Hirimyas 20:16 - Hanunuu

¹⁶ Mana ati pag tawu miparihu sa manga banwa winayak Panginuun ag balaw kinaawaan. Mana buu sirang mapatingihan niya ti ringgit ag arunghung manga tawu sa girahan.

Hirimyas 20:16 Iomraidhean Croise

Hirimyas 18:22

Pabay-ani nimu sida manhuyaw sa kadalaan nu ipagira nimu sa manga kalaban kanda manga balay. Dahil nagkutkut sida kali hampay malagpak aku ati, ag nagpauli sida dit-ag hampay mablay aku.

Hirimyas 18:8

bag-u tunda pag nasyun ngatay kaharian umapas sa pagbuwat daut, balaw yi niku iparargu kang gayak daut sa kanda.

Hirimyas 23:14

Dapat nakitan diman niku mas daut waya ti pagbuwatun manga purupita sa Hirusalim, dahil magpanguragin sida ag magpudil waya. Pagpabisugun nida ti nalub-anan manga daut pag tawu hampay bumuwat waya kadautan, nakan udyi sida magpatlikud sa kanda kadautan. Ti manga taga Hirusalim parihu kay ka daut sa manga taga Suduma ag Gumura.

Hirimyas 26:13

Nakan bag-uha yi niyu kanyu ugali ag pangabuhi, bag-u pagsunud yi kamu sa Panginuun kanyu Diyus. Dahil nu inda buwatun niyu, balaw yi iparargu Panginuun ti pagsabihun niya pag kadamhakan laban sa kanyu.

Hirimyas 4:19

“Ti sakit sa tagipusuun harus dayi niku mabata ag kang-ud yi lang kang magdangup. Magtibtibuk wadi kang dubdub ag unman aku makaagwanta. Dahil nadnugan niku ti tunug budyung hanggan ti pagrit sa girahan.

Karukuan 4:6

Ti parusa sa kang manga kasimanwa subra waya kaysa parusa sa Suduma, kadaka lang pinapas Diyus unman gid may nangawat sa kanda.

Isikil 21:22

Ti mabunut niya pag ugyung imaw ti may marka Hirusalim. Bag-u manringgit siya sa pagsalakay sa Hirusalim ag panmatayun ti manga mag-uli siyun. Mamauli siya daraka pag manga batang panrup-ag sa sabian Hirusalim. Mamuwat siya daraykan ag mantumpuk daga sa habig alad batu banwa hampay madayik inda.

Husyas 10:14

rumas-ug sa kanyu manga nasakupan ti girahan ag magkaradaut kanyu manga banwa may alad batu. Buwatun niyu manga kalaban ti binwat ni Salman sa banwa Bit Arbil — rinunut niya ti manga ina hanggan kanda manga anak.

Husyas 11:8

“Manga taga Israil, balaw mahimu dayuun niku kamu ngatay pabay-anan. Balaw mahimu ipadamhak niku kamu lubus parihu sa binwat niku sa manga banwa Adma ag Sibuyim. Balaw maagwanta tagipusuun niku buwatun inda sa kanyu. Magkaawa gid aku sa kanyu.

Husyas 13:14

Iribri aw niku kamu sa kamatayan? Unman! Sumabi waya ngani aku, ‘Kamatayan, naan yi kanmu manga sarut? Naan yi kanmu kaparusahan para sa inda pag manga tawu?’ “Balaw gid niku kamu kaawaan.

Amus 1:14

Nakan sunugun niku ti manga alad batu sa Raba hanggan ti mapag-un pag manga bahagi banwa habang magriringgitan ti manga kalaban maggira sa kanda, maghagunung parihu sa bagyu.

Amus 2:2

Nakan sunugun niku ti Muab hanggan ti mapag-un pag bahagi Kiryut. Mamatay ti manga taga Muab habang magriringgitan ag magpatunug manga budyung kanda manga kalaban maggira sa kanda.

Amus 4:11

“Rinuris niku ti iba sa kanyu parihu sa binwat niku sa Suduma ag Gumura. Bag-u ti iba sa kanyu nakaribri parihu sa kayu rinabnut sa apuy. Dapat unman diman kamu nagbalik sa kangku. Aku, ti Panginuun, ti magsabi inda.

Hunas 3:4

Nagsulud si Hunas sa Ninibi. Pagka natapus ti usa ka sirang lalakawun, magkun siya sa manga taga ati, “May 40 wadi ka sirang ti magkasawad rurisun yi ti Ninibi!”

Hunas 4:2

Magkun siya sa Panginuun sa kay magdarangin, “Ungud gid, Panginuun, balaw gid aku nagsalan sa sinabi niku katpung ati di waya aku sa kanmi rugar, kanmu di ngani kaawaan ti manga taga Ninibi nu mansisi sida, dahil alam niku maawaun kawu ag mapinasunaidun pag Diyus. Mapagmahal kawu ag balaw susun magkagalit. Ag alistu magbag-u kanmu isip balaw mamadara parusa. Tunda ngani kay dahilan nu hayga napatagu aku atabug sa Tarsis.

Sipanyas 1:16

bag-u madnugan ti tunug manga budyung ag ti paragritan manga sundalu maggira sa may alad batu pag manga banwa hanggan sa manga bantayaw nida.

Lukas 17:29

Dapat pagka nighit lang sa Suduma si Lut, ati katpung pag sirang nalagpak ginan sa langit ti apuy hanggan asupri ga manga uran ag natabu yi lang namatay ti tanan tawu sa banwa Suduma.

Diyuturunumiyu 29:22

“Sa aratubangun pag manga sinulput, kanyu manga lahi hanggan ti manga day-uhan ginan sa arayu pag rugar makakit manga kadamhakan ag manga sakit ipadara Panginuun sa kanyu daga.

Diyuturunumiyu 29:23

Kanyu buu daga bumaliw parihu sa tigangan daga natabunan yi asupri ag asin. Unman gid may magtanum sa inda pag daga dahil ti tanum unman manubu. Bumaliw parihu sa pagkadamhak Suduma ag Gumura, hanggan Adma ag Sibuyim pagka dinaut Panginuun dahil sa kay masyadu gid pag pangagalit.

2 Pidru 2:6

Sinintinsiyahan diman Diyus pinapas ti banwa Suduma hanggan ti banwa Gumura nagbaliw yi dapug, bilang ga usa ka mustara sa manga balaw magpasakup sa Diyus.

Hudas 1:7

Isipa diman niyu ti banwa Suduma hanggan ti banwa Gumura ag kay manga kaarani pag banwa. Nagumun diman sida sa manga mahalay pag buwat hanggan sa kalukuhan nakan sida pinarusahan sa apuy unman may katabuhan, bilang ga usa ka paalaala sa tanan tawu.