Hirimyas 22:9 - Hanunuu

⁹ Ag inda ti isagut sa kanda, ‘Dahil dinayu nida ti kasunduan Panginuun nida Diyus, bag-u nagsamba hanggan nagsirbi sida sa manga diyus-diyusan.’ ”

Hirimyas 22:9 Iomraidhean Croise

1 Hari 9:8

Una marinu ag bantug inda pag Balay Diyus, dautun niku inda. Mataranta ag madulaw gid ti tanan pag lumalawuy sitay ag sumabi, ‘Hayga binwat inda Panginuun sa inda pag daga ag sa inda pag Balay Diyus?’

2 Hari 22:17

Ipakakit gid niku kang pangagalit sa inda pag rugar ag balaw inda umapas, dahil binugyahan aku nasakupan ag nagsunug sida kamangyan sa pagsamba sa tuhay pag diyus. Ginalit gid nida aku sa kanda manga binuwat.’

2 Krunika 34:25

Ipakakit gid niku kang pangagalit sa inda pag rugar ag balaw inda maparaw, dahil dinayu aku niku manga nasakupan ag nagsamba sida sa tuhay pag manga diyus. Pinagalit gid nida aku sa kanda manga binwat.

Hirimyas 11:10

Hinuwad nida ti manga binwat kasalanan nida manga ginurang balaw gid nagpaniwala sa kang manga bagaw. Nagsamba diman sida sa manga diyus-diyusan. Ti nasakupan Israil hanggan Huda parihu naglabag sa binwat niku kasunduan sa kanda manga ginurang.

Hirimyas 11:3

Sabihun nimu sa kanda, aku ti Panginuun, ti Diyus Israil, magkumun saadan niku ti dayu magsunud sa manga pagsabihun sa inda pag kasunduan.

Hirimyas 16:11

Sabihun nimu sa kanda inda kang sagut: ‘Binwat niku inda dahil dinayu aku niyu manga kaumputan. Nagsirbi ag nagsamba sida sa manga diyus-diyusan. Dinayu nida aku balaw nida sinunud kang bilin.

Hirimyas 50:7

Siniba sida manga nakakit sa kanda. Magkun ti manga kalaban nida, ‘Nagsalan sida sa Panginuun imaw ti tutuu nida paraharyan ag pagsarigan manga kaumputan nida nakan unman kita may kasalanan sa kanta paggira sa kanda.’

Hirimyas 9:13

Sinmagut ti Panginuun, “Nangyari inda dahil unman nida sinunud ti manga sugu ipinakaun niku sa kanda. Balaw sida nagsunud sa kangku una sa manga sinugu niku.

Isikil 12:16

Dapat pahintulutan niku kay iba sa kanda maribri sa girahan, sa lun-us, ag sa manga sakit hampay ipaburayhaw sa manga nasyun nida maatagan kanda mayagting pag manga binwat. Bag-u maalaman nida aku ti Panginuun.”

Isikil 14:23

Hu, madura ti kadautan niyu naisipan nu makitan niyu kanda pag-ugaliun ag kanda manga pagbuwatun, ag maisip niyu may dahilan maaw nu hayga binwat niku tunda sa Hirusalim. Aku, ti Panginuun Diyus, ti magbagaw inda.”

Isikil 39:23

Maalaman diman iba manga nasyun binihag ti nasakupan Israil dahil sa kanda manga kasalanan, dahil unman sida nagtupad sa kangku. Pinabay-anan niku sida girahun manga kalaban ag panmatyun.

Isikil 5:15

Pakay-ahun, puyaan, ag tamirian kamu manga nasyun sa kanyu kalibut. Bumaliw kamu paandam sa kanda sa udas parusahan niku kamu sa kang masyadu pag pangagalit. Aku, ti Panginuun, ti magbagaw inda.

Diyuturunumiyu 29:24

Bag-u mamaingana ti tanan nasyun, ‘Hayga binuwat inda Panginuun sa kay nasyun? Hayga masyadu gid kay pangagalit?’