Hirimyas 24:2 - Hanunuu

² Ti manga igus sa usa ka alat marinu, lutu, ag bag-u puti. Dapat ti manga igus waydi sa usa ka alat nalugu yi ag balaw yi makaun.

Hirimyas 24:2 Iomraidhean Croise

Isayas 5:4

Hintay waya kang nalimtan buwatun para sa kang ubasan? Matagsing pag burak ti pagsarigan niku, dapat pagka pinuti niku maaslum inda.

Isayas 5:7

Ti ubasan Panginuun Makamaskihan kay pag-alagaan ag makapakaun mana kabayaan sa kanya imaw yi ngani ti Israil ag Huda. Magsarig siya mangugali sida sa katadlungan dapat nadnugan ngap niya ti maglulumian manga pag-unuunuhun.

Hirimyas 29:17

Padaran-an niku sida girahan, lun-us ag sakit. Miparihu sida sa lugu igus sida unman makaun.

Husyas 9:10

Magkun ti Panginuun, “Manga taga Israil, katpung pinili niku kanyu manga ginurang bilang kang nasakupan, nagbaya gid aku. Parihu sa tawu nagbaya pagka nakakit siya ubas magtubu sa tigangan ngatay pagka nakakit siya un-an pag burak igus. Dapat pagka nag-atag sida sa Baal Piyur, inintirga nida kanda sadili sa makakaray-a pag diyus-diyusan ag niparihu sida sa manga mayagting pag diyus-diyusan kanda pagmahalun.

Mikas 7:1

Magkun si Mikas, “Kaawaawa aku! Ga tawu aku magkalun-us maghanap manga nasawad burak ubas ngatay igus dapat ay unman aku may nakitan una di usa.

Nahum 3:12

Ti tanan may alad batu pag manga banwa niyu bumaliw parihu sa puun igus ti un-an pag manga burak lutu yi; ag nu haluun magkararagdag kay manga burak ag mahimu yi kan-un.

Bilang 18:13

Ungud, kanyu ti tanan kalakal kanda pag-ihandug sa kangku ginan sa un-an patubas nida daga. Mahimu kumaun inda una si unu sa kanmu magtal-anakan ti malumpiyu.

Matiyu 5:13

“Kamu manga suruguun niku, ti ga asin sa kalibutan. Dapat ti asin nu tumab-ang, udyi may paraan hampay bumalik maan kay pagkamaasin. Udyi gid may kabuluhan tunda nu unman iyamut yi lang ag tat-an manga tawu.