Hirimyas 20:9 - Hanunuu

⁹ Nu kas-a, mag-isip aku dayi lang aku manultul tungkul sa kanmu manga bagaw. Dapat balaw duy niku maampara, dahil kanmu bagaw ga apuy maglabdab sa kang tagipusuun hanggan but-ul. Udyi niku inda kaya maampara.

Hirimyas 20:9 Iomraidhean Croise

Kanta 39:3

Nabung-anan gid aku masyadu. Ag sa pakaisip niku lalu ngap aku naarimputu. Nakan pagka udyi niku mapigil magkun yi aku,

Hirimyas 23:29

Unman aw makamaskihan kang manga bagaw? Parihu inda sa apuy makairub aw ngatay ga martilyu makarunut batu.

Hirimyas 23:9

Magkarunut kang tagipusuun dahil sa manga pudilun pag purupita. Pagtakigan hanggan kang manga but-ul, ga langu aku dahil sa banal pag tultulanun Panginuun laban sa kanda.

Hirimyas 4:19

“Ti sakit sa tagipusuun harus dayi niku mabata ag kang-ud yi lang kang magdangup. Magtibtibuk wadi kang dubdub ag unman aku makaagwanta. Dahil nadnugan niku ti tunug budyung hanggan ti pagrit sa girahan.

Hirimyas 6:11

Masyadu diman ti galit magkaramdaman niku parihu sa Panginuun ag balaw niku maampara.” Magkun ti Panginuun, “Ipadamdam niku kang galit hanggan sa manga anak magbuybuya sa karsada, sa manga kalay-awan lalaki magtiripnan, sa manga may asawa ag hanggan yi sa manga gurangun.

Isikil 3:14

Kinabyaw aku Ispiritu ag dinara tag sa arayu. Galit aku ag magtuhay kang naisipan, dapat pinigilan aku Panginuun.

Isikil 3:3

Magkun siya sa kangku, “Ta, kan-a tunda tugka sa mabsug kawu.” Pagka kinaun yi niku, parihu inda ga daykut kay katagsing.

Amus 3:8

Si unu lugud ti balaw magkadala nu mag-ngurub yi ti liyun? Si unu lugud ti unman makatultul bagaw Panginuun Diyus nu ti Panginuun Diyus yi ti magbagaw sa kanya?

Hunas 1:2

“Pag-ati kawu kainda sa Ninibi, ti daka pag banwa, bag-u pasandami ti manga tawu ati, dahil aput yi sa kangku kanda kadautan.”

Hunas 1:3

Dapat linmihus si Hunas atabug sa Tarsis hampay patagu sa Panginuun. Naglus-ug siya sa Hupa bag-u ati siya pag nakakit usa ka barku kay biyahi atabug sa Tarsis. Nakan nagpakaun siya kay piliti bag-u sinmakay sa barku kaibahan manga manugpasigu sa barku hanggan iba waya manga sakay hampay patagu siya sa Panginuun.

Lukas 9:62

Magkun si Hisus sa kanya, “Ti tawu nu maghiyaput aradu bag-u mag-aliwliw waya sa kay uryan, unman masarigan sa buruwatun kaharian Diyus.”

Binwat 17:16

Sa kay mag-alagad waya ni Pablu sa kanda ni Silas ni Timutiyu sa Atinas, naaburidu gid kay tagipusuun dahil nakitan niya pasay yi may diyus-diyusan sa banwa.

Binwat 18:5

Pagka rinmas-ug sida ni Silas ni Timutiyu ginan sa Masidunya, purus yi si Pablu sirang-sirang sa kay magtudlu Mayad pag Barita. Pag-itultul niya sa manga Hudiyu si Hisus imaw yi ti Pinili Diyus Manugribri pag Hari.

Binwat 4:20

Nu kami bay duy, dayu gid kami umapas kanmi magtultul tungkul sa kanmi nakitan ag kanmi nadnugan.”