Hirimyas 21:10 - Hanunuu

¹⁰ Nakadisisyun yi aku padarahan kadamhakan inda pag banwa balaw kaayadan. Ipasakup niku inda sa hari Babilunya, ag kay irubun niya inda. Aku, ti Panginuun, ti magsabi inda.’

Hirimyas 21:10 Iomraidhean Croise

2 Krunika 36:19

Pagkatapus, sinunug nida ti Balay Diyus ag tinumpag ti alad batu Hirusalim. Sinunug diman nida ti tanan marig-un pag bahagi sa banwa, ag dinaut ti tanan mahalaga pag manga bagay.

Kanta 34:16

Dapat paglabanan niya ti manga magbuwat daut. Rurisun niya sida tugka sa udyi sida maalaala waya manga tawu sa kalibutan.

Hirimyas 17:27

Dapat nu balaw kamu sumunud sa kangku, ag balaw niyu kilalan-un ipinablag ti Sirang Pamahari, ag mandara kamu manga paninda sa manga puwirtahan Hirusalim sa tida pag sirang, irubun niku ti manga puwirtahan Hirusalim hanggan ti manga mapag-un pag manga bahagi banwa, unman gid may pumusa tunda pag apuy!’ ”

Hirimyas 26:6

dautun niku inda pag Balay Diyus parihu sa binuwat niku sa Silu. Inda pag banwa saadan tanan nasyun sa buu kalibutan!”

Hirimyas 33:5

suldun diman inda manga taga Babilunya. Mayamu ti mamatay sa inda pag banwa dahil wayakun niku inda sa kang masyadu pag pangagalit sa kanyu. Pagdayuun niku inda pag banwa dahil sa kay kadautan nida.

Hirimyas 34:22

suguun niku sida giraha maan kamu, sakupun ag sunugun. Buwatun niku mapung-aw ti manga banwa sa Huda ag udyi may mangulianan siyun. Aku, ti Panginuun, ti magsabi inda.”

Hirimyas 38:17

Magkun si Hirimyas sa kan Sidikyas, “Inda ti pagsabihun Panginuun Diyus Makamaskihan, ti Diyus Israil, ‘Nu umampu duy kawu sa manga takinan hari Babilunya, maribri duy kanmu buhi ag balaw nida irubun inda pag banwa. Kawu duy hanggan kanmu magtal-anakan mabuhi di.

Hirimyas 38:18

Dapat nu balaw duy kawu umampu, ipakaun inda pag banwa sa manga taga Babilunya, bag-u inda duy kanda irubun ag balaw duy kawu makapalagiw sa kanda.’ ”

Hirimyas 38:23

“Darahun duy nida ti tanan asawa ag anak nimu sa Babilunya. Kawu duy unman diman makapalagiw sa kanda; bihagun kawu hari Babilunya. Ag nida pag banwa irubun nida.”

Hirimyas 38:3

Magsabi diman ti Panginuun pihu yi maagaw ag sakupun manga taga Babilunya inda pag banwa.”

Hirimyas 39:16

“Pag-atag kawu sa kan Ibid Milik taga Itiyupya, sabihun nimu kuntay aku, ti Panginuun Makamaskihan, ti Diyus Israil magkumun, ‘Buwatun yi niku ti manga pagsabihun niku laban sa inda pag banwa. Balaw niku inda paalwanun. Gubaun niku inda. Makitan gid nimu mangyari inda.

Hirimyas 39:8

Sa Hirusalim waydi, inirub manga taga Babilunya ti manga balay hanggan ti balay hari, ag winayak nida ti manga alad batu.

Hirimyas 44:11

“Nakan aku, ti Panginuun Makamaskihan, ti Diyus Israil alistu yi hampay ipadamhak kamu ag rurisun ti buu Huda.

Hirimyas 44:27

Dahil bagkus ngap dahanan niku kamu hampay sa ikaayad niyu, ipadamhak niku kamu. Magkaramatay kamu atay sa Ihiptu sa girahan ngatay lun-us tugka sa matabu kamu tanan.

Hirimyas 52:13

Inirub niya ti Balay Diyus Panginuun, ti balay hari, ti tanan balay sa Hirusalim, ag ti tanan manga mahalaga pag daraka balay.

Isikil 15:7

Hu, parusahan gid niku sida, ag una makapalagiw sida sa usa ka apuy, sunugun di maan sida tuhay pag apuy. Bag-u maalaman nida aku ti Panginuun.

Isikil 24:11

Bag-u padnaan sa baga ti kardiru unman may sukad tugka sa bumaga diman. Sa panab-anan inda, malinisan ti kardiru ag masunug ti manga kalawang.

Libitiku 17:10

Una si unu sa kanyu pag manga Israilita hanggan pag manga day-uhan, ti kumaun dugu pihu bumaliw kalaban Panginuun ag danga yi pagkilalan-a nasakupan niyu.

Libitiku 26:17

Pabay-anan niku kamu hampay matalu kamu niyu manga kalaban ag sida ti mandumara sa kanyu. Dahil sa dala mamalalagiwan kamu una ud may maglagas sa kanyu.

Amus 2:5

Nakan sunugun niku ti Huda hanggan ti mapag-un pag bahagi Hirusalim.”

Amus 9:4

Una bihagun waya sida nida manga kalaban, ipamatay di gid niku sida. Buwatun gid niku inda; ipadamhak niku sida ag balaw awatan.’ ”

Sakaryas 1:6

Dapat nangyari sa kanyu manga ginurang kang manga sinabi ag manga pasandam ipinatultul niku sa kang manga suruguun manga purupita. Bag-u nansisi sida magkun, ‘Pinarusahan kita Panginuun Makamaskihan angay sa kanta manga binwat, parihu sa kay kagustuhan buwatun sa kanta.’ ”