Hirimyas 2:32 - Hanunuu

³² “Malimtan aw usa ka daraga kay manga ugsung aw ngatay ti rutay niya pankasal? Dapat kamu kang manga nasakupan, dugay yi niyu aku kinalimtan.

Hirimyas 2:32 Iomraidhean Croise

Gimpuunan 24:22

Pagka nakainum ti manga kamilyu, binulwat suruguun kay dara aritus gintu para sa irung kay buyat manga unum ka guhit. Binulwat diman niya ti duwa ka ugsung gintu kay buyat manga 120 ka guhit. Ag ipinakaun niya inda sa kan Ribika.

Gimpuunan 24:53

Susun niya binulwat kay dara manga pamarinu buwat sa gintu ag pilak, hanggan ti manga rutay, bag-u ipinakaun sa kan Ribika. Pinakan-an diman niya mahalaga pag pamakaun kay patar-ari lalaki hanggan kay ina ni Ribika.

2 Samwil 1:24

Manga babayi Israil, pagrukuan kamu para sa kan Saul. Dahil sa kanya nakasulung kamu mahal pag rutay hanggan ugsung gintu.

Kanta 106:21

Nalimtan nida ti Diyus imaw ti nagribri sa kanda ag nagbuwat makadululaw hanggan lilingutan pag buwat ati sa Ihiptu, ti daga manga linahi ni Kam ati sa Marara pag Dagat.

Kanta 9:17

Mamatay ti daut pag manga tawu sa tanan nasyun, dahil pagdayuun nida ti Diyus.

Isayas 17:10

Kinalimtan niyu ti Diyus kanyu Manugribri ag batu palalan-iban. Nakan una magtanum kamu manga mararinu pag kalasi tanum, parihu sa ubas ginan sa iba rugar,

Isayas 57:11

Magkun ti Panginuun, “Si unu tunda pag diyus-diyusan ti pagkadalaan niyu ag namudil kamu sa kangku? Linimtan niyu aku ag udyi pinansin. Hintay lugud kay dahilan hayga balaw yi niyu aku pag-igalang? Dahil aw sa ud nangingay aku sa dugay pag udas?

Isayas 61:10

Magbaya aku sa kang Panginuun Diyus, dahil aku ga kay pinasulungan karibrihan hanggan kapanaluhan. Parihu aku sa lalaki ikasal may sulung rutay marinu panmanughandug, ngatay parihu sa babayi ikasal may pamarinu.

Hirimyas 13:10

Dayu magsunud inda pag manga daut tawu sa manga pagsabihun niku. Pagsundun nida ti kagustuhan maganit nida tagipusuun magsirbi ag magsamba sa manga diyus-diyusan. Nakan miparihu sida sa tunda pag huragkus udyi mapakinabangan.

Hirimyas 18:15

Dapat kang manga nasakupan magkalimut yi sa kangku. Magsunug sida kamangyan sa manga diyus-diyusan unman may pulus. Nagpatlikud sida sa insaktu ag daan pag dalan, linmakaw sida sa balaw mayad pag dalan nu naan nitalakpa sida.

Hirimyas 2:11

May nasyun aw nag-ilis kanda diyus una balaw tutuu diyus? Dapat aku, ti makamaskihan pag Diyus, ibinalyu niku manga nasakupan sa manga diyus unman may pulus.

Hirimyas 2:33

Madunung gid kamu maglagas sa pagmahalun niyu pag manga diyus-diyusan. Una ti manga babayi baraydan dumunung waya sa kanyu.

Hirimyas 23:27

Sa panab-anan manga tagin-up nida tida ti pagsabihun nida sa manga tawu, pag-itulang nida kang manga nasakupan hampay kalimtan nida aku, parihu sa paglimut nida manga kaumputan sa kangku sa panab-anan nida pagsamba sa kan Baal.

Hirimyas 3:21

“May mag-adnugan yi manga iringayan sa arabwat pag rugar. Maglulumian ag magpaawa-awa ti nasakupan Israil dahil nagbaliw daut kanda magpangabuhi ag kinalimtan nida aku, ti Panginuun kuntay kanda Diyus.

Isikil 22:12

Ti iba magtanggap suhul hampay manmatay tawu, ti iba magpatubu labis-labis, hanggan magyaman dahil sa maramuun sa kuwarta. Nalimtan yi gid nida aku. Aku, ti Panginuun Diyus, ti magbagaw inda.

Husyas 8:14

Kinalimtan manga taga Israil ti naglalang sa kanda. Sida ag ti manga taga Huda nagpatindug manga balay hari hanggan mayamu banwa sangput alad batu. Dapat sunugun niku kanda manga banwa hanggan ti mapag-un pag manga rugar.”

Diyuturunumiyu 32:15

Nagmaalwan ti manga Israilita dapat naglaban sida. Nagtabul sida ag nagbisug, dapat pinatlikudan nida ti Diyus, ti naglalang sa kanda, ag binugyahan nida ti palalan-iban nida pag batu imaw ti kanda Manugribri.

Ipinakakit 21:2

Nakitan niku ti Banal pag Banwa, imaw ti bag-u pag Hirusalim, magpakababa ginan sa langit, ginan sa Diyus, parihu ga babayi kalasalun, lubus alistu magsulang sa kay arasawan-un pag lalaki.

Talaghusay 8:34

Kinalimtan nida ti Panginuun nida Diyus imaw ti nagribri sa kanda laban sa kanda manga kalaban sa sangput.