Hirimyas 22:6 - Hanunuu

⁶ Inda ti pagsabihun Panginuun tungkul sa balay hari sa Huda: “Para sa kangku, kanmu karinuan parihu sa Gilyad ngatay sa katayungtungan bantud Libanun. Dapat buwatun niku kawu ga pangawakawaan, parihu sa usa ka banwa unman may mag-uli.

Hirimyas 22:6 Iomraidhean Croise

Gimpuunan 37:25

Habang magkaun sida, may naalantaw sida manugnigusyu pag manga Ismailita ginan sa Gilyad. Kanda manga kamilyu may karga manga panlakay, manga pamulung hanggan pamanglu darahun sa Ihiptu.

Kanta 107:34

Pagbuwatun niya ti mayad pag daga unman may pulus, dahil sa manga kadautan manga mag-uli siyun.

Kanta ni Sulumun 4:1

Pagkarinu duy kawu, mahal niku. Kanmu manga mata magkatakluban nimu taung parihu sa mata kalampati. Kanmu buhuk parihu sa kadamlan manga kambing maglus-ug ginan sa Bantud Gilyad.

Kanta ni Sulumun 5:15

Kay manga balangbang parihu sa manga tulduk marmul matindugan sa patakinan balay lunsay gintu. Marinu gid siya bantayun, parihu sa manga kayu sidru sa Libanun.

Isayas 27:10

Nawayak yi ti inaladan batu pag banwa. Ga pangawakawaan yi inda. Nagbaliw pasturan wadi inda ag paraharyan manga baka. Tinabu hinarab manga baka ti manga labung sa manga sanga.

Isayas 37:24

Sinurug nimu aku sa panab-anan nimu manga suruguun. Pagsabihun waya nimu, ‘Sa panab-anan niku mayamu pag manga kalisa nadayik niku ti arabwat pag manga bantud hanggan ti katayungtungan manga bantud Libanun. Pinukan niku ti arabwat pag manga puun sidru hanggan kay pinaka marinu pag kalasi sipris. Nakaras-ug aku sa katayungtungan sa may madamul pag kapuruan.

Isayas 6:11

Nagpaingana aku, “Panginuun, kabitay duy kay kadugay?” Sinmagut siya, “Tugka sa mawayak ti manga banwa Israil ag balaw yi may mangulian siyun. Tugka sa udyi may mag-uli sa manga balay ag ti daga bumaliw kapawaan ag udyi makinabangan.

Hirimyas 21:11

“Sabihun diman niyu sa magtal-anakan hari sa Huda, kay manga linahi ni Dabid, kuntay patingihi inda pag itinultul Panginuun: Ilantag niyu pirmi ti katadlungan. Awati niyu ti manga tinakawan; iribri niyu sida sa manga mag-api sa kanda. Dahil nu unman, lumabdab ti pangagalit niku ga apuy balaw magkapsa dahil sa daut niyu pagbuwatun.

Hirimyas 21:14

Dapat parusahan niku kamu angay sa manga pagbuwatun niyu. Irubun niku kanyu manga katalunan tugka ti tanan sa kanyu sangput mairub. Aku, ti Panginuun, ti magsabi inda.”

Hirimyas 22:24

“Aku, ti buhi pag Panginuun magsumpa kuntay dayuun niku kawu, Hari Hihuyakin sa Huda, kay anak ni Hihuyakim. Una kawu ga singsing sa kang sikun pag kamang tanda niku kamaskihan, lapsuun gid niku kawu sa kang ituturu.

Hirimyas 26:18

“Katpung si Isikyas ti hari sa Huda, nagbagaw si Mikas taga Murisit tungkul sa pag-ipasabi Panginuun sa tanan taga Huda. Magkun siya, ‘Magkun ti Panginuun Makamaskihan wayakun niya ti Siun, ti banwa Hirusalim. Inda miparihu sa inaradu pag tanman, tap-ukan manga nagkaragba daraka balay ag bumaliw katalunan ti bantud nagpatindugan Balay Diyus.’

Hirimyas 4:20

Dasun-dasun yi rinmas-ug ti kadamhakan. Tanan rugar nawayak. Hanggan kang manga turda kadaka nagba ag nagisi kay manga patakip.

Hirimyas 4:7

Ti manugwayak kuntay gumira sa manga nasyun ga liyun linmuwang gin sa kay pagpatag-an. Ginminan yi siya sa kay rugar hampay wayakun kanyu daga. Magkaradaut ti manga banwa niyu tugka sa balaw yi inda maulianan.

Hirimyas 50:12

Dapat ipauli niku sa kakay-ahan kanyu nasyun. Bumaliw pinakaababa inda sa tanan nasyun, ag bumaliw inda usa ka mapung-aw pag pangawakawaan.

Hirimyas 7:34

Amparahun yi niku ti kasulungan ag kabayaan sa manga baklayan Hirusalim. Ag udyi madnugan sa manga banwa Huda ti manga masulung pag busis manga bag-u ipinaasawa. Dahil bumaliw mapung-aw inda pag daga.”

Hirimyas 8:22

Udyi aw may bulung sa Gilyad? Udyi aw may manugbulung ati? Hayga unman mag-ayad ti biyag manga kasimanwa niku?

Hirimyas 9:11

Dahil magsabi ti Panginuun, “Wasakun niku ti Hirusalim, bumaliw inda ulian manga talun idu. Buwatun niku ga pangawakawaan ti manga banwa Huda tugka sa unman yi may mangulian siyun.”

Mikas 3:12

Nakan dahil sa kanyu dautun ti Siun, ti banwa Hirusalim. Bumaliw parihu sa inaradu tanman, ag bumaliw tumpuk manga nagkarapugdak batu. Ag bumaliw kapuruan ti bantud nabungsudan Balay Diyus.”

Sakaryas 11:1

Kamu pag manga mag-uli sa Libanun, bukasi niyu ti manga sabian niyu banwa hampay makasulud ti apuy umirub sa manga puun kayu sidru niyu.

Bilang 32:1

Ti manga lahi ni Rubin hanggan ni Gad mayamu gid kanda manga hayup. Nakan pagka nakitan nida mayad pag daga ti Hasir hanggan ti Gilyad para sa manga hayup,

Diyuturunumiyu 3:25

Nakan pasnui yi duy nimu aku makadipay hampay makitan niku ti marinu pag daga ati sa baliw dipay Hurdan, ti mararinu pag tagudtud hanggan ti manga kabantudan Libanun.’