Hirimyas 21:7 - Hanunuu

⁷ Ag kawu Sidikyas, hari sa Huda, kanmu manga takinan, hanggan ti manga nasakupan nasawad balaw namatay sa sarut, sa girahan, ngatay sa lun-us ipakaun niku sa kan Hari Nabukudunusur sa Babilunya ag sa kanyu iba manga kalaban. Bag-u panmatyun niya kamu unman may pangaawa. Aku, ti Panginuun, ti magsabi inda.’

Hirimyas 21:7 Iomraidhean Croise

Isayas 27:11

Pagka nabari ag nalayung ti manga sanga, tinipun inda manga babayi ag binwat pamagba. Dahil sa unman may intindi inda pag manga tawu. Balaw sida kaawaan Diyus imaw ti naglalang sa kanda.

Isayas 47:6

Nangisug aku sa kang nasakupan ag ipinurya niku sida. Nakan ipinakaun niku sida sa kanmu manga kamang, balaw nimu sida kinaawaan. Una ti manga gurangun kanmu hinigpitan.

Hirimyas 13:14

Panlintugun niku sida sa usa kag usa, ti gurang ag ti anak. Balaw gid aku maawa sa pagmatay sa kanda. Aku, ti Panginuun ti magsabi inda.’ ”

Hirimyas 14:12

Una waya balaw sida manhandum karan-unun, balaw niku patingihan kanda maghagad awat sa kangku. Una manhandug waya sida manga handug pagsunugun ag handug pasalamat sa kangku, balaw niku tunda tanggapun. Bagkus ngap, matyun niku sida sa gira, lun-us, ag sarut.”

Hirimyas 15:5

“Manga taga Hirusalim, si unu nguna ti maawa sa kanyu? Si unu nguna ti manruku para sa kanyu? Ag si unu nguna ti mamaingana tungkul sa kanyu kahamtangan?

Hirimyas 15:9

May ina maduraan pitu ka anak lalaki. Matigbakan siya ag makurian sa mag-arup. Kay manga anak ga init madali mag-isangday. Mangay-a siya dahil udyi siya may anak. Ag ti manga magkasawad buhi ipamatay diman niku sa kanda manga kalaban. Aku, ti Panginuun, ti magsabi inda.”

Hirimyas 19:7

Dautun niku sa inda pag rugar ti gayak manga taga Huda hanggan taga Hirusalim. Ipamatay niku sida sa kanda manga kalaban sa panab-anan girahan, ag ipakaun niku kanda manga bangkay sa manga manuk hanggan sa manga hayup sa talun.

Hirimyas 20:4

Dahil inda ti pagsabihun Panginuun: Kadalaan nimu kanmu kahamtangan hanggan ti kahamtangan nimu manga kakilala. Makitan nimu sida matyun nida manga kalaban sa girahan. Ipakaun niku ti buu Huda sa hari Babilunya. Kay iba nasakupan matyun, ag ti iba waydi bihagun.

Hirimyas 22:25

Ipakaun niku kawu sa manga magkaibug mumatay sa kanmu, ti pagkadalaan nimu. Ipakaun niku kawu sa kan Hari Nabukudunusur sa Babilunya hanggan sa kay manga sundalu.

Hirimyas 27:6

Nakan taynguna, ipakaun niku kanyu manga nasyun sa kang manugsirbi sa kan Hari Nabukudunusur sa Babilunya. Una hanggan ti manga maraisug pag hayup ipasakup niku sa kanya.

Hirimyas 32:4

Si Hari Sidikyas unman makaribri sa manga taga Babilunya, nu unman ungud iatubang siya sa hari Babilunya hampay sintinsiyahan.

Hirimyas 34:3

Balaw kawu makapalagiw sa kay manga kamang. Dakpun kawu ag ipakaun sa hari Babilunya. Umatubang kawu sa kanya hampay sintinsiyahan ag darahun kawu bihag atag sa Babilunya.

Hirimyas 36:29

Bag-u sabihun nimu sa hari kuntay inda ti pagsabihun niku, ‘Inirub nimu ti malulunan pag kasuratan dahil pagsabihun ati kuntay wayakun hari Babilunya inda pag daga, ag matyun kay manga tawu hanggan manga hayup.

Hirimyas 37:17

Sa kadugayun, ipinab-ul ni Hari Sidikyas si Hirimyas bag-u dinara sa balay hari. Lihim niya inda pinaingana, “May itultul aw kawu ginan sa Panginuun?” Sinmagut si Hirimyas, “May imaw! Ipakaun kawu sa hari Babilunya.”

Hirimyas 50:17

“Ti manga Israilita ga manga karanidu namululagan pagbukadun manga liyun. Kabag-u, siniba hari sa Asirya, rargu ti pinaka-uryan nag-arit-it kanda manga but-ul si Hari Nabukudunusur sa Babilunya.

Karukuan 2:20

Panginuun, bantayi kami. Isip-isipa niyu nu si unu ti pinakurianan nimu parihu kainda. Sa masyadu pag lun-us, kinaun manga ina kanda manga anak kanda pag-alagaun. Ti manughandug hanggan purupita pinanmatay sa kanmu Balay.

Karukuan 2:22

Binan-awan nimu ti kalaban sa pagsalakay sa kang sangput bilang nagban-aw lang karan-an. Sa sirang ipinakakit nimu kanmu pangagalit, unman gid may nakapalagiw ngatay nabuhi. Pinanmatay niku kalaban kang manga anak pag-alagaan ag pinadaka.

Isikil 23:28

Dahil aku, ti Panginuun Diyus, magbagaw ipahintulut niku kawu sa kamang manga tawu kanmu pagdayuun; ati pag manga tinayakan nimu ag dinayu yi pagka nasawaan yi kawu sa kanda.

Isikil 7:9

Balaw gid niku kamu kaawaan. Pabayadun niku kamu sa kanyu buruwatun ag sa kanyu mayagting pag manga binwat. Bag-u maalaman niyu aku, ti Panginuun, imaw ti magparusa sa kanyu.

Isikil 8:18

Nakan masamitan nida kang pangagalit. Balaw gid niku sida kaawaan. Una manringgit waya sida mabisug sa paghagad awat sa kangku, balaw niku sida patingihan.”

Isikil 9:10

Nakan unman gid niku sida kaawaan bagkus buwatun diman niku sa kanda ti binwat nida sa iba.”

Diyuturunumiyu 28:50

Maisug sida ag unman may pangaawa sa manga gurangun hanggan manga kalay-awan.