Hirimyas 25:11 - Hanunuu

¹¹ Bumaliw mapung-aw inda pag daga. Inda pag nasyun hanggan ti manga nasyun sa kay kalibut sumirbi sa hari Babilunya sa sulud pitumpulu ka timpu.

Hirimyas 25:11 Iomraidhean Croise

2 Krunika 36:20

Binihag ni Nabukudunusur sa Babilunya ti balaw namatay pag manga Israilita, binwat niya sida panawuhun hanggan niya manga anak tugka sa nagmakapangyarihan ti kaharian Pirsiya.

Isayas 5:6

Pabay-anan yi lang niku inda ag balaw yi asikasuhun. Balaw yi niku inda puldan kay manga sanga ngatay balubuan kay puun. Pabay-anan yi lang niku mibusul sa manga ilamnun ag manga halaman madugi. Bag-u suguun niku ti manga rurum tubay yi inda padna uran.”

Hirimyas 25:12

“Dapat pagkalawuy 70 ka timpu, parusahan diman niku ti hari Babilunya hanggan ti manga nasakupan niya dahil sa manga kasalanan nida. Ag buwatun diman niku maruku kanda nasyun hanggan aban.

Hirimyas 25:38

Ti Panginuun ga liyun magluwas sa lukib hampay manligaw kay turukbun. Bumaliw mapung-aw kanyu daga dahil sa paggira kalaban, hanggan dahil sa masyadu pangagalit Panginuun.

Hirimyas 27:7

Ti tanan nasyun sumirbi sa kanya, sa kay anak, hanggan sa kay laki tugka sa marangga ti kaharian Babilunya. Bag-u ti Babilunya maan ti sumirbi sa mayamu pag nasyun hanggan sa manga makapangyarihan pag hari.

Hirimyas 28:14

Aku, ti Panginuun Makamaskihan, ti Diyus Israil magsabi: Ipapas-an niku ti singkaw baul sa tanan nasyun, hampay manirbi sida sa kan Hari Nabukudunusur sa Babilunya. Hanggan ti manga maraisug pag hayup ipasakup niku sa pagdumara niya.”

Hirimyas 29:10

Aku, ti Panginuun, magsabi pagkalawuy 70 ka timpu kay nagsakup Babilunya, balikan niku kamu ag tupadun niku kang taratu kuntay ibalik niku kamu sa kanyu daga.

Hirimyas 4:26

Nakitan niku ti abunda pag tanman nagbaliw pangawakawaan. Nawasak ti tanan banwa dahil sa masyadu pag pangagalit Panginuun.

Hirimyas 4:27

Inda ti pagsabihun Panginuun, “Ti buu daga madaut, dapat balaw niku inda lubus dautun.

Hirimyas 43:10

Bag-u sabihun nimu sa kanda kuntay aku, ti Panginuun Makamaskihan, ti Diyus Israil magsabi, ‘Suguun niku kang manugsirbi si Hari Nabukudunusur sa Babilunya ag ipatukaw niku kay kaharian ag turda panhari sa inda pag tungud batu, ti ilinubung niku sa daga sa karaw-an dalan.

Hirimyas 44:22

Pagka balaw yi mabata Panginuun ti manga kadautan ag mayagting niyu buwat, winayak niya kanyu daga ag nagbaliw saraadan ag maruku dahil udyi may mag-uli, parihu sa nangyari taynguna.

Isikil 12:19

Ag sabihi ti manga mag-uli sa Hirusalim ag sa buu Israil aku, ti Panginuun Diyus, magbagaw magkun aburiduhun sida ag mangirkirug sa kadalaan habang magkaun sida ag mag-inum, dahil agawun ti manga kasiyunan nida nasyun dahil sa kanda magpanlupig.

Isikil 29:11

Unman may tawu ngatay hayup ti lumakaw sitay, unman diman may mangulian sa sulud upatpulu ka timpu.

Isikil 6:14

Parusahan niku sida una naan sida pag mangulian, ag buwatun niku mapanglaw kanda daga ginan sa pangawakawaan sa kanaway atabug sa Dibra sa salatan. Bag-u maalaman nida aku ti Panginuun.”

Danyil 9:2

Katpung un-an timpu niya paghari, naalaman niku sa manga Kasuratan mamirmaminti daut ti Hirusalim sa sulud pitumpulu ka timpu, angay sa sinabi Panginuun sa kan purupita Hirimyas.

Libitiku 26:32

Gubaun niku kanyu rugar, ag ti sumakup siti pag manga kalaban niyu madulaw gid sa kay pagkaguba.

Mikas 7:13

Bumaliw mapanglaw pag rugar ti manga nasyun sa kalibutan dahil sa kadautan manga mag-ulian siyun.”

Sakaryas 1:12

Magkun ti anghil Panginuun, “Panginuun Makamaskihan, tugka duy kapira pag pakurianan nimu ti Hirusalim hanggan ti manga iba waya banwa sa Huda? May 70 yi ka timpu duy kawu magkagalit sa kanda?”

Sakaryas 7:5

“Sabihi nimu ti tanan manga tawu mag-uli sa Israil hanggan ti manga manughandug, kanda pagpamauray ag panrukuan sa kada ikalima ag ikapitu pag bulan sa sulud pitumpulu ka timpu unman nida pagbuwatun para sa kangku.