Hirimyas 20:10 - Hanunuu

¹⁰ Nasaydan niku ti magpuya manga tawu. Pag-ulitun nida kang manga pagsabihun magkumun, “Madala ti nakasangput sa kanta! Isumbung nita siya!” Una kang manga kakilala mag-alagad sa kang kadamhakan. Pagsabihun nida, “Barang abi madaya nita siya. Nu mangyari tida, manalu kita ag mabalusan nita siya.”

Hirimyas 20:10 Iomraidhean Croise

1 Hari 19:2

Nakan pinadarahan ni Hisibil barita si Ilyas magkumun, “Lubus mana aku parusahan manga diyus nu aldaw sa kainda diman pag udas balaw waya niku kawu magkamatay, parihu sa kanmu binwat sa manga purupita.”

1 Hari 21:20

Pagka nakitan ni Akab si Ilyas, magkun siya, “Nasampakan diman aku niku kalaban!” Sinmagut si Ilyas, “Hu, inmataytag aku sa kanmu dahil ipinabili nimu kanmu sadili sa pagbuwat daut sa magbantay Panginuun!

1 Hari 22:27

Ag sabihun niyu sa kanda nagsugu aku kuntay pirisuha inda pag tawu. Tinapay ag danum lang ti ipakaun sa kanya tugka sa makabalik aku may kahusayan ginan sa labanan.”

1 Hari 22:8

Sinmagut si Akab sa kan Husapat, “May usa waya ti mahimu nita mapaingan-an — si Mikaya kay anak ni Imla. Dapat magkagalit aku sa kanya dahil balaw siya may marinu pag-ihula tungkul sa kangku, lunsay kadautan.” Sinmagut si Husapat, “Danga kawu magbagaw katunda.”

Hub 19:19

Ti tanan niku suud pag manga kakilala magkayagting sa kangku. Pagpalagiwan aku niku manga pagmahalun.

Kanta 31:13

Mag-adnugan niku ti maglilibakan mayamu pag manga kalaban. Una aku naan tabug magkadala aku, dahil maggayak sida matyun aku.

Kanta 31:14

Dapat magsarig aku sa kanmu, Panginuun. Kawu kang Diyus.

Kanta 41:10

Dapat kawu, Panginuun, kaawai aku; paayada aku hampay makabalus aku sa kang manga kalaban.

Kanta 41:9

Una kang suud kakilala, ti pagsarigan gid niku, ag magsaru sa kangku sa magkaun, nandaya sa kangku.

Kanta 57:4

Pagsangputun aku manga kalaban parihu sa manga liyun alistu tumukub. Kanda manga ngipun manga bangkaw hanggan manga ugyung. Kanda manga dila manga matarum pag manga baladaw.

Kabagawan 10:18

Pudilun ti tawu magtagu kay pangagalit, ag kurang sa intindi ti maglibak.

Isayas 29:21

hanggan ti tanan manga magbangdan balaw may tutuu sa kaparihu, ti manga marapudil hampay lang papaniwalaun nida ti manga manughusay, hanggan ti pudilun pag kastigus hampay balaw mapakan-an katadlungan ti manga unman may kasalanan.

Hirimyas 1:19

Kalabanun nida kawu, dapat unman nida kawu matalu, dahil ibahan ag awatan niku kawu. Aku, ti Panginuun, ti magsabi inda.”

Hirimyas 11:19

Aku parihu sa karanidu marignuk pagdaran-un sa iriyawan balaw niku magkaalaman. Unman alam niku kuntay pag gayakun maaw aku nida matyun. Magkun sida, “Matyun nita siya parihu sa magpukan puun kayu may manga burak, hampay madura siya sa kalibutan ag malimtan yi.”

Hirimyas 11:21

Pagkaibgan matyun aku taga Anatut nu balaw aku umapas sa pagtultul bagaw Panginuun. Nakan inda ti pagsabihun Panginuun Makamaskihan, “Parusahan niku sida. Mamatay sa gira kanda manga kalay-awan lalaki, ag mamatay sa lun-us kanda manga anak.

Hirimyas 18:18

Bag-u magkun ti manga tawu, “Abala kamu, mamuwat kita paraan hampay maampara nita si Hirimyas! May manga manughandug diman manudlu kasuguan sa kanta, ag may mamaanyu diman manga madunung pag tawu sa kanta, hanggan may manga purupita diman magpaliwanag bagaw Diyus sa kanta. Nakan mamuwat kita manga tultulanun laban sa kanya, danga yi kita magpatingi sa kay manga pagsabihun.”

Hirimyas 20:3

Pagkasurip, ipinalwas ni Pasur si Hirimyas. Magkun si Hirimyas sa kanya, “Pasur, inilisan yi Panginuun kanmu ngaran. Ingarnan yi kawu taynguna Magur Misabib.

Hirimyas 37:13

Dapat ay pagka rinmas-ug siya sa puwirtahan banwa ni Binhamin, dinakup siya kapitan manga guwardiya ni Iriya kay anak ni Silimya kay laki ni Hananiyas. Magkun sa kanya ti kapitan, “Kakampi kawu manga taga Babilunya.”

Hirimyas 6:25

Danga yi kamu magluwas hampay umatag sa tanman ngatay lumakaw sa manga dalan, dahil may manga kalaban una naan alistu manmatay. Madala sa kanta palibut.

Isikil 22:9

May manga tawu asan sa kanmu magpamudil hampay ipamatay ti iba. May imaw diman magkaun manga handug sa manga diyus-diyusan sa manga simbahan sa manga bantud hanggan mahalay pag buwat.

Danyil 6:4

Nakan ngani, ti duwa niya ka kaibahan manugpaanyu ag ti manga gubirnadur nanhanap salan sa pagdumara ni Danyil agud may ibangdan sida laban sa kanya. Dapat unman gid sida may nakitan salan dahil masarigan gid si Danyil ag mayad kay magdumara.

Lukas 20:20

Nakan nag-alagad waya sida. Sinugu nida manga tawu kanda inupahan hampay mamabalhinguun pag paingana sa kan Hisus hampay pasalanun siya sa kay bagaw bag-u ipabahala nida siya sa kapangyarihan gubirnadur.

Binwat 24:13

Unman diman sida may puruyba tungkul sa kanda manga dimanda laban sa kangku.

Binwat 5:33

Pagka nadnugan manga pinunu inda pag manga bagaw, masyadu yi lang gid sida nagalit nakan kanda gid gustu ipamatay yi ti manga apustul.

Binwat 7:54

Pagka nadnugan manga Pinunu kan Istiban binagaw, nangubut yi gid kanda manga bibig sa isug.