Hirimyas 22:3 - Hanunuu

³ Inda ti pagsabihun Panginuun: Ilantag niyu ti katadlungan hanggan ti katuwiran. Awati niyu ti manga tinakawan, iribri niyu sida sa kamang manga tawu mag-api sa kanda. Danga niyu paghigpiti ngatay pag sakti ti manga day-uhan, ulila hanggan manga buranday mag-uli kaibahan niyu. Danga diman kamu magmatay sa manga tawu unman may kasalanan.

Hirimyas 22:3 Iomraidhean Croise

2 Samwil 23:3

Magkun sa kangku ti Diyus, ti batu palalan-iban Israil, ‘Ti magpangulu matadlung ag may dala sa Diyus

2 Hari 24:4

hanggan kay pagpamatay sa manga unman may alam pag manga tawu. Pinabulus niya kanda dugu sa Hirusalim, unman inda mapatawad Panginuun.

Hub 22:9

Nu maghagad awat sa kanmu ti manga buranday, pagpauliun nimu sida unman may dara. Una ti manga ilu balaw nimu pag asikasuhun sa mayad.

Hub 24:9

“Pagbul-un manga daut pag tawu ti anak buranday ag pugri pag babayi, imaw ti bayad sa kanda inutang.

Kanta 68:5

Ti Diyus, mag-uli sa kay banal pag Balay, mag-alaga sa manga ulila ag manug-apin sa manga buranday babayi.

Kanta 82:4

Ribrihan ti manga makuri hanggan ti manga pugri sa kapangyarihan manga daut pag tawu!

Kanta 94:21

Nagkausa sida sa paglaban sa manga matadlung ag pagsintinsiyahan nida kamatayan ti manga balaw may kasalanan.

Kanta 94:6

Ipinamatay nida ti manga buranday pag babayi, hanggan ti manga ulila, ag ti manga day-uhan.

Pag-ighit 22:21

“Danga niyu paghigpiti ti manga day-uhan dahil manga day-uhan diman kamu kaybi sa Ihiptu.

Pag-ighit 22:22

“Danga pag-apiha ti manga buranday babayi hanggan ti manga ilu.

Kabagawan 23:10

Danga nimu pag-agawa ti daga manga balu sa panab-anan paghalin manga muhun.

Kabagawan 6:17

ti marapadayaw, ti marapudil, ti magmatay tawu,

Isayas 1:23

Kanmu manga takinan manga supakil ag kaibahan manga mananakaw. Gustu nida pirmi may upa, ag magpanhagad pamakaun. Balaw nida pag-apinan ti karampatan manga ulila ag balaw diman nida pagpatingihan ti manga buranday magdangup.

Isayas 58:6

Ti makapasulung sa kangku pag unman maghandum karan-unun tunda may kaibahan mayad pag ugali. Apasi niyu ti pagbuwat kadautan, ugalia niyu ti katadlungan, pakan-i kaariwayahan ti manga pag-api-apihun ag awati ti manga paglugihun.

Isayas 58:7

Pakan-i niyu karan-unun ti manga magkalun-us, ipatahan niyu sa kanyu ulian ti unman may ulian, ayawi niyu rutay ti unman may rutay, ag awati niyu kanyu manga katawuhan.

Hirimyas 19:4

Buwatun niku inda, dahil dinayu aku niku nasakupan. Inda pag luung binwat nida harandugan manga handug pagsunugun para sa iba manga diyus. Inda pag manga diyus balaw nida magkakilala, unman diman kilala nida manga ginurang, ngatay nida manga hari sa Huda. Magmatay waya sida siyun pag rugar manga ud may namuangan.

Hirimyas 22:17

Dapat kawu bay, unman may tuhay pagkaibgan nu ud mandaya, magmatay manga tawu unman may kasalanan, mag-api, hanggan magpandahas.

Hirimyas 26:16

Magkun ti manga may kangaranan hanggan ti manga tawu sa manga manughandug ag manga purupita, “Balaw kailangan sintinsiyahan sa kamatayan inda pag tawu dahil nagbagaw siya sa kanta sa ngaran Panginuun nita Diyus.”

Hirimyas 5:28

Tinmabul sida ag binmisug kanda manga bilug. Subra kanda magbuwat kadautan. Unman nida pagpakan-an katadlungan ti manga ulila ag balaw nida pag-ilaban ti karampatan manga pugri.

Hirimyas 7:23

sinugu diman niku sida kaindaay: ‘Sundun niyu aku, aku bumaliw yi kanyu Diyus ag kamu bumaliw yi nasakupan niku. Mangabuhi kamu angay sa palakaw pag-isugu niku sa kanyu hampay mayad kanyu kahamtangan.’

Hirimyas 9:24

Una si unu nu magkaibug magpadayaw, kailangan lang niya ipadayaw kuntay nakilala niya ag magkaintindihan kuntay aku ti Panginuun maawaun ti magbuwat kang-ud ag matadlung sitay sa babaw daga, dahil imaw tida ti pagbayaun niku. Aku, ti Panginuun, ti magsabi inda.”

Karukuan 3:36

Balaw magkaibug ti Panginuun balaw pakan-an katadlungan una si unu. Nakitan niya inda tanan pag bagay.

Isikil 18:12

Pag-apihun niya ti manga makuri hanggan manga pugri. Magtakaw siya, ag unman niya pag-iuli ti garantiya manga nakautang sa kanya. Magsamba siya sa manga diyus-diyusan, ag magbuwat mayagting pag manga bagay.

Isikil 18:7

Unman siya mag-api, ag pag-iuli niya ti garantiya manga nakautang sa kanya. Unman siya magtakaw, nu unman pagpakaunun niya ti manga magkalun-us ag pagpakan-an rutay ti manga unman may rutay.

Isikil 22:7

Sitay sa kanmu unman yi paggalangun ti manga gurang. Ti manga day-uhan mag-uli sa kanmu pagkuwartahan, ag ti manga ulila ag manga balu pag babayi balaw pag-itaratu mayad.

Isikil 45:9

Dahil aku, ti Panginuun Diyus, magkun: Kamu pag manga takinan Israil, subra yi kanyu pagbuwatun! Apasi yi niyu kanyu mag-unuunu ag pagpan-api, ag buwata niyu ti matadlung ag hustu. Danga yi niyu pagbul-a ti daga niku nasakupan.

Huwil 3:19

“Ti Ihiptu bumaliw mapanglaw pag rugar ag ti Idum bumaliw pangawakawaan, dahil inunu-unu nida ti manga taga Huda; minatay nida ti manga tawu unman may kasalanan.

Libitiku 19:15

Kailangan hustu ag matadlung kanyu maghusay; danga niyu pagkampihi ti mayaman ngatay ti pugri.

Amus 5:15

Amani niyu ti daut, buwata ti mayad, bag-u pagsintinsiya kamu matadlung sa hurusayan. Barang abi maawa ti Panginuun Diyus Makamaskihan sa nasawad pag manga lahi ni Husi.

Amus 5:24

Bagkus ngap ipakakit niyu ti katadlungan ag buwata niyu ti matadlung; danga niyu inda pag-apasi parihu sa sapa unman may apas kay magbulus.

Mikas 3:11

Pagkampihan niyu sa hukuman ti manga magpakaun suhul sa kanyu. Ag kamu pag manga manughandug magtudlu lang nu pagbayadan. Katunda diman kamu pag manga purupita, maghula lang kamu nu may kuwarta. Magsarig waya kamu awatan Panginuun, dahil magkun kamu, ‘Kaibahan di nimi ti Panginuun. Nakan unman may una hintay pag kadautan ti rumas-ug sa kanmi.’

Mikas 6:8

Sinmagut si Mikas: “Tinudluan yi kita Panginuun nu hintay ti mayad. Inda ti gustu niya buwatun nita: Buwatun nita ti matadlung, palabihun nita ti maawaun sa iba ag pagmapinakumbabaun kita sa pagsunud sa kanta Diyus.”

Malakyas 3:5

Magkun ti Panginuun Makamaskihan sa manga Israilita, “Rumas-ug aku hampay parusahan kamu. Kumastigus rargu aku sa manga manugsalumangka, sa manga magpanguragin, sa manga magkastigus sa pudil, sa manga maglugi sa mag-upa sa kanda manga manugtarabahu, sa manga mag-api sa buranday babayi ag sa manga ilu, hanggan sa manga magbaliwala sa karampatan manga balaw Israilita mag-ulian kaibahan niyu. Buwatun niku inda sa kanyu sa manga unman magsunud sa kangku.”

Matiyu 23:23

“Kaawaawa kamu pag manga manugtudlu Kasuguan hanggan manga Parisiyu, magpabalhinguun lang kamu! Dahil kamu magpakaun ikasampulu manga pamanglu sa upi hanggan tanan manga urupiun, dapat unman niyu pagtupadun ti mas mahalaga pag sugu tungkul sa katadlungan hanggan sa maawaun ag matinupadun. Dahil magpakampi kamu sa kadautan, unman kamu maawaun, unman diman matinupadun. Balaw salan kamu sa kanyu magpakaun ikasampulu, dapat danga waydi niyu paglimti pagtupada ti mas mahalaga pag manga sugu.

Diyuturunumiyu 10:18

Pag-apinan niya ti karampatan manga ilu hanggan manga buranday pag babayi. Pagmahalun niya ti manga day-uhan mag-ulian sa Israil ag pagpakan-an niya sida karan-unun hanggan manga rutay.

Diyuturunumiyu 24:17

“Pakan-an niyu matarung ti manga ilu hanggan ti manga balaw Israilita mag-ulian kaibahan niyu. Danga niyu pag bul-a ti kulimpay buranday babayi bilang pilinda sa kay utang.

Diyuturunumiyu 24:7

“Nu natakdan ti usa ka tawu magdakup sa kay kaparihu Israilita ag binuwat niya suruguun ngatay ipinabili niya, kailangan matyun ti nagdakup. Kailangan duraun niyu inda pag kadautan sa kanyu.

Diyuturunumiyu 25:1

“Nangus may magtalaluhan duwa ka tawu ag dinara nida kanda kasaba sa talaghusay, ag sinabi manga manughusay nu si unu sa kanda duwa ti may kasalanan ag ti unman may kasalanan.

Diyuturunumiyu 27:19

“Saadan ti balaw magpakaun matarung sa manga balaw Israilita, sa manga ilu hanggan sa manga buranday babayi.” Bag-u sumagut ti tanan tawu, “Amin!”

Santiyagu 1:27

Kainda ay di ti pagkamatadlung ti kailangan ag pagbayaun nita Diyus Ama, nu ti tawu mag-awat sa manga ilu hanggan sa manga babayi buranday sa kanda kakurian, ag nu mainingatun siya sa kay sadili bilug hampay balaw madara sa daut pag ugali kalibutan inda.