Hirimyas 22:29 - Hanunuu

²⁹ Daga Huda, patingihi nimu ti bagaw Panginuun.

Hirimyas 22:29 Iomraidhean Croise

Isayas 34:1

Kamu pag manga nasyun, pagpakarani kamu ag pagpatingi kaayad. Pagpatingi ti buu kalibutan hanggan ti tanan asan sa kanya.

Hirimyas 6:19

Buu kalibutan, pagpatingi kamu! Mamadara aku kadamhakan sa manga tawu sitay bilang parusa sa kanda manga daut paggayakun. Dahil balaw nida pinatingihan kang manga bagaw, dinayu nida ti manga kasuguan niku.

Isikil 37:4

Magkun maan siya sa kangku, “Sabihi inda pag mamara manga but-ul, ‘Pagpatingi kamu sa kang pagsabihun.’

Mikas 1:2

“Pagpatingi kamu kaayad, kamu tanan pag manga tawu mag-uli sa babaw daga. Dahil kumastigus ti Panginuun Diyus laban sa kanyu ginan sa kay banal pag Balay.”

Diyuturunumiyu 31:19

“Nakan suratan nimu inda pag kanta bag-u tudluan sa manga Israilita. Ipakanta nimu inda sa kanda hampay kastigus niku inda laban sa kanda.

Diyuturunumiyu 32:1

Langit, pagpatingi dahil mamagaw aku! Daga, patingihi kang manga bagaw.

Diyuturunumiyu 4:26

“Kainda pag sirang, saksi niku ti langit ag ti daga laban sa kanyu nu balaw niyu sundun aku, unman kamu dumugay sa kanyu manahun pag daga ati sa baliw dipay Hurdan. Mangulian kamu ati ngalay lang pag panahun, bag-u maruris kamu lubus.