Hirimyas 25:14 - Hanunuu

¹⁴ Buwatun sida suruguun sa mayamu manga nasyun hanggan manga makapangyarihan pag hari. Parusahan niku sida angay sa kanda manga binuwat.”

Hirimyas 25:14 Iomraidhean Croise

Kanta 137:8

Kamu pag manga mag-uli sa Babilunya, rurisun kamu! Mapalad ti manga tawu rumuris sa kanyu ga kanyu binwat sa kanmi.

Isayas 13:4

Patingihi niyu ti iringayan mayamu tawu sa bantud. Patingihi niyu ti iringayan manga kaharian hanggan nasyun magtiripun. Pagtipunun Panginuun Makamaskihan kay manga sundalu para sa girahan.

Isayas 14:2

Awatan iba nasyun ti Israil hampay makabalik sida sa daga ipinakaun Panginuun sa kanda. Bumaliw suruguun nida ti manga day-uhan. Bihagun nida ti nagbihag sa kanda kaybi, ag sakupun nida ti manga nangapi sa kanda.

Isayas 66:6

Mag-asaydan aw niyu ti ingay sa banwa hanggan sa Balay Diyus? Ingay tunda Panginuun habang pagbalusan niya kay manga kalaban.

Hirimyas 27:7

Ti tanan nasyun sumirbi sa kanya, sa kay anak, hanggan sa kay laki tugka sa marangga ti kaharian Babilunya. Bag-u ti Babilunya maan ti sumirbi sa mayamu pag nasyun hanggan sa manga makapangyarihan pag hari.

Hirimyas 32:19

Pinakamarinu duy kanmu manga gayak ag makadululaw kanmu manga buwat. Mag-akitan nimu ti tanan pagbuwatun manga tawu ag pagbalusan duy nimu sida angay sa pag-ugaliun ag buwat nida.

Hirimyas 50:41

“Bantayi niyu! May manga sundalu magras-ug ginan sa kanaway. Usa ka makapangyarihan pag nasyun ginan sa arayu pag rugar ti lumaban sa Babilunya.

Hirimyas 50:9

Dahil ipagira niku ti Babilunya sa gurupu manga makapangyarihan pag nasyun ginan sa kanaway baliwa. Girahun nida ti Babilunya ag masakup nida inda. Anad kanda manga manugpana ag unman may paltus kanda magpana.

Hirimyas 51:6

“Pagpalagiw kamu ginan sa Babilunya! Iribri niyu kanyu buhi. Balaw kamu kailangan mamatay dahil sa kasalanan Babilunya. Udas yi hampay balusan niku siya angay sa kay manga binwat niya.

Danyil 5:28

Ti Parsin kay kahulugan madwa kanmu kaharian bag-u ipakaun sa Midya hanggan sa Pirsiya.”

Husyas 9:7

“Manga taga Israil, rinmas-ug yi ti sirang parusahan kamu, sirang pagbalus sa kanyu manga binwat. Ag maalaman gid niyu rinmas-ug yi ngani inda. Sumabi kamu tungkul sa kangku, ‘Tunda pag purupita buang-buang! Paggiyahan siya ispiritu daut!’ Imaw inda kanyu pagsabihun sa kangku dahil mayamu yi kanyu kasalanan ag magkagalit gid kamu sa kangku.