Hirimyas 23:17 - Hanunuu

¹⁷ Inda ti pirmi nida pagsabihun sa manga tawu dayu magpatingi sa kang manga bagaw ag magsunud sa maganit nida tagipusuun: ‘Bumaliw mayad kanyu kahamtangan. Unman may daut mangyari sa kanyu.’

Hirimyas 23:17 Iomraidhean Croise

2 Samwil 12:10

Dahil sa kanmu binwat, taynguna ginan, pirmi yi may labanan ag maratyan sa kanmu magtal-anakan, dahil linabag nimu aku ag bin-ul kay asawa ni Uryas hampay kanmu asawan-un.’

Isayas 30:10

Magkun sida sa manga purupita, ‘Danga yi niyu sabihun sa kanmi ti tungkul sa manga ipinaburayhaw Diyus sa kanyu. Danga yi niyu sabihun sa kanmi ti matadlung. Sabihun niyu sa kanmi ti manga bagay makapasulung sa kanmi ag ti manga balaw matupad pag pangakakitun.

Isayas 57:21

Ti daut pag tawu ud may kahusayan kay buhi.” Tunda ti binagaw niku Diyus.

Hirimyas 13:10

Dayu magsunud inda pag manga daut tawu sa manga pagsabihun niku. Pagsundun nida ti kagustuhan maganit nida tagipusuun magsirbi ag magsamba sa manga diyus-diyusan. Nakan miparihu sida sa tunda pag huragkus udyi mapakinabangan.

Hirimyas 18:12

Dapat sumagut ti manga tawu, ‘Balaw mahimu! Iparargu diman nimi kanmi gustu; sundun nimi ti daut ag kaganitan nimi tagipusuun.’ ”

Hirimyas 18:18

Bag-u magkun ti manga tawu, “Abala kamu, mamuwat kita paraan hampay maampara nita si Hirimyas! May manga manughandug diman manudlu kasuguan sa kanta, ag may mamaanyu diman manga madunung pag tawu sa kanta, hanggan may manga purupita diman magpaliwanag bagaw Diyus sa kanta. Nakan mamuwat kita manga tultulanun laban sa kanya, danga yi kita magpatingi sa kay manga pagsabihun.”

Hirimyas 3:17

Sa tida pag udas, ingarnan niyu ti Hirusalim ‘Tukawan hari Panginuun.’ Bag-u ti tanan manga nasyun maniripnan sa Hirusalim hampay dayawun ti ngaran Panginuun. Udyi gid nida sundun ti gustu maraganit ag daut nida pag tagipusuun.

Hirimyas 4:10

Pagkatapus magkun aku, “Panginuun Diyus, nadaya duy ti manga tawu sa sinabi nimu kaybi, dahil nanaratu kawu pirmaminti ti kahusayan sa Hirusalim. Dapat ti baladaw maaw nakaalistu yi mumatay sa kanmi.”

Hirimyas 5:12

Unman sida magbagaw tutuu tungkul sa kangku. Magkun sida, ‘Balaw kita pakurianan Panginuun! Unman may madala rumas-ug sa kanta. Unman diman may gira ngatay lun-us rumas-ug.’

Hirimyas 6:14

Pagpabay-anan nida ti biyag niku manga nasakupan una masyadu yi. Pagsabihun di nida kuntay mayad di ti tanan una unman.

Hirimyas 7:24

“Pat-ay unman sinunud nida ngatay pinansin kang manga pagkumnun sa kanda. Bagkus ngap, sinunud nida ti gustu maraganit ag daut nida tagipusuun. Bagkus ngap, lalu waya sida nagpakarayu sa kangku.

Hirimyas 8:11

Balaw nida pag ungdun kay magbulung sa biyag niku manga nasakupan, una masyadu yi inda. Pagsabihun nida mayad di ti tanan una balaw mayad.

Hirimyas 9:14

Bagkus ngap sinunud nida ti disisyun maganit pag tagipusuun nida. Nagsamba sida sa kan Baal parihu sa itinudlu sa kanda nida manga kaumputan.

Karukuan 2:14

Ti manga barita niyu manga purupita bukun tutuu, unman may kabuluhan ag magpatalang sa kanyu. Unman nida itinultul kanmu kasalanan hampay balaw mana kawu mabihag.

Isikil 13:10

“Inda pag manga purupita magpatalang sa kang nasakupan sa panab-anan pagsabi, ‘Mayad ti tanan’, dapat balaw maaw mayad. Ga parihu lang sa magpatindug ti manga tawu matpuk pag alad batu, ag paglitisun lang inda manga purupita.

Isikil 13:19

Paglabagun niyu aku sa atubangan niku nasakupan dahil lang sa pira ka akup sibada ag pira ka bilug tinapay. Sa panab-anan niyu pamudil, pagkumnun niyu mamatay ti balaw dapat mamatay, ag pagkumnun diman niyu balaw mamatay ti dapat mamatay. Ag magpaniwala kang nasakupan sa kanyu kapudilan.

Isikil 13:22

“Pagparukuun niyu ti manga matadlung sa panab-anan niyu kapudilan, una aku ngani mismu unman nagparuku sa kanda. Paggaryahun niyu ti manga daut danga sida mag-apas sa kanda daut pag buruwatun sa panab-anan pagtaratu sa kanda kuntay maribri sida sa kamatayan.

Amus 9:10

ti manga daut sa kanyu unman diman makalapus sa kang parusa, bagkus ngap mamatay sida tanan sa girahan. Sida inda ti magsabi unman kunu may daut rumas-ug sa kanda.”

Mikas 2:11

Kanyu pagkaibgan pag manugbarita imaw ti manugbarita unman may pulus, maradaya, pudilun, ag kaindaay kay pagsabihun: ‘Umabunda kamu sa intus ag sa iba waya pag manga irinmun.’ ”

Mikas 3:11

Pagkampihan niyu sa hukuman ti manga magpakaun suhul sa kanyu. Ag kamu pag manga manughandug magtudlu lang nu pagbayadan. Katunda diman kamu pag manga purupita, maghula lang kamu nu may kuwarta. Magsarig waya kamu awatan Panginuun, dahil magkun kamu, ‘Kaibahan di nimi ti Panginuun. Nakan unman may una hintay pag kadautan ti rumas-ug sa kanmi.’

Mikas 3:5

“Inda waydi ti pagsabihun Panginuun tungkul sa manga purupita magdaya sa kay manga nasakupan, magtaratu mayad pag kahamtangan sa manga magsagpun sa kanda, dapat pagpadalaun nida sa kadamhakan ti dayu magsagpun sa kanda.

Sipanyas 1:12

“Sa ati pag sirang, usisaun niku mayad ti manga taga Hirusalim ag parusahan niku ti manga tawu masalimpayaan lang sa buhi ag magkumun, ‘Unman may buwatun ti Panginuun, mayad ngatay daut.’

Sakaryas 10:2

Kay tutuu, bukun mapaniwalaan ti manga diyus-diyusan ag ti manga manughula. Magsabi sida salan pag kahulugan manga tagin-up. Unman may pulus ti pagpabisug nida sa nalub-anan manga tawu. Nakan magsimray ti nasakupan Israil parihu sa karanidu. Nakurian sida dahil unman sida may takinan.

Malakyas 1:6

Magkun sa manga manughandug ti Panginuun Makamaskihan, “Pag-igalang anak kay ama ag pag-igalang suruguun kay amu. Dapat bati aku kanyu ama ag amu unman niyu pag-igalang? Paglabagun waya niyu aku, bag-u magkun kamu, ‘Kabitay nimi kawu pag linabag?’

Bilang 11:20

nu unman usa ka bulan, tugka sa manawa kamu ag dayu yi kamu makakaun inda. Dahil binugyahan niyu aku kanyu manuggiya, ag nagriklamu kamu sa kangku kuntay balaw yi lang mana kamu nighit sa Ihiptu.’ ”

Lukas 10:16

Sinabi ni Hisus sa kay manga tuludluan magkun, “Ti magpatingi sa kanyu, magpatingi diman waydi sa kangku. Ti magdayu sa kanyu, magdayu diman waydi sa kangku. Ti magdayu sa kangku, magdayu diman waydi sa nagsugu sa kangku.”

Diyuturunumiyu 29:18

Pihua niyu unman una di usa sa kanyu, lalaki ngatay babayi, una magtal-anakan, ngatay lahi ti pumatlikud sa Panginuun nita Diyus ag mansamba sa ati pag manga diyus iba nasyun hampay unman may una di usa sa kanyu ti bumaliw ga gamut ilamnun magtubu mapait ag makahililu.

Diyuturunumiyu 29:19

Una si unu ti nakadnug sa inda pag manga pasandam saad danga mag-isip kuntay balaw siya maunu nu pumarargu siya sa kay gustu. Ti tutuu, magdara inda kadamhakan sa kanyu tanan.

1 Tisalunika 4:8

Nakan nu may tawu magpasipala sa inda pag manga paanyu, balaw tawu kay pag-ipasipala nu unman ti Diyus, imaw ti namakaun kay Ispiritu Banal sa kanyu.

1 Samwil 2:30

Aku, kanyu Panginuun, ti Diyus Israil, nantaratu kaybi kuntay kamu lang hanggan kanyu manga ginurang linahi ti makasirbi sa kangku bilang manughandug tugka aban. Dapat unman yi mahimu taynguna, dahil kilalan-un niku ti magkilala sa kangku, dapat kang dayuun ti magdayu sa kangku.