Hirimyas 23:27 - Hanunuu

²⁷ Sa panab-anan manga tagin-up nida tida ti pagsabihun nida sa manga tawu, pag-itulang nida kang manga nasakupan hampay kalimtan nida aku, parihu sa paglimut nida manga kaumputan sa kangku sa panab-anan nida pagsamba sa kan Baal.

Hirimyas 23:27 Iomraidhean Croise

2 Hari 21:3

Ipinatindug niya utru ti manga simbahan sa abwat pag manga rugar ti ipinadaut kaybi niya ama ni Isikyas. Nagpatindug diman siya manga harandugan para sa kan Baal ag nagpabuwat manga tulduk tanda diyusa si Asira, parihu sa binuwat ni Hari Akab taga Israil. Nagluhud siya ag nagsamba sa tanan pag bagay sa kalangitan.

Hirimyas 2:32

“Malimtan aw usa ka daraga kay manga ugsung aw ngatay ti rutay niya pankasal? Dapat kamu kang manga nasakupan, dugay yi niyu aku kinalimtan.

Hirimyas 29:8

Magkun waya ti Panginuun Makamaskihan, ti Diyus Israil, “Danga kamu magpadaya sa kanyu manga purupita ngatay sa manga kaibahan niyu manughula. Danga kamu magpasnu sa kanda manga tagin-up.

Hirimyas 9:14

Bagkus ngap sinunud nida ti disisyun maganit pag tagipusuun nida. Nagsamba sida sa kan Baal parihu sa itinudlu sa kanda nida manga kaumputan.

Binwat 13:8

Tunda pag manugsalumangka nu sa bagaw Giriyigu kay palayaw si Ilimas. Sinangsala ni Ilimas sida ni Birnabi hampay balaw sumarig sa kan Hisus ti gubirnadur.

Diyuturunumiyu 8:11

“Dahani gid niyu balaw malimtan ti Panginuun niyu Diyus ag danga niyu paglabaga kay manga sugu hanggan surundanun ti pag-ipakaun niku sa kanyu taynguna.

Diyuturunumiyu 8:14

pagdahan kamu balaw makapadayaw-dayaw ag makalimut sa Panginuun niyu Diyus, ti nagpalwas sa kanyu sa Ihiptu nu naan kamu pag binwat panawuhun.

Diyuturunumiyu 8:18

Dapat alalahanun gid niyu ti Panginuun niyu Diyus imaw ti nagpakaun sa kanyu kakayahan yumaman kamu, ag binuwat niya inda hampay matupad niya ti kasunduan niya sa kanyu manga ginurang, parihu sa kay binwat taynguna.

Talaghusay 10:6

Nagbuwat maan kadautan ti manga Israilita sa magbantay Panginuun. Nagpatlikud sida sa Panginuun ag nagsamba sa manga tawu-tawu Baal hanggan Astarut, ag sa manga diyus-diyusan Aram, Sidun, Muab, Amun, ag Pilistiya.

Talaghusay 3:7

Nagbuwat daut ti manga Israilita sa magbantay Panginuun dahil kinalimtan nida ti Panginuun nida Diyus ag nagsamba sa manga tawu-tawu Baal hanggan Asira.