Hirimyas 22:10 - Hanunuu

^10-11 Manga taga Huda, danga kamu maglumi sa pagkamatay ni Hari Usyas. Bagkus ngap, paglumi kamu lubus sa kay anak niya sa kan Hihuahas ti nag-ilis sa kanya bilang hari sa Huda. Dahil binihag siya ag unman yi siya makabalik waya. Nakan unman yi niya makitan uman inda pag daga kay linusadan. Dahil Panginuun ti nagsabi balaw yi siya makabalik.

Hirimyas 22:10 Iomraidhean Croise

2 Hari 22:20

habang buhi waya kawu, balaw rumas-ug ti kadamhakan kang ipadara sa inda pag rugar. Mamatay kawu may kahusayan.” Ag tinultulan nida ti hari kay sagut ni Hulda.

2 Hari 23:29

Katpung maghari waya si Husyas, si Niku, ti hari Ihiptu, nag-atag sa Sapa Iyupratis hampay mangawat sa hari Asirya. Ginminan si Hari Husyas hanggan kay manga sundalu hampay manlaban sa kan Niku, dapat minatay siya ni Niku pagka nagsarampakan sida sa Migidu.

2 Krunika 36:4

Dinara bihag ni Niku si Hihuahas sa Ihiptu, ag binwat niya hari sa Huda ag Hirusalim si Ilyakim kay patar-ari ni Hihuahas. Kay ngaran ni Ilyakim inilisan niya Hihuyakim.

Manugtudlu 4:2

Nakan nakasabi aku mas mayad waya ti manga namatay kaysa manga buhi.

Isayas 57:1

Nu namatay ti usa ka tawu matadlung, unman may magpaingana nu hayga. Unman mayamu ti may alam kuntay ti manga tawu matadlung pagbul-un Diyus hampay ipakarayu sa daut.

Hirimyas 16:7

Unman may mangayaw karan-unun ngatay irinmun hampay pasulungun ti manga magpanruku, una waya ama ngatay ina ti namatay.

Hirimyas 22:18

Nakan inda ti pagsabihun Panginuun tungkul sa kan Hari Hihuyakim sa Huda, kay anak ni Usyas: “Unman may manhimanglaw sa kanya nu mamatay siya. Ti magtal-anakan niya, ti manga may kangaranan hanggan ti iba pag manga tawu unman manhimanglaw sa kanya.

Hirimyas 22:27

Udyi gid kamu makabalik sa daga pagkaibgan niyu balikan.

Hirimyas 25:27

Bag-u magkun sa kangku ti Panginuun, “Sabihun nimu sa inda pag manga nasyun kuntay aku, ti Panginuun Makamaskihan, ti Diyus Israil, magsabi: ‘Sigi, pag-inum kamu sa ungut pangagalit niku tugka sa malangu, mansuka, ag maplid kamu, ag udyi makabangun dahil padarahan niku kamu girahan.’

Hirimyas 28:4

Pabalikun diman niku sitay si Hari Hihuyakin sa Huda kay anak ni Hihuyakim hanggan ti tanan taga Huda binihag sa Babilunya, dahil bul-un yi niku ti kapangyarihan hari Babilunya. Aku, ti Panginuun, ti magsabi inda.’ ”

Hirimyas 42:18

“Inda waya ti pagsabihun Panginuun Makamaskihan, ti Diyus Israil, ‘Nu kabitay niku ipaagum sa manga taga Hirusalim ti masyadu niku pag pangagalit, ipaagum diman niku sa kanyu ti pangagalit niku nu atabug kamu sa Ihiptu. Saadan ag kagalitan kamu manga tawu. Puyaan nida kamu ag baliwun daut, ag udyi kamu makabalik waya sa inda pag daga.’

Hirimyas 44:14

Magkaramatay kamu tanan, kamu pag manga nasawad buhi sa Huda ag nangulian atay sa Ihiptu. Balaw yi kamu makabalik sa Huda una gustu niyu mamalik ag mangulian ati. Unman may makabalik sa kanyu purya sa pira-pira lang ti makapalagiw.”

Karukuan 4:9

Mayad waya ti nagkaramatay sa girahan kaysa nagkaramatay sa lun-us. Amat-amat sida nagkaramatay sa lun-us dahil unman gid may karan-unun.

Isikil 24:16

“Anak tawu, sa usa ka pidpiraw bul-un niku ti pagmahalun gid nimu pag babayi. Dapat danga nimu siya paglumii ngatay pagrukui.

Lukas 23:28

Dapat nag-aliwliw si Hisus sa kanda bag-u magkun, “Kamu pag manga babayi taga Hirusalim danga aku kanyu lumian. Kanyu lumian ngap kanyu sadili hanggan kanyu manga anak.