Hirimyas 24:6 - Hanunuu

⁶ Dahanan niku sida hampay mayad kanda kahamtangan bag-u ipabalik niku sida sa inda pag daga. Utru niku sida ipatindug ag balaw yi rurisun. Parig-unun niku sida ag balaw yi ayitun.

Hirimyas 24:6 Iomraidhean Croise

Gimpuunan 44:21

Magkun kawu daran-a nimi siya hampay makitan diman nimu siya.

2 Krunika 16:9

Dahil magbantay gid ti Panginuun sa buu kalibutan hampay pabaskugun ti manga tawu matinupadun sa kanya. Kabuangan kanmu binwat! Nakan kainda ginan pirmi yi kawu manlaban.”

Nihimyas 5:19

Nandarangin aku, “Diyus niku, mana papaladan nimu aku sa tanan niku pag buwatun para sa inda pag kalamalayan.”

Kanta 34:15

Pagbantayan Panginuun ti manga matadlung, ag pagpatingihan niya kanda magtawag.

Kanta 44:2

Pinaighit nimu ti manga tawu balaw magsunud sa kanmu ag kanmi manga ginurang imaw ti ipinatahan nimu sa kanda manga rugar. Pinakurianan nimu tunda pag manga tawu dapat pinaabunda nimu kanmi manga ginurang.

Isayas 14:1

Kaawaan Panginuun ti Israil ag utru niya piliun bilang kay nasakupan. Utru pauliun niya sida sa kanda sadili daga, ag may manga day-uhan kumuyug mangulian kaibahan sa nasyun Israil.

Isayas 60:21

Ti tanan nimu nasakupan bumaliw matadlung, ag sida yi ti umapu daga Israil hanggan aban. Binwat niku sida ga halaman kang itinanum para sa kang kadayawan.

Hirimyas 1:10

Taynguna pag sirang pakan-an niku kawu kapangyarihan magbagaw sa manga nasyun hanggan sa manga kaharian. Sabihun nimu sa kanda kuntay ti iba sa kanda midamhak gid, ti iba bumangun di ag tumindug uman.”

Hirimyas 12:15

Dapat aban sa uryan, kaawaan di maan niku tunda pag manga nasyun bag-u ibalik di niku sida sa sadili nida ulian.

Hirimyas 16:15

Bagkus ngap sabihun nida, ‘Magsumpa aku sa ngaran buhi pag Panginuun ti nagpalpas sa manga taga Israil ginan sa nasyun baliwa sa kanaway ag sa tanan nasyun nu naan niya sida ikinalat.’ Dahil ibalik niku sida sa daga ipinakaun niku sa kanda manga ginurang.

Hirimyas 21:10

Nakadisisyun yi aku padarahan kadamhakan inda pag banwa balaw kaayadan. Ipasakup niku inda sa hari Babilunya, ag kay irubun niya inda. Aku, ti Panginuun, ti magsabi inda.’

Hirimyas 23:3

Aku ngapu ti tumipun sa manga nasawad niku pag nasakupan ginan sa tuhay-tuhay pag rugar nu naan niku sida pag pinanwayak, ag darahun niku sida ibalik sa kanda daga bag-u yumamu maan sida ati.

Hirimyas 29:10

Aku, ti Panginuun, magsabi pagkalawuy 70 ka timpu kay nagsakup Babilunya, balikan niku kamu ag tupadun niku kang taratu kuntay ibalik niku kamu sa kanyu daga.

Hirimyas 31:28

Sa kabag-u, winayak, dinaut, ag pinuil niku sida dapat sa uryan baliwa, utru bangunun niku sida ag ipatindug.

Hirimyas 31:4

Utru niku kamu ipatindug, kamu pag manga taga Israil, parihu sa usa ka babayi tugnaw. Utru kamu manayaw sa kabayaan magpatnug kamu kanyu pamakaransing.

Hirimyas 32:37

Tipunun niku ti manga nasakupan niku ginan sa tanan nasyun kinalatan niku sa kanda dahil sa kang masyadu pag galit sa kanda. Utru niku sida darahun sa inda pag rugar ag mangabuhi sida sa mahusay.

Hirimyas 32:41

Kabayaan niku ti buwatan sida mayad ag buu tagipusuun niku sida patahanun sa inda pag daga.”

Hirimyas 33:7

Pabalikun niku ti manga taga Israil ag taga Huda ginan sa pagkabihag, ipatindug niku utru kanda banwa parihu sa kaybi.

Hirimyas 33:9

Nu mangyari yi inda, ti banwa Hirusalim makapakaun kadayawan sa kangku, hanggan kabayaan, ag kagalangan. Ti kada nasyun sa kalibutan takigan sa dala nu mabaritaan nida ti manga kaayadan, kaalwanan ag kahusayan itinunghul niku sa inda pag banwa.”

Hirimyas 39:12

“Bul-un nimu si Hirimyas ag alagaan nimu siya kaayad. Buwata nimu ti una hintay ti paghagadun niya.”

Hirimyas 42:10

Nu pumirmaminti kamu sa inda pag daga, bangunun niku kamu ag utru ipatindug ag balaw yi niku kamu ipadamhak. Dahil tutuu nanruku gid aku sa kadamhakan kang ipinalakaw sa kanyu.

Isikil 36:24

Dahil bul-un niku kamu sa tuhay-tuhay pag manga nasyun bag-u pabalikun sa kanyu sadili daga.

Amus 9:14

Ipabalik niku kang nasakupan manga taga Israil sa kanda daga ginan sa pagkabihag. Ipatindug maan nida kanda nagkaradaut pag manga banwa ag ati sida pag mangulian. Mantanum sida ubas ag manginum kay intus inda. Mantanum sida sa kanda manga tanman ag kan-un nida kay burak.

Diyuturunumiyu 11:12

Inda pag daga pag alagaan Panginuun niyu Diyus; pagbantayan niya inda sirang-sirang sa buu timpu!

1 Pidru 3:12

Dahil pagbantayan Panginuun ti manga matadlung, kay pagbayaun. Magdungug siya sa kanda manga darangin. Dapat kay magbantay Panginuun may galit sa manga magbuwat daut.”