kami irinmun makalangu.

Kanta 75:8

Dahil ti Panginuun ti may hiyaput sa ungut punu magbura intus masyadu maisug imaw tunda kay pangagalit. Pagtigisun niya tunda, ag mag-inum ti tanan daut pag tawu sa kalibutan tugka sa matabu nida.

Kanta 75:9

Dapat aku, balaw umapas sa pagtultul tungkul sa Diyus ni Hakub, ag kantahan niku siya manga pagdayaw.

Isayas 14:26

Katunda ngani ti paggayakun niku buwatun sa buu kalibutan. Katunda ngani pag parusa ti ipakakit niku sa tanan nasyun.”

Isayas 34:2

Dahil magkagalit ti Panginuun sa tanan nasyun; magkagalit siya sa kanda manga sundalu. Nakan rurisun niya sida lubus. Matyun gid niya sida tanan.

Isayas 51:17

Hirusalim, pagbangun kawu! Ti pangagalit Panginuun ga intus ininum nimu tanan tugka kawu sa magpasuray-suray sa langu.

Isayas 51:22

Inda ti pagsabihun Panginuun niyu Diyus ti mag-apin sa kanyu: “Pagpatingi kamu! Bin-ul yi niku kang pangagalit ga intus makapalangu sa kanyu. Balaw yi niku kamu painmun utru inda.

Isayas 51:23

Iayaw niku inda sa manga nagpakuri sa kanyu hanggan sa manga nagsugu sa kanyu pagpadapa hampay tat-an nida kamu. Tinat-an nida kanyu manga dayu ga maglakaw sida sa manga baklayan.”

Hirimyas 1:5

“Hirimyas, bag-u kawu hinistuda sa tiyan nimu ina, pinili yi niku kawu. Bag-u kawu ilinusad, pinili yi niku kawu hampay mamurupita sa manga nasyun.”

Hirimyas 36:2

“Pagbuul kawu masuratan ag isurat nimu ti tanan niku sabihun sa kanmu tungkul sa Israil, Huda ag sa tanan nasyun. Isurat nimu ti tanan sabihun niku, ginan sa un-an kawu niku hampangun sa udas ni Hari Husyas tugka taynguna.

Hirimyas 43:11

Girahun niya ti Ihiptu ag matyun niya ti manga itinagka matyun, ag bihagun niya ti manga itinagka bihagun. Ti iba itinagka mamatay sa girahan.

Hirimyas 45:5

Danga yi kawu maghingbut waya manga may kadayawan pag bagay. Dahil paras-ugun niku ti kadamhakan sa tanan tawu, dapat kawu iribri di niku una naan kawu pag umatag. Aku, ti Panginuun, ti magbagaw inda.’ ”

Hirimyas 46:1

Inda ti sinabi Panginuun sa kan Hirimyas tungkul sa manga nasyun:

Hirimyas 48:26

“Languhun niyu ti Muab dahil naglaban siya sa kangku. Milubi siya sa kay sadili suka ag bumaliw karasarin-an.

Hirimyas 49:12

Magkun waya ti Panginuun, “Nu ti manga unman may kasalanan nag-agwanta, kamu waya aw? Pihu yi parusahan kamu.

Hirimyas 51:7

Ga siya ungut gintu sa kang kamang punu intus. Pinainman niya ti manga nasyun sa buu kalibutan, bag-u sida nalangu ag nagbaliw paung.

Isikil 23:32

“Hu, aku, ti Panginuun Diyus, magbagaw parusahan niku kawu parihu sa kang pagparusa sa kanmu patar-ari babayi. Kang parusa parihu sa irinmun sa ungut daka ag abasad. Bag-u nu mainum yi nimu inda pag ungut punu kang pangagalit, puyaan bag-u surugun kawu.

Isikil 23:33

Malangu kawu bag-u manrukuan, dahil ti ungut inda punu kadamhakan. Inda ti ungut pag-agwanta ininum nimu patar-ari Samarya.

Isikil 29:12

Buwatun niku ti Ihiptu pinakamapung-aw sa tanan pag nasyun. Sa sulud 40 ka timpu, kay manga banwa bumaliw pinakamaruku sa tanan pag banwa. Bag-u ikalat niku ti manga taga Ihiptu sa tuhay-tuhay pag manga nasyun.”

Ubadyas 1:16

Nakan ngani nu kabitay pinakurian kang manga nasakupan sa kang banal pag bantud, parusahan diman parargu ti tanan pag nasyun. Masyadu gid pag parusa ti ipakaun niku sa kanda tugka sa matabu sida tanan.

Habakuk 2:16

Taynguna kamu maan ti ipakay-a sa halip dayawun, dahil parusahan gid kamu Panginuun. Parihu lang sa painmun niya kamu irinmun makalangu hampay nu langu yi makitan uba-uba ag mangay-a gid kamu.

Ipinakakit 14:10

uminum siya intus lunsay galit Diyus, ayinungyung atag sa ungut sa kay pangaisug. Pakurian sida sa apuy ag asupri sa atubangan manga anghil Diyus hanggan sa atubangan Anak Karanidu.

Ipinakakit 14:19

Nakan ginamit yi ngani anghil kay karit, rinapas yi ngani niya ti manga burak ubas bag-u kay ipinauli tabug sa pirigsan ubas, imaw yi ngani ti mahigpit pag galit Diyus.