Hirimyas 23:1 - Hanunuu

^1-2 Magkun ti Panginuun, ti Diyus sa Israil, “Kaawaawa kamu pag manga takinan manga nasakupan niku! Kamu mana ti mangalaga sa kang manga nasakupan parihu sa manug-alaga karanidu, dapat pinabay-anan lang niyu sida mamatay ag mawayak. Nakan dahil sa pinanwayak niyu kang manga nasakupan ag balaw niyu inalagaan, parusahan niku kamu. Hu, parusahan ngani niku kamu dahil sa binwat niyu kadautan.

Hirimyas 23:1 Iomraidhean Croise

Hirimyas 10:21

Sinmagut aku, “Nangyari inda sa kanta dahil busal ti manga takinan nita. Unman sida nagpakarani sa Panginuun hampay mamaingana. Nakan ngani unman sida nanalu, bag-u nagkaralat kanda manga nasakupan.

Hirimyas 12:10

Dautun kayamuan takinan kang ubasan, hanggan kang tanman kanda tatatataan. Bumaliw pangawakawaan ti marinu niku pag daga.

Hirimyas 13:17

Dapat nu dayu waya gid mamatingi kamu, manlumi aku sa lihim dahil sa kanyu magpadayaw. Manlumi aku kabisug bumulus kang manga luwa dahil bihagun ti manga pinili Panginuun.

Hirimyas 2:26

“Parihu sa usa ka mananakaw mangay-a nu madakup, mangay-a diman kamu manga taga Israil. Ungud mangay-a kamu, hanggan kanyu manga hari, manga may kangaranan, manga manughandug ag manga purupita.

Hirimyas 2:8

Una manga manughandug unman naghanap sa kangku. Ti manga manugtudlu Kasuguan unman magkilala sa kangku. Ti manga takinan nagalit laban sa kangku. Ti manga purupita nagpadakit sa ngaran ni Baal ag nagsunud sa manga diyus-diyusan unman may pulus.

Hirimyas 22:22

Nakan wayakun niku ti manga takinan niyu ga upa pag payagun durus, ag bihagun diman kanyu manga manugbaliwa pag nasyun. Ungud mangay-a kamu dahil sa kanyu kadautan.

Hirimyas 50:6

“Ti manga nasakupan niku ga manga karanidu nagtalalang. Pinabay-anan sida manga manug-alaga nida ati sa kabantudan ag katagudtudan bag-u udyi nida alam ti dalan sa mag-uli.

Isikil 13:3

Aku, ti Panginuun Diyus, magkun: kaawaawa kanda kahamtangan manga purupita unman may intindi magbuwat-buwat lang kanda manga hula, ag balaw diman sida may nakitan pangakakitun.

Isikil 34:1

Magkun ti Panginuun sa kangku,

Isikil 34:21

Dahil kamu pag manga matabul, pag-ilpitun ag pagsungayun lang niyu ti manga malumuy tugka sa pumakarayu sida.

Isikil 34:31

“Kamu kang manga karanidu sa kang paraharaban. Kamu kang nasakupan, ag aku kanyu Diyus. Aku, ti Panginuun Diyus, ti may sabi inda.”

Sakaryas 10:3

Magkun ti Panginuun, “Magkagalit gid aku sa manga takinan niku nasakupan. Parusahan gid niku sida. Dahil alalahanun di niku kang manga karanidu, ti manga nasakupan Huda. Buwatun niku sida parihu sa manga kabayu sa girahan marapanalu.

Matiyu 15:14

Pabay-ani niyu sida, buta pag manga manug-abat sida. Nu ti buta umabat sa kay kaparihu buta, minsan sida malagpak sa abwat.”

Matiyu 9:36

Pagka nakitan niya ti duru gid pag manga tawu, naawa siya sa kanda dahil sida magkaaburidu unman may manuggiya, ga manga karanidu unman may manug-alaga.

Huwan 10:10

Unman sumitay tag ti mananakaw purya lang hampay manakaw, manmatay hanggan mamapas. Aku nagsitay hampay kang manga karanidu kumakit tutuu pag buhi udyi may kakurangan.

Huwan 10:12

Tuhay ti inupahan lang, unman siya ti tutuu pag manug-alaga sa karanidu ag bukun waydi siya kay apu. Nakan nu makitan niya may simarun idu magpakarani sa manga karanidu, pabay-anan lang niya ti manga karanidu, pumalagiw yi lang siya. Pagka tinkub simarun idu ti karanidu, namululagan yi lang kay iba.

Huwan 10:8

Ti un-an nakasitay nakauna sa kangku imaw yi ti manga mananakaw ag tulisan tunda. Dapat unman sida binati manga karanidu.