Hirimyas 23:6 - Hanunuu

⁶ Inda pag ngaran ti iingaran sa kanya: ‘Ti Panginuun Kanta Katadlungan.’ Sa tunda pag udas maribri ti Huda ag magkaimaw kahusayan sa Israil.

Hirimyas 23:6 Iomraidhean Croise

1 Hari 4:25

Nakan habang magkabuhi si Sulumun, may kahusayan ti Huda ag ti Israil ginan sa Dan tugka sa Biirsiba. Ti kada tawu may kahusayan matukawan sa sirung niya tanum ubas ag puun igus.

Kanta 45:5

Biyagi nimu matarum pag manga pamana ti manga tagipusuun nimu manga kalaban. Pumasakup ti manga nasyun sa kanmu.

Pag-ighit 9:26

Ti Gusin lang ti unman nauranan yilu, dahil ati pag mag-uli ti manga Israilita.

Isayas 2:4

Sa panab-anan manga kasuguan niya, pagkarausahun niya ti mayamu nasyun. Nakan balaw yi man-girirahan ti manga nasyun, ag balaw yi waydi sida mamaanad kanda sundalu para sa girahan. Buwatun wadi nida sudsud aradu kanda manga baladaw ag sanggut panabas kanda manga bangkaw.

Isayas 32:1

May usa ka hari humari may katadlungan, kay manga takinan mandumara may kahusayan.

Isayas 32:18

Kamu pag manga nasakupan Diyus mangulian sa may kahusayan pag manga ulian, ribri sa kadamhakan. Ag udyi may bumalag sa kanyu.

Isayas 33:22

Buwatun inda Panginuun dahil siya kanta talaghusay, manugbuwat batas, ag hari. Siya ti rumibri sa kanta.

Isayas 33:5

Ti Panginuun abwat sa tanan! Dahil siya mag-uli sa langit. Ipalantag niya ti katadlungan ag katuwiran sa Hirusalim.

Isayas 35:9

Unman may liyun una hintay pag maraisug hayup ti makalawuy ati nu ud ti linukat lang Panginuun.

Isayas 42:6

Magkun siya sa kay manugsirbi, “Aku ti Panginuun magtawag sa kanmu hampay ipakakit kang katadlungan. Awatan ag alagaan niku kawu, sa panab-anan nimu mamuwat aku kasunduan sa manga tawu. Buwatun niku kawu parihu sa sulu magpakaun rayaw sa manga nasyun,

Isayas 45:17

Dapat ti Israil iribri di nimu, Panginuun, kanda karibrihan unman may katapusan. Balaw yi gid sida mangay-a una kapira.

Isayas 54:17

Unman may una hintay pag armas ti binuwat hampay manalu laban sa kanmu, ag masagut nimu una hintay ti ibangdan laban sa kanmu. Inda ti ipamana niku sa kang manga manugsirbi. Pakan-an niku sida panalu. Aku, ti Panginuun, ti magsabi inda.”

Isayas 7:14

Nakan ngani, ti Panginuun yi ngapu ti pumakaun palatandaan sa kanyu: Mamuduy ti usa ka daraga, manganak siya usa ka anak lalaki. Ingarnan niya ti anak “Imanwil.”

Isayas 9:6

Ianak ti usa ka anak lalaki imaw ti humari sa kanmi. Ingarnan siya “Makadululaw pag Manugpaanyu, Makamaskihan pag Diyus, Unman may Katapusan pag Ama, ag Takinan Kahusayan.”

Hirimyas 29:11

Alam niku nu kabitay tupadun kang manga gayak para sa kanyu — gayak para sa kaayadan niyu ag balaw sa kadautan, gayak para pakan-an kamu pag-asa ag mayad pag aratubangun.

Hirimyas 30:10

“Nakan danga kamu magkadala, ngatay magpanlubay, kamu manga linahi ni Hakub kang manugsirbi. Aku, ti Panginuun, magsabi bul-un niku kamu asan gin sa arayu pag rugar nu naan kamu pag binihag. Sa kanyu pagbalik, mangabuhi yi kamu mahusay, mahim-ung, bag-u udyi may pagkadalaan.

Hirimyas 31:23

Magkun ti Panginuun Makamaskihan, ti Diyus Israil, “Nu maibalik yi niku ti nasakupan Huda sa kanda daga ginan sa pagkabihag, kanda maan sabihun, ‘Papaladan mana Panginuun ti banal pag bantud Hirusalim ti pag-ulian niya.’

Hirimyas 32:37

Tipunun niku ti manga nasakupan niku ginan sa tanan nasyun kinalatan niku sa kanda dahil sa kang masyadu pag galit sa kanda. Utru niku sida darahun sa inda pag rugar ag mangabuhi sida sa mahusay.

Hirimyas 33:15

Sa tida pag udas, pamahalaun niku ti hari matadlung ginan sa linahi ni Dabid. Palantagun niya ti katadlungan hanggan ti katuwiran sa buu daga.

Hirimyas 33:16

Ag tida diman pag udas maribri ti manga taga Huda, ag mangabuhi yi may kahusayan ti manga taga Hirusalim. Ti Hirusalim ingarnan, ‘Ti Panginuun Kanta Katadlungan.’ ”

Isikil 21:27

Ipadamhak gid niku ti Hirusalim! Balaw inda ipatindug uman tugka sa rumas-ug kang pinili manughusay sa inda pag banwa; dahil siya kang kinatiwalaan inda.

Isikil 28:26

Mangulian sida ati unman may pagkadalaan. Mamatindug sida manga balay ag mananum manga ubas. Unman yi may man-gulu sa kanda nu parusahan yi niku ti tanan nida kaarani pag manga nasyun magpuya sa kanda. Bag-u maalaman nida aku ti Panginuun nida Diyus.”

Isikil 38:14

“Nakan Anak tawu, sabihi si Gug aku, ti Panginuun Diyus, magkun: Sa udas mangulian yi may kahusayan kang nasakupan manga Israilita, maalaman nimu inda.

Isikil 48:35

nakan kay kabuuhan sukat alad batu 9,000 mitrus. Ag ginan sa inda pag udas ti banwa pag-ingarnan, “Ati Ti Panginuun!”

Danyil 9:24

“Itinagka yi Diyus ti 490 ka timpu sa banal pag banwa hanggan sa kanmu kasimanwa hampay umapas kanda paglaban ag pagbuwat daut sa Diyus, para malukat sida sa kanda manga kasalanan, hampay maiparargu Diyus ti katadlungan tugka aban, hampay matupad ti pangakakitun hanggan ti hula, ag hampay maitalaga maan ti Balay Diyus.

Danyil 9:7

“Matadlung gid kawu, Panginuun, dapat kami inda makakaray-a tugka taynguna. Katunda diman ti tanan nasakupan Huda ag Hirusalim, hanggan ti tanan Israilita winayak nimu sa ararani hanggan sa ararayu pag rugar dahil sa kanda paglabag sa kanmu.

Husyas 1:11

Manmirinsanan maan ti manga nasakupan Huda hanggan Israil, bag-u manpili sida usa ka takinan. Manyamu maan sida sa kanda daga. Magmasulung maan sida sa tunda pag sirang para sa banwa Hisriil.

Husyas 1:7

Dapat kaawaan niku ti nasakupan Huda. Aku, ti Panginuun nida Diyus, ti rumibri sa kanda sa panab-anan niku kamaskihan, balaw sa panab-anan labanan: pamana, baladaw, manga kabayu ngatay manga manugkabayu.”

Husyas 2:18

Sa ati pag sirang, mantaratu aku sa tanan kalasi hayup kuntay danga kamu pagsakti. Duraun niku sa daga Israil ti manga armas sa labanan, ti manga pamana hanggan baladaw. Dahil sa unman yi may kaguluhan, maturug kamu unman may pagkadalaan kadautan.

Ubadyas 1:17

“Dapat may masawad di manga Israilita sa Bantud Siun, ag bumaliw banal maan inda pag rugar. Maiuli di sa manga linahi ni Hakub ti manga daan nida magkaapu pag daga.

Ubadyas 1:21

Tumukad sa Bantud Siun ti manga manugpalpas hampay pamahalaan ti manga tawu mag-uli sa Bantud ni Isaw. Ag aku, ti Panginuun, ti humari.”

Sipanyas 3:13

Inda pag manga nasawad Israilita balaw sida mamuwat daut. Dayi sida mamudil ngatay mandaya. Mangaun ag maturug sida udyi may pagkadalaan.’ ”

Sakaryas 10:6

“Pabisugun niku ti manga nasakupan Huda ag iribri niku ti nasakupan Israil. Pabalikun niku sida sa kanda rugar dahil naawa aku sa kanda. Ag dahil aku ti Panginuun kanda Diyus, sagtun niku kanda darangin. Nakan parihu lang ga unman niku sida binugyahan.

Sakaryas 3:10

Sa tunda pag sirang, mabuhi kamu may kaariwayahan. Ti kada usa sa kanyu ban-awan niyu kanyu manga kamalay hampay manukawan sa sirung niyu manga ubas ag puun igus. Aku, ti Panginuun Makamaskihan, ti may sabi inda.”

Ruma 3:22

Una si unu pag tawu nu sumarig siya sa kan Hisu-Kiristu, pagkilalan-un siya Diyus kuntay matadlung, dahil lang sa kay magsarig sa kan Hisus, una manga Hudiyu una manga balaw Hudiyu.

1 Kurintu 1:30

Pinausa yi kamu Diyus sa kan Kiristu Hisus. Siya ti binwat Diyus gimpuunan kadunungan nita hanggan katadlungan, ag pinablag para sa kanya. Irinibri yi kita sa kanta manga kasalanan.

2 Kurintu 5:21

Unman nakalakaw sa kasalanan si Kiristu. Dapat ay dahilan ngani sa kanta siya ngap nibilang sa makasalanan hampay nu kita magpakiusa sa kanya, mangyari yi ngap sa kanta ti katadlungan Diyus.

Pilipus 3:9

ag hampay aku lubus magpakiusa sa kanya. Udyi aku pagkilalan-un Diyus kuntay aku matadlung dahil lang sa kang magtupad sa Kasuguan ni Muysis. Pagkilalan-un aku Diyus kuntay matadlung dahil aku magsarig sa kan Kiristu. Inda pag katadlungan ginan ngani sa Diyus dahil sa kang pagsarig.