Hirimyas 21:9 - Hanunuu

⁹ Una si unu ti pumirmaminti buhi sa inda pag banwa mamatay sa girahan, lun-us, ngatay sa sakit. Dapat ti manga umampu sa manga taga Babilunya magsangput sa banwa niyu ay mabuhi. Hu, maribri di kay buhi ti umampu.

Hirimyas 21:9 Iomraidhean Croise

Hirimyas 14:12

Una waya balaw sida manhandum karan-unun, balaw niku patingihan kanda maghagad awat sa kangku. Una manhandug waya sida manga handug pagsunugun ag handug pasalamat sa kangku, balaw niku tunda tanggapun. Bagkus ngap, matyun niku sida sa gira, lun-us, ag sarut.”

Hirimyas 21:7

Ag kawu Sidikyas, hari sa Huda, kanmu manga takinan, hanggan ti manga nasakupan nasawad balaw namatay sa sarut, sa girahan, ngatay sa lun-us ipakaun niku sa kan Hari Nabukudunusur sa Babilunya ag sa kanyu iba manga kalaban. Bag-u panmatyun niya kamu unman may pangaawa. Aku, ti Panginuun, ti magsabi inda.’

Hirimyas 24:10

Padaran-an niku sida gira, lun-us ag sakit tugka sa mamatay sida sa daga ipinakaun niku sa kanda hanggan sa manga kagurangan nida.”

Hirimyas 27:11

Dapat ti pumasakup ag sumirbi pag manga nasyun sa hari Babilunya pumirmaminti sa sadili nida banwa. Siyun sida pag mangulian, bungkagun nida kanda sadili daga. Aku, ti Panginuun, ti magsabi inda.’ ”

Hirimyas 27:12

Inda diman ti pagsabihun niku sa kan Hari Sidikyas sa Huda. Magkun aku, “Pagpasakup kamu sa hari Babilunya. Pagsirbi kamu sa kanya hanggan sa kay nasakupan niya hampay mabuhi kamu.

Hirimyas 27:13

Dahil nu balaw, mamatay kamu hanggan ti manga nasakupan niyu sa girahan, lun-us ag sakit parihu sa pagsabihun Panginuun mangyari sa manga nasyun balaw manirbi sa hari Babilunya.

Hirimyas 38:2

una si unu ti patayak sitay sa banwa mamatay sa girahan, lun-us hanggan sakit. Dapat una si unu ti sumuku sa manga taga Babilunya balaw mamatay. Makaribri siya ag mabuhi di.

Hirimyas 38:3

Magsabi diman ti Panginuun pihu yi maagaw ag sakupun manga taga Babilunya inda pag banwa.”

Hirimyas 39:18

Iribri niku kawu. Balaw kawu mamatay sa girahan. Maribri di kawu dahil magsarig kawu sa kangku. Aku, ti Panginuun, ti magsabi inda.’ ”

Hirimyas 45:5

Danga yi kawu maghingbut waya manga may kadayawan pag bagay. Dahil paras-ugun niku ti kadamhakan sa tanan tawu, dapat kawu iribri di niku una naan kawu pag umatag. Aku, ti Panginuun, ti magbagaw inda.’ ”

Isikil 5:12

Tungaun niku kamu sa tulu ka bahagi. Kay usa ka bahagi magkaramatay sa panab-anan lun-us hanggan manga durungugun siyun sa banwa. Kay usa waya ka bahagi magkaramatay sa panab-anan baladaw sa luwas banwa. Ag ti masawad pag bahagi sarwagan sa durus, wayakun niku sa buu kalibutan, ag lagsun sida niku baladaw.