Hirimyas 22:28 - Hanunuu

²⁸ Hihuyakin, kawu ga gipak anglit udyi magkakinabangan. Nakan iyamut niku kamu hanggan kanmu manga anak sa nasyun balaw niyu alam.”

Hirimyas 22:28 Iomraidhean Croise

2 Samwil 5:21

Tinayakan ati manga Pilistiyu kanda manga diyus-diyusan, bin-ul inda ni Dabid hanggan niya manga tawuhan.

2 Krunika 21:20

Si Hihuram 32 ka timpu kay idad pagka naghari siya. Sa Hirusalim siya nangulian, ag naghari siya sa sulud walu ka timpu. Pagka namatay siya, unman may nanhimanglaw sa kanya. Ilinbung siya sa Banwa ni Dabid, dapat balaw sa kalubngan manga hari.

Kanta 31:12

Kinalimtan yi nida aku, ga namatay yi. Para sa kanda parihu aku sa gipak anglit unman yi may kabuluhan.

Hirimyas 14:18

Nu atabug aku sa manga tanman hanggan sa banwa, mag-akitan niku ti manga bangkay namatay sa girahan ag lun-us. Ti manga purupita hanggan ti manga manughandug parargu di sa buruwatun nida dapat unman nida alam nu hintay ti pagbuwatun nida.”

Hirimyas 15:1

Magkun sa kangku ti Panginuun, “Una sida ni Muysis ni Samwil waya ti mamakiawa sa kangku para sa inda pag manga tawu, balaw gid niku sida kaawaan. Nakan pakarayuan nimu sida sa kangku. Paighita nimu sida!

Hirimyas 16:12

Mas subra waya kamu daut kaysa manga kaumputan niyu. Ti kadautan ag kaganitan niyu manga tagipusuun ti sinunud niyu, bagkus aku mana di kanyu sundun.

Hirimyas 17:4

Madura sa kanyu kang ipinakaun pag daga. Buwatun niku kamu suruguun niyu manga kalaban ati sa balaw niyu alam pag rugar, dahil ginalit niyu aku parihu sa maglabdaban apuy balaw magkapsa hanggan aban.”

Hirimyas 22:27

Udyi gid kamu makabalik sa daga pagkaibgan niyu balikan.

Hirimyas 22:30

Dahil inda ti pagsabihun niya, “Isurat nimu kuntay inda pag tawu si Hihuyakin ga unman may anak, dahil una di usa sa kay manga anak unman may tumukaw sa tukawan hari ni Dabid bilang hari sa Huda. Bag-u unman diman manalu sa kay pangabuhi niya.”

Hirimyas 24:1

May ipinakakit ti Panginuun sa kangku pagkalawuy bihagun ni Nabukudunusur hari Babilunya si Hihuyakin hari Huda, anak ni Hihuyakim. Si Hihuyakin dinara atag sa Babilunya hanggan ti manga takinan niya, ag ti manga anad pag manugpanday hanggan manugtarabahu sa Huda. Sa kang pangakakitun nakitan niku ti duwa ka alat igus ati sa atubangan Balay Diyus Panginuun.

Hirimyas 27:20

Ti manga pagsabihun pag garamitun balaw dinara ni Hari Nabukudunusur sa Babilunya katpung binihag niya si Hari Hihuyakin kay anak ni Hari Hihuyakim sa Huda, kaibahan manga takinan sa Huda ag Hirusalim.

Hirimyas 37:1

Si Sidikyas kay anak ni Husyas ti binuwat hari sa Huda ni Hari Nabukudunusur sa Babilunya. Siya ti iinilis kan Hihuyakin kay anak ni Hihuyakim.

Hirimyas 48:38

Maglulumian ti manga tawu sa kanda manga balay hanggan sa manga buruybuyahan, dahil winayak niku ti Muab ga tapayan binasag ag unman yi may maglabut.

Husyas 13:15

Una waya abunda kamu kaysa kanyu manga katawuhan, rurisun niku kamu. Ipadara niku ti mainit pag durus ginan sa pangawakawaan sa butlakan bag-u magkarak-at kanyu manga bulbugan hanggan manga bubun. Ag agawun kanyu mahalaga pag manga kasiyunan.

Husyas 8:8

Ti Israil ga kinaun iba nasyun. Taynguna magpaamut yi siya sa kanda, parihu siya sa gamit unman may pakinabang.