Hirimyas 23:16 - Hanunuu

¹⁶ Magkun ti Panginuun Makamaskihan sa manga taga Hirusalim, “Danga kamu magpasnu sa pagsabihun manga pudilun pag purupita. Pagpasarigun lang nida kamu sa manga kapudilan. Balaw ginan sa kangku kanda manga pagsabihun pangakakitun, nu unman ginan lang sa kanda sadili naisipan.

Hirimyas 23:16 Iomraidhean Croise

1 Hari 22:11

Si Sidikyas usa sa manga purupita kay anak ni Kanaana nagbuwat manga sungay baul. Magkun siya, “Inda ti pagsabihun Panginuun sa kan Hari Akab: ‘Sa panab-anan manga sungay inda, rurisun nimu ti manga Aramiyu tugka sa matabu sida.’ ”

2 Hari 17:15

Ipinurya nida kay manga surundanun hanggan kasunduan kay binwat sa kanda manga ginurang, binaliwala nida ti manga pasandam sa kanda. Sinunud nida ti manga unman may pulus pag manga diyus-diyusan, ag sida nagbaliw diman unman may pulus. Sinunud nida ti manga nasyun sa kanda sangput una pagsabihan sida Panginuun danga magsunud. Binwat gid nida ti pag-irangan Panginuun pag manga bagay kanda buwatun.

2 Krunika 18:5

Nakan ipinatawag ni Akab ti manga purupita — 400 sida tanan, ag pinaingana, “Atag aw kami sa Ramut Gilyad hampay manlaban ngatay danga?” Sinmagut sida, “Sigi, paglakaw kamu, dahil papanaluhun kamu Panginuun!”

Kabagawan 19:27

Anak, nu unman kawu manpatingi sa manga pagtadlung sa kanmu ugali, pagdayuun nimu ti manga tudlu makapakaun kadunungan.

Hirimyas 14:14

Sinmagut ti Panginuun, “Tunda pag manga purupita maghula kapudilan sa ngaran niku. Balaw niku sida sinugu ag balaw aku ti magbagaw sa kanda. Balaw ginan sa kangku kanda pagsabihun pag manga pangakakitun sa kanyu; unman may pulus ag pinathaw lang kanda pag ihula.

Hirimyas 2:5

Inda kay pagsabihun: “Hintay pag kasalanan ti nakitan niyu manga ginurang sa kangku nakan aku kanda binugyahan? Sinunud nida ti manga diyus-diyusan unman may pulus, nakan sida hanggan nagbaliw diman unman may pulus.

Hirimyas 23:21

Balaw niku sinugu tunda pag manga purupita, dapat ay naglakaw diman sida. Unman aku may sinabi sa kanda, dapat ay magtultul diman sida.

Hirimyas 23:26

Tugka kapira waya nguna sida mamagaw kapudilan ginan sa sadili nida naisipan?

Hirimyas 29:23

Mangyari inda sa kanda dahil nagbuwat sida manga mayagting pag bagay sa Israil. Nanguragin sida sa asawa nida kaparihu ag nagbagaw kapudilan sa ngaran niku balaw kang pag-isugu kuntay buwatun nida. Magkaalaman niku kanda manga pagbuwatun, bag-u makapatutuu aku laban sa kanda. Aku, ti Panginuun, ti magsabi inda.”

Hirimyas 29:8

Magkun waya ti Panginuun Makamaskihan, ti Diyus Israil, “Danga kamu magpadaya sa kanyu manga purupita ngatay sa manga kaibahan niyu manughula. Danga kamu magpasnu sa kanda manga tagin-up.

Hirimyas 9:12

Namaingana aku sa Panginuun, “Si unu duy ti madunung pag tawu makaalam sa inda pag manga pangyayari? Sa kantapu duy pag-itinultul nimu ti tungkul sitay hampay maitultul inda sa manga tawu? Hayga duy nadaut inda pag daga bag-u nagbaliw ga pangawakawaan udyi paglakawan?”

Hirimyas 9:20

Taynguna, kamu pag manga babayi, patingihi niyu ti pagsabihun Panginuun. Patingihi gid niyu inda kaayad. Tudlui niyu kanyu manga anak babayi hanggan kanyu kaparihu kuntay paglumi hanggan pag-amiraw.

Karukuan 2:9

Nidna sa daga ti manga puwirtahan banwa. Nagkaradaut ti alad dahil pinamari inda Panginuun. Pinamihag ti hari ag ti may kangaranan pag manga tawu sa Hirusalim. Unman yi pag-itudlu ti kasuguan. Ag unman yi may barita ti manga purupita ginan sa Panginuun.

Isikil 13:16

ti manga purupita Israil magpanhula bumaliw kunu mayad ti kahamtangan Hirusalim, una unman maaw. Aku, ti Panginuun Diyus, ti magsabi inda.

Isikil 13:23

Nakan madura yi kanyu balaw tutuu pag pangakakitun ag kanyu pagpanhula. Iribri niku kang nasakupan ginan sa kanyu manga kamang. Bag-u maalaman niyu aku ti Panginuun.”

Isikil 13:3

Aku, ti Panginuun Diyus, magkun: kaawaawa kanda kahamtangan manga purupita unman may intindi magbuwat-buwat lang kanda manga hula, ag balaw diman sida may nakitan pangakakitun.

Isikil 13:6

Balaw tutuu kanda pangakakitun ag kapudilan kanda manga hula. Magkun sida ginan sa Panginuun kanda pagsabihun, dapat kay tutuu balaw niku sida ipinadara. Ag pag-alagdun waya nida matupad kanda pagsabihun.

Isikil 22:28

Kanda manga purupita magtabun waya kanda manga kasalanan sa balaw tutuu pag manga pangakakitun ag manga panhula. Magkun sida, ‘Imaw kunu tunda ti sinabi Panginuun Diyus,’ una unman magsabi ti Panginuun.

Mikas 2:11

Kanyu pagkaibgan pag manugbarita imaw ti manugbarita unman may pulus, maradaya, pudilun, ag kaindaay kay pagsabihun: ‘Umabunda kamu sa intus ag sa iba waya pag manga irinmun.’ ”

Matiyu 7:15

Magkun si Hisus, “Pag-aman kamu sa manga pudilun pag purupita. Magpakarani sida sa kanyu ga bilang karanidu kanda histuda dapat nu sa kay tutuu sida ga manga maisug pag simarun idu.

Ruma 1:21

Madi alam nida may imaw Diyus, unman nida pagdayawun ngatay pagpasalamatan. Bagkus ngap pinamintuhu nida ti manga bagay unman may kabuluhan, nadluman yi lang kanda naisipan unman makaintindi sa katutuuhanan.

1 Huwan 4:1

Manga patar-ari, danga duy magpasnu kamu sa kada tawu mag-aku kuntay sa kanya ti Ispiritu Banal. Subuki dap niyu siya nu ngatay tunda pag Ispiritu ungud ngani ginan sa Diyus, aw ngatay unman. Dahil mayamu yi pag manga pudilun purupita naglinutaw sa kalibutan.