Hirimyas 23:5 - Hanunuu

⁵ Magkun waya ti Panginuun, “Rumas-ug ti sirang pahariun niku ti usa ka hari matadlung ginan sa linahi ni Dabid. Humari siya may kadunungan, ag palantagun niya ti katadlungan ag katutuuhanan sa inda pag daga.

Hirimyas 23:5 Iomraidhean Croise

2 Samwil 23:3

Magkun sa kangku ti Diyus, ti batu palalan-iban Israil, ‘Ti magpangulu matadlung ag may dala sa Diyus

Kanta 45:4

Pakakitan kanmu kadayawan, paggira kawu marapanalu para sa katutuuhanan ag sa katadlungan manga pag-apihun. Sa panab-anan nimu kapangyarihan pagbuwat kawu makadululaw pag manga buwat.

Kanta 80:15

parihu sa puun ubas kanmu itinanum sa panab-anan nimu kamaskihan. Alalahana kami kanmu manga anak kanmu pinarig-un para sa kanmu kadayawan.

Kanta 99:4

Makamaskihan siya pag Hari ag magkaibug sa katadlungan. Matadlung kay maghari; kang-ud kay pagbuwatun sa Israil.

Isayas 33:5

Ti Panginuun abwat sa tanan! Dahil siya mag-uli sa langit. Ipalantag niya ti katadlungan ag katuwiran sa Hirusalim.

Isayas 4:2

Rumas-ug ti sirang paabundahun ag parinuun Panginuun ti manga pananum sa Israil, ti manga patubas sa daga bumaliw kadayawan ag kabayaan manga nasawad tawu sa Hirusalim.

Isayas 42:6

Magkun siya sa kay manugsirbi, “Aku ti Panginuun magtawag sa kanmu hampay ipakakit kang katadlungan. Awatan ag alagaan niku kawu, sa panab-anan nimu mamuwat aku kasunduan sa manga tawu. Buwatun niku kawu parihu sa sulu magpakaun rayaw sa manga nasyun,

Isayas 45:24

Sumabi sida, ‘Sa panab-anan lang Panginuun ti tawu magkaimaw kabisugan hanggan panalu may katuwiran.’ ” Ti tanan magkagalit sa Panginuun pumakarani sa kanya ag mangay-a.

Isayas 52:13

Magkun ti Panginuun, “Kang manugsirbi manalu. Bumaliw bantug siya ag paggalangun.

Isayas 53:10

Dapat nalub-anan Panginuun masaktan siya ag pakurianan. Una waya binuwat siya handug sa Panginuun hampay mabayadan ti kasalanan manga tawu, makitan niya kay manga linahi ag makatanggap siya malawig pag buhi. Ag sa panab-anan niya matupad ti nalub-anan Panginuun.

Isayas 53:2

Kagustuhan Panginuun kay manugsirbi lumangba parihu sa manga tanum, maggamut sa mamara pag daga. Unman siya may rinu ngatay ikadulaw hampay kita ibugun sa kanya hampay siya pakaranyan.

Isayas 9:5

Makabaya diman sida dahil umapas yi ti girahan. Irubun yi ti manga pan-gira pag rutay manga sundalu pasay dugu, hanggan kanda manga lapak.

Isayas 9:6

Ianak ti usa ka anak lalaki imaw ti humari sa kanmi. Ingarnan siya “Makadululaw pag Manugpaanyu, Makamaskihan pag Diyus, Unman may Katapusan pag Ama, ag Takinan Kahusayan.”

Isayas 9:7

Unman may katapusan kay pagdumara mayad ag may kahusayan. Siya ti mumana kay kaharian ni Dabid. Parig-unun niya inda ag humari ti katadlungan ag ti katuwiran hanggan aban. Siguraduhun Panginuun Makamaskihan matupad inda.

Hirimyas 22:15

Kanmu aw hantup bumaliw kawu may kadayawan pag hari nu mamatindug kawu balay hari binuwat sa kayu sidru? Hayga balaw nimu sundun kanmu ama? Matadlung ag tutuu kay manga binuwat; nakan namuhi siya maalwan ag may kahusayan kay kahamtangan.

Hirimyas 22:3

Inda ti pagsabihun Panginuun: Ilantag niyu ti katadlungan hanggan ti katuwiran. Awati niyu ti manga tinakawan, iribri niyu sida sa kamang manga tawu mag-api sa kanda. Danga niyu paghigpiti ngatay pag sakti ti manga day-uhan, ulila hanggan manga buranday mag-uli kaibahan niyu. Danga diman kamu magmatay sa manga tawu unman may kasalanan.

Hirimyas 22:30

Dahil inda ti pagsabihun niya, “Isurat nimu kuntay inda pag tawu si Hihuyakin ga unman may anak, dahil una di usa sa kay manga anak unman may tumukaw sa tukawan hari ni Dabid bilang hari sa Huda. Bag-u unman diman manalu sa kay pangabuhi niya.”

Hirimyas 23:6

Inda pag ngaran ti iingaran sa kanya: ‘Ti Panginuun Kanta Katadlungan.’ Sa tunda pag udas maribri ti Huda ag magkaimaw kahusayan sa Israil.

Hirimyas 29:11

Alam niku nu kabitay tupadun kang manga gayak para sa kanyu — gayak para sa kaayadan niyu ag balaw sa kadautan, gayak para pakan-an kamu pag-asa ag mayad pag aratubangun.

Hirimyas 30:3

Dahil rumas-ug ti sirang ipabalik maan niku kang nasakupan Israil ag Huda ginan sa pagkabihag. Ipabalik niku sida sa daga ipinakaun niku sa kanda manga ginurang kuntay magkaapu nida. Aku, ti Panginuun, ti magsabi inda.”

Hirimyas 30:9

Manirbi yi sida sa kangku, sa Panginuun kanda Diyus, bag-u mamili aku kanda hari ginan sa linahi ni Dabid.

Hirimyas 31:27

Magkun waya ti Panginuun, “Rumas-ug ti sirang payamuun niku ti nasakupan Israil ag Huda, hanggan kanda manga hayup.

Isikil 21:27

Ipadamhak gid niku ti Hirusalim! Balaw inda ipatindug uman tugka sa rumas-ug kang pinili manughusay sa inda pag banwa; dahil siya kang kinatiwalaan inda.

Isikil 34:16

Hanapun niku tunda pag manga nagkaradura hanggan nagtaralalang. Bugkusan niku ti manga may biyag hanggan pabisugun niku ti manga malumuy. Dapat ipadamhak niku ti manga matabul hanggan mabaskug. Buwatun niku sa kanda nu unu ti matadlung.

Isikil 34:29

Pakan-an niku sida daga abunda sa ani hampay unman yi sida mangagwanta sa lun-us ngatay puyaan iba manga nasyun.

Isikil 45:8

Inda pag manga daga ti bumaliw huray manga takinan Israil.” “Kang manga takinan balaw yi man-api sa kang nasakupan. Pahintulutan nida ti nasakupan Israil umapu daga niku pag-ipakaun sa kanda angay sa kanda linahi.

Danyil 9:24

“Itinagka yi Diyus ti 490 ka timpu sa banal pag banwa hanggan sa kanmu kasimanwa hampay umapas kanda paglaban ag pagbuwat daut sa Diyus, para malukat sida sa kanda manga kasalanan, hampay maiparargu Diyus ti katadlungan tugka aban, hampay matupad ti pangakakitun hanggan ti hula, ag hampay maitalaga maan ti Balay Diyus.

Husyas 1:11

Manmirinsanan maan ti manga nasakupan Huda hanggan Israil, bag-u manpili sida usa ka takinan. Manyamu maan sida sa kanda daga. Magmasulung maan sida sa tunda pag sirang para sa banwa Hisriil.

Husyas 3:5

Dapat sa uryan pag manga sirang, mandangup di maan sida sa Panginuun nida Diyus hanggan sa kanda hari linahi ni Dabid. Pumakarani sida sa Panginuun may paggalang dahil sa kay kaayadan.

Amus 9:11

“Rumas-ug ti sirang ipatindug maan niku ti kaharian ni Dabid parihu sa payag nagba. Karinuun niku tunda pag manga nagba. Ipatindug maan niku tunda ag ibalik niku parihu sa kabag-u,

Mikas 5:3

Nakan ti nasakupan Israil ipahintulut Panginuun sa kanda manga kalaban tugka sa ilusad babayi magpabaring-baring sa sakit ti lapsag lalaki mandumara sa Israil. Bag-u kay manga kasimanwa inda pag takinan imaw ti bumalik sa kanda kaparihu Israilita.

Sakaryas 3:8

Taynguna, pagpatingi kawu, Huswi pangulu manughandug: Kawu hanggan ti manga kaparihu nimu manughandug tanda sa manga pararas-ugun mangyari. Itultul niku kang suruguun pag-ingarnan Sanga.

Sakaryas 9:9

Magkun ti Panginuun “Paghuyaw kamu sa kabayaan, kamu pag manga mag-uli sa Siun, ti banwa Hirusalim, dahil kanyu hari rumas-ug yi. Matadlung siya ag marapanalu. Mapinakumbabaun siya ag rumas-ug masakyan sa anak asnu.

Matiyu 2:2

Namaingana sida, “Naan nguna pag iinanak ti Hari manga Hudiyu? Dahil nakitan nimi kay pamgasan sa butlakan init, nakan nagsitay kami hampay mansamba sa kanya.”

Huwan 1:45

Nakitan maan ni Pilipi si Natanail. Bag-u sinabi ni Pilipi sa kanya magkun, “Nakabtaan nimi si Hisus taga Nasarit kay anak ni Husi. Imaw ti pagturunuhun ni Muysis sa kay isinurat sa Kasuguan, siya diman waydi hanggan ti pagturunuhun manga purupita.”

Huwan 1:49

Magkun si Natanail, “Maisturu, kawu yi duy ti Anak Diyus, kawu yi ti Hari nasyun Israil.”

1 Kurintu 1:30

Pinausa yi kamu Diyus sa kan Kiristu Hisus. Siya ti binwat Diyus gimpuunan kadunungan nita hanggan katadlungan, ag pinablag para sa kanya. Irinibri yi kita sa kanta manga kasalanan.

Hibriyu 8:8

Pagka nakitan Panginuun may kakurangan sa kay nasyun, sinabi niya magkun, “Nu sa kay kaudasan aban, magkun ti Panginuun, buwatun niku ti bag-u pag taratu sa linahi ni Israil ag sa lahi ni Huda.

Ipinakakit 19:11

Bag-u nakitan niku ti langit mabukasan ag may kabayu malagti. Ti masakyan siti pag kabayu imaw ti pag-ingarnan Masarigan, hanggan Tutuu, dahil matadlung siya nu magsintinsiya hanggan kay maggira.