Hirimyas 22:24 - Hanunuu

²⁴ “Aku, ti buhi pag Panginuun magsumpa kuntay dayuun niku kawu, Hari Hihuyakin sa Huda, kay anak ni Hihuyakim. Una kawu ga singsing sa kang sikun pag kamang tanda niku kamaskihan, lapsuun gid niku kawu sa kang ituturu.

Hirimyas 22:24 Iomraidhean Croise

2 Hari 24:12

Sinmuku sa kanya si Hari Hihuyakin, kaibahan kay ina, ag kay manga suruguun, ag kay bantug pag manga tawu, hanggan kay manga takinan. Pagka sa ikawalu pag timpu kay maghari ni Nabukudunusur sa Babilunya, binihag niya si Hihuyakin.

2 Hari 24:15

Binihag ni Nabukudunusur si Hihuyakin sa Babilunya, hanggan kay ina, manga asawa, manga takinan ag ti manga bantug pag manga tawu sa Huda.

1 Krunika 3:16

Ti nag-ublus kan Hihuyakim bilang hari si Hihuyakin kay anak. Ag ti nag-ublus kan Hihuyakin si Sidikyas kay bapa.

2 Krunika 36:9

Si Hihuyakin 18 ka timpu kay idad pagka naghari. Sa Hirusalim siya pag nangulian, ag naghari siya sa sulud tulu ka bulan ag sampulu ka sirang. Daut kay binwat sa magbantay Panginuun.

Kanta ni Sulumun 8:6

Danga yi kawu magmahal iba nu unman sa kangku lang. Danga yi kawu maghagkung sa iba nu unman sa kangku lang. Dahil ti pagmahal parihu kay kapangyarihan sa kamatayan; ti mainit pag tagipusuun balaw maampara parihu sa pagras-ug kamatayan. Ti pagmahal parihu sa maglabdaban apuy.

Isayas 49:16

“Hirusalim, balaw gid kawu malimtan. Isinurat niku kanmu ngaran sa kang manga dalukap. Pirmi niku pag-isipun maipatindug maan kanmu manga alad batu.

Hirimyas 13:18

Sinugu aku Panginuun kuntay sabihun sa hari hanggan sa kay ina rayna pagdugsun sida gin sa kanda tukawan hari dahil arani yi bul-un sa kanda ulu ti marinu nida pag kuruna.

Hirimyas 22:28

Hihuyakin, kawu ga gipak anglit udyi magkakinabangan. Nakan iyamut niku kamu hanggan kanmu manga anak sa nasyun balaw niyu alam.”

Hirimyas 22:6

Inda ti pagsabihun Panginuun tungkul sa balay hari sa Huda: “Para sa kangku, kanmu karinuan parihu sa Gilyad ngatay sa katayungtungan bantud Libanun. Dapat buwatun niku kawu ga pangawakawaan, parihu sa usa ka banwa unman may mag-uli.

Hirimyas 24:1

May ipinakakit ti Panginuun sa kangku pagkalawuy bihagun ni Nabukudunusur hari Babilunya si Hihuyakin hari Huda, anak ni Hihuyakim. Si Hihuyakin dinara atag sa Babilunya hanggan ti manga takinan niya, ag ti manga anad pag manugpanday hanggan manugtarabahu sa Huda. Sa kang pangakakitun nakitan niku ti duwa ka alat igus ati sa atubangan Balay Diyus Panginuun.

Hirimyas 28:4

Pabalikun diman niku sitay si Hari Hihuyakin sa Huda kay anak ni Hihuyakim hanggan ti tanan taga Huda binihag sa Babilunya, dahil bul-un yi niku ti kapangyarihan hari Babilunya. Aku, ti Panginuun, ti magsabi inda.’ ”

Hirimyas 29:2

Isinurat niya inda igu nabihag si Hari Hihuyakin, hanggan kay ina, hanggan diman ti kaawat sa balay hari, ti manga takinan sa Huda ag Hirusalim, ti manga madunung pag manugpanday hanggan ti manga manugtarabahu.

Hirimyas 37:1

Si Sidikyas kay anak ni Husyas ti binuwat hari sa Huda ni Hari Nabukudunusur sa Babilunya. Siya ti iinilis kan Hihuyakin kay anak ni Hihuyakim.

Hagay 2:23

Sabiha diman nimu sa kan Surubabil sa kang suruguun kuntay sa tunda pag sirang, pamahalaun niku siya sa panab-anan niku kamaskihan dahil siya yi kang pinili. Aku, ti Panginuun Makamaskihan, ti may sabi inda.”