Hirimyas 22:15 - Hanunuu

¹⁵ Kanmu aw hantup bumaliw kawu may kadayawan pag hari nu mamatindug kawu balay hari binuwat sa kayu sidru? Hayga balaw nimu sundun kanmu ama? Matadlung ag tutuu kay manga binuwat; nakan namuhi siya maalwan ag may kahusayan kay kahamtangan.

Hirimyas 22:15 Iomraidhean Croise

2 Samwil 8:15

Naghari si Dabid sa buu Israil. Binwat niya ti matadlung ag hustu para sa tanan niya manga nasakupan.

1 Hari 10:9

Dayawun ti Panginuun nimu Diyus, magbaya sa kanmu ag nagpauli sa kanmu sa kaharian Israil. Dahil unman may katapusan ti pagmahal Panginuun sa Israil, binwat niya kawu hari hampay humari kawu may katuwiran ag katadlungan.”

2 Hari 22:2

Mayad kay binuwat sa magbantay Panginuun ag nagsunud siya sa pag-ugaliun niya ginurang ni Dabid. Sinunud gid niya ti mayad.

2 Hari 23:25

Unman waya gid may hari parihu sa kan Husyas nagsunud sa Panginuun sa buu niya tagipusuun, sa buu niya karadwa, ag sa buu niya kabisugan. Sinunud gid niya ti tanan pag Kasuguan ni Muysis. Ag unman yi may pumarihu sa kanya sa dumasun pag manga hari.

1 Krunika 3:15

Inda sida kay manga anak ni Husyas: kay panganay si Huhanan, kay ikadwa si Hihuyakim, kay ikatlu si Sidikyas, ag kay ikap-at si Salum.

2 Krunika 34:2

Mayad kay binuwat sa magbantay Panginuun ag nagsunud siya sa pag-ugaliun niya ginurang ni Dabid. Sinunud gid niya ti mayad.

2 Krunika 35:22

Dapat unman nagbag-u kay isip ni Husyas. Nagdisisyun siya lumaban. Unman siya nagpaniwala sa sinabi Diyus sa kan Niku. Bagkus ngap, napabalhinguun siya ag nighit hampay labanan si Niku sa karatagan Migidu.

2 Krunika 35:26

Ti iba waya ka tultulanun tungkul sa maghari ni Husyas, ginan sa umpisa tugka sa katapusan, nisurat sa Ribru Tultulanun manga Hari Israil ag Huda. Nakasurat diman sitay ti tungkul sa pagmahal ni Husyas sa Panginuun kay ipinakakit niya sa panab-anan pagsunud sa Kasuguan Panginuun.

Kabagawan 20:28

Ti mayad ag tapat pag hari balaw midamhak, pumarargu di siya sa kay maghari.

Kabagawan 21:3

Pag-ikabaya gid Panginuun nu magbuwat mayad ag matadlung ti usa ka tawu kaysa manhandug siya manga handug.

Kabagawan 25:5

Kailangan paighitun ti manga daut pag manga nasakupan hari hampay pumarargu matadlung kay kaharian.

Kabagawan 29:4

Nu pagkaibgan hari ti katadlungan, pagparig-unun niya kay kaharian; dapat nu pagkaibgan niya ti suhul, pag-ipadamhak niya kay kaharian.

Kabagawan 31:9

Pagsintinsiya kawu sa balaw may pagkilingan, ag apini ti karampatan manga pugri.

Manugtudlu 10:17

Dapat mapalad ti nasyun kay hari nianak may kadayawan pag lahi ag kay manga takinan mag-alistu lang karan-an sa hustu pag udas hampay sa ikabisug ag balaw sa ikalangu.

Manugtudlu 2:24

Ti pinakamayad buwatun tawu imaw ti pagkaun, pag-inum, ag ti pagpakasulung sa kay binudlayan. Ag naisip niku inda ginan diman sa Diyus,

Isayas 3:10

Sabihun niyu sa manga matadlung mapalad sida, dahil anihun nida ti burak manga mayad buwat nida.

Isayas 33:16

Katunda pag kalasi manga tawu ti makaribri sa kadamhakan, ga mag-uli sida sa abwat pag rugar, kanda palalan-iban ti lalaun pag manga batu. Unman sida maduraan karan-unun hanggan irinmun.

Isayas 9:7

Unman may katapusan kay pagdumara mayad ag may kahusayan. Siya ti mumana kay kaharian ni Dabid. Parig-unun niya inda ag humari ti katadlungan ag ti katuwiran hanggan aban. Siguraduhun Panginuun Makamaskihan matupad inda.

Hirimyas 22:18

Nakan inda ti pagsabihun Panginuun tungkul sa kan Hari Hihuyakim sa Huda, kay anak ni Usyas: “Unman may manhimanglaw sa kanya nu mamatay siya. Ti magtal-anakan niya, ti manga may kangaranan hanggan ti iba pag manga tawu unman manhimanglaw sa kanya.

Hirimyas 22:3

Inda ti pagsabihun Panginuun: Ilantag niyu ti katadlungan hanggan ti katuwiran. Awati niyu ti manga tinakawan, iribri niyu sida sa kamang manga tawu mag-api sa kanda. Danga niyu paghigpiti ngatay pag sakti ti manga day-uhan, ulila hanggan manga buranday mag-uli kaibahan niyu. Danga diman kamu magmatay sa manga tawu unman may kasalanan.

Hirimyas 23:5

Magkun waya ti Panginuun, “Rumas-ug ti sirang pahariun niku ti usa ka hari matadlung ginan sa linahi ni Dabid. Humari siya may kadunungan, ag palantagun niya ti katadlungan ag katutuuhanan sa inda pag daga.

Hirimyas 42:6

Magustuhan nimi una unman, basta sundun nimi ti sabihun Panginuun nimi Diyus, hampay bumaliw mayad ti tanan sa kanmi.”

Hirimyas 7:5

“ ‘Bag-uhun yi niyu lubus kanyu ugali hanggan pangabuhi. Taratuhun niyu sa kang-ud kanyu kaparihu,

Lukas 11:41

Kailangan ipakaun niyu sa manga pugri kay sukad niyu manga taya bag-u udyi may daut sa kanyu surundanun.

Binwat 2:46

Kanda ugali sirang-sirang magtiripun sa Balay Diyus ag magmirinsanan magkaun sa balay manga patar-ari, masulung kanda tagipusuun sa kanda magkaun.

1 Kurintu 10:31

Nakan una kamu magkaun una mag-inum, una hintay kanyu pagbuwatun, buwata niyu ti tanan sa ikadayaw sa Diyus.

Diyuturunumiyu 4:40

Tupada niyu kay manga sugu hanggan surundanun ipinakaun niku sa kanyu kainda, hampay balaw may daut mangyari sa kanyu tugka waya sa kanyu sinulput, ag hampay mabuhi kamu dugay sa daga pag-ipakaun Panginuun niyu Diyus agud maapu niyu inda hanggan waya aban.”