Hirimyas 23:25 - Hanunuu

²⁵ “Nadnugan niku ti manga pagsabihun manga purupita magbagaw kapudilan sa ngaran niku. Pagsabihun nida pinakan-an kunu niku sida tultulanun sa panab-anan tagin-up.

Hirimyas 23:25 Iomraidhean Croise

Gimpuunan 37:5

Sa usa ka yabi, nanagin-up si Husi. Igu kay pag-itultul inda sa kay manga patar-ari, nag-amat di ti pangagalit nida sa kanya.

Gimpuunan 37:9

Nanagin-up maan si Husi ag itinultul maan niya sa kay manga patar-ari. Magkun siya, “Nanagin-up maan aku, nakitan niku ti init, ti bulan ag ti 11 ka pamgasan magyuk-ub sa kangku.”

Kanta 139:2

Alam nimu nu matukawan aku ngatay matindugan. Una asan kawu sa arayu alam nimu ti tanan niku pag-isip-isipun.

Kanta 139:4

Panginuun, una unman waya aku makabagaw, alam yi nimu kang sarabihun.

Hirimyas 13:27

Nakitan niku kanyu manga binwat mayagting magsamba sa manga diyus-diyusan sa kabantudan hanggan sa karatagan. Parihu kamu sa babayi baraydan subra yi sa pangaibug, ngatay ga manga magpanguragin. Kaawaawa kamu, manga taga Hirusalim! Tugka kapira kamu mamirmaminti sa mayagting?”

Hirimyas 14:14

Sinmagut ti Panginuun, “Tunda pag manga purupita maghula kapudilan sa ngaran niku. Balaw niku sida sinugu ag balaw aku ti magbagaw sa kanda. Balaw ginan sa kangku kanda pagsabihun pag manga pangakakitun sa kanyu; unman may pulus ag pinathaw lang kanda pag ihula.

Hirimyas 16:17

Nakitan niku ti tanan ugali nida. Unman may una hintay ti mag-itagu sa kangku. Nakitan diman niku ti manga kasalanan nida.

Hirimyas 23:28

Pabay-ani niyu mamagaw inda pag manga purupita tungkul sa kanda manga tagin-up, dapat ti manga purupita nakadnug sa kang manga bagaw kailangan manultul inda may buu matinupadun. Dahil tuhay kanda manga tagin-up kaysa kang manga bagaw, parihu sa dayami tuhay sa tirigu.

Hirimyas 23:32

Magtultulanun sida manga tagin-up balaw tutuu, nakan pagpatalangun nida kang manga nasakupan sa kanda manga kapudilan. Balaw niku sida pagsuguun ngatay pag sabihan pagbagaw, nakan unman sida may kaayadan maipakaun sa manga tawu. Aku, ti Panginuun, ti magsabi inda.

Hirimyas 27:10

Kapudilan ti pagsabihun nida sa kanyu. Ag nu maniwala kamu sa kanda paighitun niku kamu sa kanyu daga. Palayasun ag rurisun niku kamu.

Hirimyas 27:15

Inda ti pagsabihun Panginuun, ‘Balaw niku sinugu tunda pag manga purupita. Magbagaw sida kapudilan sa ngaran niku. Nakan nu mamasnu kamu sa kanda, palayasun niku kamu ag rurisun hanggan tunda pag manga purupita.’ ”

Hirimyas 29:23

Mangyari inda sa kanda dahil nagbuwat sida manga mayagting pag bagay sa Israil. Nanguragin sida sa asawa nida kaparihu ag nagbagaw kapudilan sa ngaran niku balaw kang pag-isugu kuntay buwatun nida. Magkaalaman niku kanda manga pagbuwatun, bag-u makapatutuu aku laban sa kanda. Aku, ti Panginuun, ti magsabi inda.”

Hirimyas 29:8

Magkun waya ti Panginuun Makamaskihan, ti Diyus Israil, “Danga kamu magpadaya sa kanyu manga purupita ngatay sa manga kaibahan niyu manughula. Danga kamu magpasnu sa kanda manga tagin-up.

Hirimyas 8:6

Pinatingihan niku mayad ti manga binagaw niyu, pat-ay balaw tutuu kanyu sinabi. Una si unu sa kanyu unman gid may nag-ampu sa kanyu kadautan. Unman may nagsabi kuntay, ‘Hintay lugud ti binuwat niku?’ Bagkus ngap, ti kada usa sa kanyu maliksi sa magbuwat kasalanan ga kabayu magpalagiw tag sa girahan.

Karukuan 2:14

Ti manga barita niyu manga purupita bukun tutuu, unman may kabuluhan ag magpatalang sa kanyu. Unman nida itinultul kanmu kasalanan hampay balaw mana kawu mabihag.

Isikil 22:28

Kanda manga purupita magtabun waya kanda manga kasalanan sa balaw tutuu pag manga pangakakitun ag manga panhula. Magkun sida, ‘Imaw kunu tunda ti sinabi Panginuun Diyus,’ una unman magsabi ti Panginuun.

Huwil 2:28

“Bag-u ipakaun niku kang Ispiritu sa tanan tawu. Kanyu manga anak lalaki hanggan babayi manpadakit kang manga bagaw. Kanyu manga gurangun lalaki managin-up, ag kanyu manga kan-akan makakit manga pangakakitun.

Sakaryas 13:3

Ag nu may imaw waya magpabalhinguun purupita, kay manga gurang ti magpaandam kuntay kailangan siya matyun, dahil magbagaw siya kapudilan ag magkumun waya siya inda ginan sa Panginuun. Ag nu parargu waya gid siya magpabalhinguun bilang purupita, kay ama ag ina yi ngapu ti bumunu sa kanya.

Bilang 12:6

magkun ti Panginuun, “Pagpatingi kamu! Nu may purupita aku asan sa kanyu, maghampang aku sa kanya sa panab-anan pangakakitun hanggan tagin-up.

Matiyu 1:20

Dapat pagka kay pag-isip-isipun waya tunda, ti usa ka anghil Panginuun nagpakakit sa kanya sa kay tagin-up. Magkun ti anghil, “Husi, kawu linahi ni Dabid, danga kawu magkadala mag-asawa sa kan Marya, dahil kay buduy ginan sa Ispiritu Banal.

Lukas 12:3

Nakan ngani una hintay kanyu sinabi sa basad madlum madnugan di aban sa marayaw. Ti manga iyinanas niyu sa sulud-sulud itawag aban gin sa maalantaw.”

1 Kurintu 4:5

Nakan ngani danga dapu pagpihua una hintay pag tawu nu daut nu mayad hanggan sa ud rumas-ug ti Panginuun. Siya ti pumaburayhaw sa manga ilinihim ga sa madlum. Bulwatun niya aban ti pagkutubun tawu. Ati katpung ti kada tawu dayawun Diyus angay sa kay binwat.

Hibriyu 4:13

Unman may milihim sa Diyus. Ti tanan nabulwat ag niburayhaw sa kay magbantay, ag sa kanya kita may saragtun.

Ipinakakit 2:23

Matyun aban niku hanggan kay manga anak agud maalaman tanan manga iglisya aku lang ti makasuyasid sa tawu isip ag tagipusuun. Ti kada usa sa kanyu pakan-an niku angay sa kanyu manga binwat.