Hirimyas 21:13 - Hanunuu

¹³ Kalaban niku kamu manga taga Hirusalim, kamu pag manga mag-uli sa mapag-un pag rugar sa babaw maratag pag bantud. Magpalabaw-labaw kamu magkumun, ‘Ribri kita sitay! Unman may manggira sa kanta, sa mapag-un pag rugar atay sa babaw maratag pag bantud!’

Hirimyas 21:13 Iomraidhean Croise

Kanta 125:2

Kainda ti manga bantud sa sangput Hirusalim mag-alaga sa inda pag banwa, ti Panginuun mag-alaga diman sa kay nasakupan kainda ag hanggan waya aban.

Pag-ighit 13:20

Pagka nighit sida sa Sukut, nagkampu sida sa Itam, sa katugkaan pangawakawaan.

Pag-ighit 13:8

Sa udas niyu mag-alaala, itultul niyu sa kanyu manga anak kuntay pagbuwatun niyu inda bilang pag-alaala sa binwat Panginuun pagka ipinalwas kamu ginan sa Ihiptu.

Isayas 22:1

Inda ti pagsabihun tungkul sa luung pangakakitun. Hintay ti magpangyari? Hayga kamu magdayik sa manga atup?

Hirimyas 17:3

Nakan ipab-ul niku sa manga kalaban niyu kanyu manga kayamanan ag kasiyunan, hanggan manga simbahan niyu sa arabwat pag manga rugar, dahil sa binwat kasalanan niyu buu nasyun.

Hirimyas 21:5

Aku ngapu ti lumaban sa kanyu sa panab-anan kapangyarihan niku dahil sa masyadu pag pangagalit niku.

Hirimyas 49:16

Ipagpadayaw niyu kuntay mag-uli kamu sa mabatu ag sa arabwat pag rugar. Dapat sa pagpalabaw ag pagpadala niyu tunda sa iba, pagdayaun niyu kanyu sadili. Dahil una mag-uli kamu sa pinakaabwat pag rugar parihu sa pagpugadan agila, ipaababa waya diman niku kamu. Aku, ti Panginuun, ti magsabi inda.”

Hirimyas 50:31

“Aku, ti Panginuun Makamaskihan, magsabi kalaban niku kawu, Babilunya marapadayaw! Rinmas-ug yi ti sirang parusahan niku kawu.

Hirimyas 51:25

“Kalaban niku kawu, Babilunya, kawu ti pag-ingarnan Bantud Manugwayak! Winayak nimu ti buu kalibutan. Gamitun niku kang kamaskihan hampay dautun ag irubun kawu.

Hirimyas 7:4

Danga kamu magpadaya sa manga tawu paulit-ulit magsabi kuntay unman may daut mangyari sa kanyu dahil sa kanyu ti Balay Panginuun. Magkun sida, “Atay sa kanta ti Panginuun! Atay sa kanta ti Panginuun!”

Karukuan 4:12

Unman makapaniwala ti manga hari sa buu kalibutan ag kanda manga nasakupan kuntay makaslud ti manga kalaban sa manga puwirtahan Hirusalim.

Isikil 13:8

“Nakan aku, ti Panginuun Diyus, magkun labanan niku sida, dahil kapudilan kanda manga hula ag balaw tutuu kanda pangakakitun.

Isikil 21:3

Sabihi sida aku, ti Panginuun Diyus, magkun: Kalaban niku kamu! Ayitun niku kang baladaw ag panmatyun niku kamu tanan, mayad man ngatay daut.

Isikil 34:10

Aku, ti Panginuun Diyus, magkun kalaban niku kamu ag may saragtun kamu sa kangku sa nangyari sa kang manga karanidu. Balaw yi niku ipaalaga sa kanyu kang manga karanidu hampay balaw mabsug kanyu sadili. Iribri niku kang manga karanidu ginan sa kanyu hampay balaw niyu sida makaun.

Isikil 5:8

Nakan aku, ti Panginuun Diyus, laban sa kanyu. Parusahan niku kamu sa atubangan manga nasyun.

Mikas 3:11

Pagkampihan niyu sa hukuman ti manga magpakaun suhul sa kanyu. Ag kamu pag manga manughandug magtudlu lang nu pagbayadan. Katunda diman kamu pag manga purupita, maghula lang kamu nu may kuwarta. Magsarig waya kamu awatan Panginuun, dahil magkun kamu, ‘Kaibahan di nimi ti Panginuun. Nakan unman may una hintay pag kadautan ti rumas-ug sa kanmi.’

Nahum 2:13

Dahil magkun ti Panginuun Makamaskihan, “Pagpatingi kamu manga taga Ninibi! Kalaban niku kamu! Nakan sunugun niku kanyu manga kalisa ag mamatay kanyu manga sundalu sa labanan. Amparahun yi niku kanyu magpandahas sa kalibutan. Balaw yi kamu makapadara manga manugbarita sa iba manga nasyun agud makabarita sa kanda nu hintay kanyu pagkaibgan ipabuwat sa kanda.”