Hirimyas 23:19 - Hanunuu

¹⁹ Pagpatingi kamu! Kang pangagalit ga sa bagyu ngatay buhawi humampak sa ulu inda pag manga tawu daut.

Hirimyas 23:19 Iomraidhean Croise

Kanta 58:9

Padamhakan sida, anak man ngatay gurangun. Padamhakan sida mas mabaskug waya sa pag-init anglit pag pagbahan manga madugi pag manga kayu.

Kabagawan 10:25

Nu rumas-ug sa buhi ti pagsubuk parihu sa bagyu, maparaw ti daut pag tawu, dapat ti matadlung pag tawu rargu di kay karig-unan.

Isayas 21:1

Inda ti pagsabihun tungkul sa Babilunya, pangawakawaan arani sa saruy dagat: Gumira ti manga kalaban parihu sa buhawi. Lumakaw sa Nigib ginan sa pangawakawaan, sa pagkadalaan pag daga.

Isayas 40:24

Parihu sida sa manga tanum bag-u di waya magtubu harus unman waya nakagamut. Inyup sida Panginuun ag kadaka lang narubay ag ipinayag buhawi ga upa.

Hirimyas 25:31

Madnugan kay busis sa buu kalibutan, dahil ihabla niya ti manga nasyun. Sintinsiyahan niya ti tanan, ag ipamatay sa girahan ti manga daut.’ Aku, ti Panginuun, ti magsabi inda.”

Hirimyas 25:32

Magkun waya ti Panginuun Makamaskihan, “Pagdahan kamu! Ti kadamhakan rumas-ug sa tuhay-tuhay pag nasyun ga mabaskug pag bagyu ginan sa pinakaarayu pag bahagi kalibutan.”

Hirimyas 30:23

Pagpatingi kamu! Kang pangagalit ga bagyu aw ngatay buhawi humampak sa ulu daut pag tawu.

Hirimyas 30:24

Balaw gid madura kang pangagalit tugka sa unman niku magkabwat kang gustu buwatun. Sa manga uryan sirang, masalman di niyu inda.”

Hirimyas 4:11

Rumas-ug ti sirang sumabi ti Panginuun sa manga taga Hirusalim, “Umuyup ti mainit pag durus ginan sa arabwat pag rugar sa pangawakawaan atabug sa manga nasakupan niku, dapat ay balaw hampay mataphan ti manga tirigu nida.

Hirimyas 51:1

Inda waya ti sinabi Panginuun tungkul sa Babilunya: “Hamunun niku ti manugruris hampay girahun ti Babilunya hanggan kay nasakupan inda.

Isikil 1:4

Habang magbantay aku, may nakitan aku bagyu ginan sa kanaway. Magkilat ginan sa madamul pag rurum, nakan nagrayaw ti palibut. Ti apuy sa karaw-an rurum magduag ga sulu, ag magsinglaw ga galang.

Isikil 13:13

“Nakan aku, ti Panginuun Diyus, magkun: Sa kang masyadu pag pangagalit, rup-agun niku ti manga alad batu sa panab-anan mabaskug pag bagyu, uran yilu ga manga batu, ag mabaskug pag uran.

Amus 1:14

Nakan sunugun niku ti manga alad batu sa Raba hanggan ti mapag-un pag manga bahagi banwa habang magriringgitan ti manga kalaban maggira sa kanda, maghagunung parihu sa bagyu.

Sakaryas 7:14

Parihu aku sa buhawi manwayak sa kanda sa tuhay-tuhay pag rugar sa unman waya nida naatagan. Tinayakan yi nida kanda marinu pag daga tugka sa udyi nida inda mapakinabangan ag udyi maulian.”

Sakaryas 9:14

Pumakakit ti Panginuun sa tungud niya nasakupan. Mangislap kay ugyung parihu sa kilat. Patunugun Panginuun Diyus ti budyung, ag rumas-ug siya kaibahan bagyu ginan sa kanaway.