Hirimyas 22:22 - Hanunuu

²² Nakan wayakun niku ti manga takinan niyu ga upa pag payagun durus, ag bihagun diman kanyu manga manugbaliwa pag nasyun. Ungud mangay-a kamu dahil sa kanyu kadautan.

Hirimyas 22:22 Iomraidhean Croise

Isayas 64:6

Kami tanan nagbaliw ga mauring pag bagay, ag ti tanan nimi mayad buwat bilang ga mauring pag tarapu. Kami tanan nagbaliw ga labung magkalayung, ag parihu sa durus, ipinayag kami nimi kadautan.

Isayas 65:13

Nakan aku ti Panginuun Diyus magkun, kang manga manugsirbi mangaun ag manginum, dapat kamu lun-usun ag uwawun. Magbaya sida dapat kamu mangay-a.

Hirimyas 10:21

Sinmagut aku, “Nangyari inda sa kanta dahil busal ti manga takinan nita. Unman sida nagpakarani sa Panginuun hampay mamaingana. Nakan ngani unman sida nanalu, bag-u nagkaralat kanda manga nasakupan.

Hirimyas 12:10

Dautun kayamuan takinan kang ubasan, hanggan kang tanman kanda tatatataan. Bumaliw pangawakawaan ti marinu niku pag daga.

Hirimyas 2:36

“Madali lang sa kanyu ti magpailis-ilis manga kakampi pag nasyun. Dapat pakay-ahun gid kamu manga taga Ihiptu kanyu kakampi, parihu sa pagpakay-a Asirya sa kanyu.

Hirimyas 2:37

Umighit kamu sa Ihiptu kuntay matakipan kanyu kamang sa uyahun dahil sa kakay-ahan ag karukuan. Dahil dinayu yi niku ti manga nasyun pagpiyaran niyu. Unman yi kamu maawatan tida pag manga nasyun.”

Hirimyas 2:8

Una manga manughandug unman naghanap sa kangku. Ti manga manugtudlu Kasuguan unman magkilala sa kangku. Ti manga takinan nagalit laban sa kangku. Ti manga purupita nagpadakit sa ngaran ni Baal ag nagsunud sa manga diyus-diyusan unman may pulus.

Hirimyas 20:11

Dapat kaibahan duy niku kawu, Panginuun. Kawu ga sundalu maisug ag makamaskihan, nakan matalu ti manga mag-unuunu sa kangku. Midamhak sida ag mangay-a, una kapira, unman malimtan ti kakay-ahan nida.

Hirimyas 30:14

Nalimtan yi kamu manga kakampi niyu pag nasyun, udyi kamu pagbatiun nida. Ginira niku kamu parihu sa paggira kalaban. Masyadu kang parusa sa kanyu dahil masyadu ag mayamu kanyu kasalanan.

Hirimyas 4:30

Hirusalim, arani yi kawu mawayak. Unu kanmu pagbuwatun? Hayga nakasulung waya kawu marinu pag rutay hanggan manga gintu? Hayga magpauli waya kawu manga pamarinu sa kanmu manga mata? Unman yi may pulus kanmu magparinu. Binugyahan yi kawu nimu pagmahalun pag manga kakampi nasyun ag pagkaibgan kawu nida matyun.

Hirimyas 5:13

Unman may pulus ti manga purupita ag balaw ginan sa kangku ti manga pag-ipaburayhaw nida. Mangyari mana sa kanda ti kadamhakan kanda ipinasandam.”

Hirimyas 7:19

Dapat aku aw ngani ti kanda pagsaktan? Bukun! Kanda di waydi sadili ti pagsaktan ag ti pag-ipauli sa makakaray-a.”

Husyas 12:1

“Ti manga taga Israil magsarig sa manga bagay unman may pulus. Ti paglagsun nida sa buu sirang imaw ti manga bagay makapadamhak sa kanda. Mag-amat kanda pamudil hanggan pamuya. Magbuwat sida kasunduan sa Asirya hanggan sa Ihiptu, nakan ngani magdara sida lana ulibu sa Ihiptu bilang pamakaun.”

Husyas 13:15

Una waya abunda kamu kaysa kanyu manga katawuhan, rurisun niku kamu. Ipadara niku ti mainit pag durus ginan sa pangawakawaan sa butlakan bag-u magkarak-at kanyu manga bulbugan hanggan manga bubun. Ag agawun kanyu mahalaga pag manga kasiyunan.

Husyas 4:19

Rurisun gid sida ga pag-ipayag mabisug pag durus, ag mangay-a sida sa kanda maghandug sa manga diyus-diyusan.”

Sakaryas 11:17

Kaawaawa inda pag manugbantay karanidu unman may pulus. Pagpabay-anan lang niya ti manga karanidu! Sa panab-anan baladaw pamuldun kay kamang ag tulsukun baladaw kay sikun pag mata, ag bukun yi mapakinabangan kay kamang ag udyi waydi kumakit kay sikun pag mata.”

Sakaryas 11:8

Pinaighit niku ti tulu ka manug-alaga karanidu sa sulud lang usa ka bulan. Dahil natabwan aku pasunaid sa kanda, ag sida diman magkagalit sa kangku.