Hirimyas 23:24 - Hanunuu

²⁴ Una si unu unman may makapatagu sa kangku una naan pag lihim rugar mag-akitan di niku. Balaw aw alam niyu kuntay aku ati sa langit, asan sa daga ag una naan? Aku, ti Panginuun, ti magsabi inda.

Hirimyas 23:24 Iomraidhean Croise

Gimpuunan 16:13

Iningarnan ni Hagar “Diyus Maghiling” ti naghampang sa kanya pag Panginuun, dahil magkun siya, “Nakitan aw gid niku ti Diyus, ti maghiling sa kangku sa inda pag rugar?”

1 Hari 8:27

“Diyus, makaulian gid aw waydi kawu sitay sa kalibutan? Unman ngani kawu magkang-ud sa langit, una sa pinakaabwat pag bahagi langit, sitay aw waya sa kang ipinatindug pag Balay Diyus?

2 Krunika 2:6

Dapat si unu nguna ti may kaya pumatindug Balay Diyus para sa kanya? Dahil unman ngani siya magkang-ud sa langit, una sa pinakaabwat pag kalangitan. Nakan si unu nguna aku hampay pumatindug Balay Diyus para sa kanya? Ti maipatindug lang niku ti rugar pagsunugan manga handug sa kay kadayawan.

2 Krunika 6:18

“Dapat makaulian gid aw ngani duy kawu, Diyus, sitay sa kalibutan kaibahan manga tawu? Unman ngani kawu magkang-ud una sa pinakaabwat pag langit, sitay aw waya nguna sa ipinatindug niku pag Balay Diyus?

Hub 34:21

Pagbantayan gid Diyus ti tanan pagbuwatun tawu.

Hub 34:22

Unman gid may madlum pag rugar nu naan makapatagu ti manga daut.

Kanta 10:11

Kanda isip unman sida pagpansinun Diyus ag unman mag-akitan kanda manga pagbuwatun.

Kanta 139:7

Kabitay aku makaaman sa kanmu Ispiritu? Naantag waya aku pagmakaatag nu unman kawu?

Kanta 139:8

Nu atabug waydi aku sa langit, ati kawu; nu atabug waydi aku sa ulian manga namatay, ati diman kawu.

Kanta 148:13

Magdayaw sida tanan sa Panginuun, dahil abwat siya sa tanan. Mas makamaskihan kay kadayawan sa tanan asan sa kalibutan ag sa kalangitan.

Kanta 90:8

Mag-akitan nimu kanmi manga kasalanan. Una ti manga kasalanan nabwat nimi sa lihim, alam di nimu.

Kabagawan 15:3

Mag-akitan Panginuun ti tanan, una naan pag rugar. Pagbantayan niya ti manga pagbuwatun manga daut hanggan manga matadlung.

Isayas 29:15

Kaawaawa kamu pag manga magtagu kanyu manga gayak sa Panginuun. Pagbuwatun niyu kanyu manga buruwatun sa madlum ag pagsabihun niyu, “Unman may kumakit ngatay may umalam sa kanta pagbuwatun.”

Isayas 57:15

Inda waya ti pagsabihun Kaabwat-abwatan pag Diyus, ti Banal pag Diyus buhi hanggan aban: “Mag-uli aku sa abwat ag banal pag rugar, dapat mag-uli diman aku kaibahan manga tawu mapinakumbabaun ag mapinatawadun, hampay sida kang pabisugun.

Isayas 66:1

Inda ti pagsabihun Panginuun, “Ti langit kang tukawan hari, ag ti daga kang tarat-an lulud. Nakan hintay pag kalasi balay ti ipatindug niyu para sa kangku? Naan niyu aku pag-ipahari pag rugar?

Hirimyas 16:17

Nakitan niku ti tanan ugali nida. Unman may una hintay ti mag-itagu sa kangku. Nakitan diman niku ti manga kasalanan nida.

Hirimyas 32:19

Pinakamarinu duy kanmu manga gayak ag makadululaw kanmu manga buwat. Mag-akitan nimu ti tanan pagbuwatun manga tawu ag pagbalusan duy nimu sida angay sa pag-ugaliun ag buwat nida.

Hirimyas 49:10

Dapat bul-un ti tanan kasiyunan manga sinulput ni Isaw. Bul-un niku ti taklub pagpatag-an nida hampay balaw yi sida makapatagu. Magkaramatay ti manga anak, katawuhan ag manga kamalay nida. Unman may masawad sa kanda.

Isikil 8:12

Bag-u magkun ti Diyus sa kangku, “Anak tawu, malu nakitan yi nimu nu hintay ti pagbuwatun sa lihim manga paggurangunun sa Israil? Kada usa sa kanda asan sa sulud-sulud niya diyus-diyusan. Magkun sida, ‘Unman magbantay ti Panginuun sa kanta; binugyahan yi niya ti Israil.’ ”

Isikil 9:9

Nagsagut siya sa kangku, “Masyadu yi gid ti kasalanan nasakupan Israil ag Huda. Masyadu yi ti maratyan ag unman yi may katadlungan sa banwa. Magkun waya sida, ‘Unman magbantay ti Panginuun sa kanta; binugyahan yi niya ti Israil.’

Danyil 2:22

Pag-ipaliwanag niya ti ibug sabihun madalum pag manga bagay makuri masalman. Sa kanya ti karayawan, alam niya nu hintay ti ati sa kadudulman.

Danyil 4:35

Ud may halaga ti manga tawu sa kalibutan nu ipaparihu sa kanya. Pagbuwatun niya kay gustu sa manga anghil sa langit hanggan sa manga tawu sa daga. Unman may makaampara ngatay makahadlang sa kanya.’

Ipisu 1:23

Ti iglisya imaw ti pinagkabilug ni Kiristu. Siti pag ipinauli kay kalubusan ni Kiristu hampay aban udyi may masawad lunsay sakup yi sa kay kalubusan ni Kiristu.

Hibriyu 4:13

Unman may milihim sa Diyus. Ti tanan nabulwat ag niburayhaw sa kay magbantay, ag sa kanya kita may saragtun.